Hormonal Imbalance: మహిళల్లో హార్మోన్ల అసమతుల్యత మానసిక ఆరోగ్యంపై ప్రభావం చూపుతోందా? అందుకు గల కారణాలేంటి

మనం యాక్టివ్ గా ఉండాలంటే హార్మోన్లు పనితీరు సక్రమంగా ఉండాలి. అవి ఏ మాత్రం అటు ఇటుగా ఉన్న దాని ప్రభావం వెంటనే మనలో కనిపిస్తుంది. ఆందోళన, నిద్రలేమి కారణంగా మహిళల్లో హార్మోన్ల సమతుల్యత ఏర్పడుతుంది.

image credit: pexels

మనం యాక్టివ్ గా ఉండాలంటే హార్మోన్లు పనితీరు సక్రమంగా ఉండాలి. అవి ఏ మాత్రం అటు ఇటుగా ఉన్న దాని ప్రభావం వెంటనే మనలో కనిపిస్తుంది. రోజువారీ పనుల్లో పడి మహిళలు శారీరక ఆరోగ్యం మీద శ్రద్ధ పెట్టారు. ఫలితంగా హార్మోన్ల సమస్య తలెత్తి మానసిక రుగ్మతలు తలెత్తే అవకాశం ఉంది. మానసిక ఒత్తిడి, ఆందోళన, నిద్రలేమి కారణంగా మహిళల్లో హార్మోన్ల సమతుల్యత ఏర్పడుతుంది. దీని ఫలితంగా అనేక అనారోగ్య సమస్యలు వస్తాయి. మహిళల్లో హార్మోన్ స్థాయిలు, హెచ్చుతగ్గులు చాలా మిశ్రమంగా ఉంటాయి. ఇది వారి మానసిక పరిస్థితి మీద ప్రభావం చూపుతుంది. మెదడు చురుగ్గా పని చెయ్యడం, పీరియడ్స్, గర్భధారణ వంటి వాటి మీద హార్మోన్లు తీవ్ర ప్రభావం చూపుతాయి. అందుకే హార్మోన్లు అసమతుల్యత ఏర్పడితే ఇవన్నీ ఎఫ్ఫెక్ట్ అవుతాయి. ఈస్ట్రోజెన్, ప్రొజెస్టెరాన్ మరియు టెస్టోస్టెరాన్ హార్మోన్లు మహిళలకి చాలా ముఖ్యం.

మహిళల్లో ఈస్ట్రోజెన్‌లో తగ్గుదల అధిక ఆందోళన మరియు చికాకును కలిగిస్తుంది. దీన్ని వెంటనే గుర్తించి పరిష్కరించకపోతే తీవ్రమైన నిరాశకు దారితీస్తుంది. అంతే కాదు రక్తంలో చక్కెర స్థాయిలను పెంచుతుంది, ఇది మధుమేహానికి దారితీస్తుంది. థైరాయిడ్ గ్రంథికి సంబంధించి హార్మోన్లు అసమతుల్యత ఏర్పడితే నిద్ర లేమి, ఆందోళన, కండరాల నొప్పి, హృదయ స్పందనలో మార్పులు, పొడి బారిన చర్మం, జుట్టు రాలిపోవడం, పీరియడ్స్ సక్రమంగా రాకపోవడం వంటి సమస్యలు వచ్చేలా చేస్తుంది. 

హార్మోన్ల అసమతుల్యత కారణంగా వచ్చే ఆరోగ్య సమస్యలు 

* హైపోథైరాయిడిజం

* పీరియడ్స్ సమాయనికంటే ముందు రావడం, ఒక్కోసారి ఆలస్యం కావడం 

* మెనోపాజ్

* అడిసన్ వ్యాధి

* మధుమేహం

* డిప్రెషన్

హార్మోన్ల అసమతుల్యతకి కారణాలు 

సరైన నిద్ర లేకపోవడం, మానసిక ఒత్తిడి, ధూమపానం, మద్యపానం, మెడికల్ కండిషన్స్, దీర్ఘకాలిక ఒత్తిడి, ఆహార లేమి, జీవనశైలిలో మార్పులు. ఇవన్నీ హార్మోన్ల పని తీరు సక్రమగా లేవనే దానికి సంకేతాలు. 

ఈ సమస్యకి ట్రీట్మెంట్ 

ఆరోగ్యకరమైన ఆహారం: శరీరానికి అన్ని పోషకాలు అందే విధమైన ఆహారం తీసుకోవాలి. పండ్లు, కూరగాయలు, చేపలు, చికెన్ మరియు ధాన్యాలతో ఫైబర్, ఖనిజాలు మరియు విటమిన్లు లభించే ఆహారం తీసుకోవాలి. 

వ్యాయామం: ప్రతి రోజు కనీసం 30 నిమిషాల పాటు వ్యాయామం చెయ్యాలి. జీవక్రియ సక్రమంగా ఉండాలంటే తప్పని సరిగా జాగింగ్, స్విమ్మింగ్ లేదా కొద్ది సేపు వాకింగ్ చెయ్యడం అలవర్చుకోవాలి. 

ధూమపానం మానెయ్యాలి: ఆరోగ్యానికి హాని కలిగించే ధూమపానం, మద్యపానం అలవాట్లు మానుకోవాలి. ఇవి మానసిక, శారీరక ఆరోగ్యానికి హానికరం. 

ధ్యానం: మనసు, ఆలోచనలు ప్రశాంతంగా ఉంచుకోవడానికి ధ్యానం చెయ్యాలి. ఏవైనా యోగాసనాలు నేర్చుకుని క్రమం తప్పకుండా వాటిని చెయ్యాలి. మనసును అదుపులో పెట్టుకోవడానికి ఆలోచనా విధానం బాగుండేందుకు ధేయనం చెయ్యడం ఉత్తమమైన మార్గం. హార్మోన్స్ పనితీరు సక్రమంగా ఉండేందుకు అవసరమైన ఆటలు ఆడుతూ కూడా ఉండొచ్చు. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.