Vijay Devarakonda: కుంభమేళాలో తల్లితో కలిసి విజయ్ దేవరకొండ - అల్లు అర్జున్, వంశీ పైడిపల్లి ఫ్యామిలీలు కూడా.. ఫోటోలు వైరల్

Vijay Devarakonda Kumbhmela Journey: టాలీవుడ్ యంగ్ హీరో విజయ్ దేవరకొండ తన తల్లితో కలిసి మహా కుంభమేళాను సందర్శించారు. ఇందుకు సంబంధించిన ఫోటోలను ఆయన సోషల్ మీడియాలో పంచుకోగా వైరల్ అవుతున్నాయి.

మహా కుంభమేళాలో విజయ్ దేవరకొండ

టాలీవుడ్ యంగ్ హీరో విజయ్ దేవరకొండ ఆధ్యాత్మిక వేడుక ప్రయాగరాజ్ మహా కుంభమేళాలో తన తల్లితో కలిసి పాల్గొన్నారు. అక్కడ త్రివేణి సంగమంలో పుణ్యస్నానాలు ఆచరించారు.

అతి పెద్ద ఆధ్యాత్మి ఉత్సవంలో పాల్గొన్న ఫోటోలను విజయ్ సోషల్ మీడియాలో షేర్ చేయగా వైరల్ అవుతున్నాయి. మన మూలాలను గౌరవిస్తూ మా అమ్మతో ప్రార్థన చేస్తున్నట్లు చెప్పారు.

తన ఫ్యామిలీతో పాటు తన డార్లింగ్ గ్యాంగ్‌తో కలిసి పుణ్యస్నానాలు ఆచరించినట్లు విజయ్ తెలిపారు. కాశీకి సైతం వెళ్లినట్లు చెప్పారు. కుంభమేళాలో విజయ్ డిఫరెంట్ లుక్‌లో కనిపించారు. విజయ్ ప్రస్తుతం గౌతమ్ తిన్ననూరి దర్శకత్వంలో 'కింగ్ డమ్' సినిమా చేస్తున్నారు.

కుంభమేళాకు అల్లు అర్జున్ ఫ్యామిలీ సైతం వెళ్లారు. బన్నీ భార్య స్నేహ మాత్రమే విజయ్ ఫ్యామిలీతో కలిసి వెళ్లారు. దర్శకుడు వంశీ పైడిపల్లి, మైహోమ్ రాము జూపల్లి సైతం ఈ ఫోటోల్లో ఉన్నారు.