Nara Lokesh At Prayagraj: మహా కుంభమేళాలో మంత్రి నారా లోకేష్ దంపతుల పుణ్యస్నానాలు - త్రివేణి సంగమం వద్ద ప్రత్యేక పూజలు

Andhra Pradesh Latest News: ఆంధ్రప్రదేశ్ ఐటీ, విద్యాశాఖ మంత్రి నారా లోకేష్‌ దంపతులు మహాకుంభమేళాలో పాల్గొన్నారు. ప్రయాగ్‌రాజ్‌ వద్ద త్రివేణి సంగమం పుణ్యస్నానాలు ఆచరించి ప్రత్యేక పూజలు చేశారు.

మహా కుంభమేళాలో మంత్రి నారా లోకేష్ దంపతుల పుణ్యస్నానాలు - త్రివేణి సంగమం వద్ద ప్రత్యేక పూజలు

ఉత్తర్‌ప్రదేశ్‌లో ప్రయాగరాజ్ మహా కుంభమేళాలో ఆంధ్రప్రదేశ్‌ విద్య, ఐటి, ఎలక్ట్రానిక్స్ శాఖల మంత్రి నారా లోకేష్ దంపతులు పుణ్యస్నానాలు చేశారు.

త్రివేణి సంగమం షాహి స్నానఘట్టంలో సాంప్రదాయబద్ధంగా స్నానాన్ని ఆచరించి గంగాదేవికి పూజలు చేసి, హారతులు ఇచ్చారు.

పితృదేవతలను స్మరించుకుంటూ బ్రాహ్మణులకు వస్త్రదానం చేశారు.

పూర్వీకులకు మోక్షమార్గాన్ని ప్రసాదించాలంటూ గంగాదేవిని ప్రార్థించారు.

కుంభమేళా ప్రాంగణంలో వినిపించే కీర్తనలు, నదీ సంగమం వద్ద పవిత్ర పూజల మధ్య నిర్వహిమంచిన ఆధ్యాత్మిక కార్యక్రమాల్లో లోకేష్ దంపతులు మమేకమయ్యారు.

మహా కుంభమేళాకు భారీగా భక్తులు వస్తున్నారు. 144 ఏళ్లకోసారి నిర్వహించి ఈ పవిత్ర కార్యక్రమంలో పాల్గొని పునీతులు అవుతున్నారు.

పవిత్ర నదుల్లో స్నానాలు ఆచరించి, దాన ధర్మాలు చేస్తున్నారు.

కుంభమేళాలో స్నానాలు, పూజాధికాల అనంతరం లోకేష్ దంపతులు కాశీ విశ్వేశ్వరుని ఆలయాన్ని సందర్శించేందుకు వారణాసి బయలుదేరి వెళ్లారు.