Ghajini 2: 'గజిని 2' కోసం స్క్రిప్ట్ రెడీ చేస్తోన్న డైరెక్టర్ మురుగదాస్! - సీక్వెల్ క్లారిటీతో ఫ్యాన్స్ ఫుల్ హ్యాపీ..

AR Murugadoss: 'గజిని' సీక్వెల్‌పై డైరెక్టర్ మురుగదాస్ అదిరిపోయే అప్ డేట్ ఇచ్చారు. 'గజిని 2'కు సంబంధించి తమ వద్ద ఆలోచన ఉందని.. దానిపై ఇంకా వర్క్ చేయాల్సి ఉందని చెప్పారు.

గజిని 2పై మురుగదాస్ ఏమన్నారంటే.?

Source : Twitter (X)

AR Murugadoss Clarifies About Ghajini 2 Movie: సూర్య హీరోగా ప్రముఖ దర్శకుడు ఏఆర్ మురుగదాస్ (AR Murugadoss) తెరకెక్కించిన మూవీ 'గజిని' (Ghajini). డిఫరెంట్ కాన్సెప్ట్‌తో వచ్చిన ఈ మూవీ బాక్సాఫీస్ వద్ద సంచలన విజయం అందుకుంది. 2005లో ఈ మూవీ రిలీజ్ అయ్యింది. ఇదే చిత్రాన్ని 2008లో ఆమిర్‌ఖాన్ హీరోగా బాలీవుడ్‌లోనూ రీమేక్ చేయగా బిగ్గెస్ట్ హిట్‌గా నిలిచింది. ఈ మూవీ సీక్వెల్ ఉంటే బాగుంటుందని ఎప్పటి నుంచో ఫ్యాన్స్‌తో పాటు సినీ ప్రియులు సైతం కోరుకుంటున్నారు. 

స్క్రిప్ట్ రెడీ చేస్తున్నారా..?

తాజాగా 'గజిని 2'పై దర్శకుడు ఏఆర్ మురుగదాస్ స్పందించారు. త్వరలోనే సీక్వెల్ కోసం సన్నాహాలు చేస్తున్నట్లు చెప్పారు. కథకు సంబంధించి తన వద్ద ఓ ఆలోచన ఉన్నట్లు తెలిపారు. 'గజిని 2 రూపొందించే ఛాన్స్ ఉంది. సీక్వెల్‌కు సంబంధించి మా వద్ద ఓ ఆలోచన ఉంది. దానిపై ఇంకా వర్క్ చేయాల్సి ఉంది. మేము అనుకున్నట్లుగా అంతా మంచిగా జరిగితే సీక్వెల్ తెరకెక్కిస్తాం. ఫుల్ స్క్రిప్ట్ సిద్ధం చేయాల్సి ఉంది. అన్నీ అనుకున్నట్లు జరిగితే తెలుగు, తమిళంలో ఒకేసారి రూపొందిస్తాం.' అని ఆయన అన్నారు. 'గజిని'లో హీరో రోల్ ఎంతో డిఫరెంట్‌గా ఉంటుందని.. ఆ పాత్రను ఆధారంగా చేసుకుని ఎన్ని పార్ట్స్ అయినా క్రియేట్ చెయ్యొచ్చని అభిప్రాయపడ్డారు. 

మరోవైపు.. బాలీవుడ్ కండల వీరుడు సల్మాన్ ఖాన్ హీరోగా మురుగదాస్ దర్శకత్వంలో వస్తోన్న లేటెస్ట్ మూవీ 'సికిందర్'. పొలిటికల్ బ్యాక్ డ్రాప్‌లో యాక్షన్ ఎంటర్‌టైనర్‌గా రానున్న ఈ మూవీలో నేషనల్ క్రష్ రష్మిక మందన్న హీరోయిన్‌గా నటిస్తున్నారు. రంజాన్ కానుకగా ఈ నెల 30న ఇది ప్రేక్షకుల ముందుకు రానుంది. ఇది యాక్షన్ మూవీ అయినప్పటికీ ఇందులో భార్యాభర్తల సంబంధం గురించి వివరించినట్లు మురుగదాస్ తెలిపారు.

మరిన్ని చదవండి

బెట్టింగ్ యాప్ ప్రమోషన్స్ వ్యవహారం - బాలకృష్ణ, ప్రభాస్, గోపీచంద్‌లపై ఫిర్యాదు!