YS Jagan And Sailajanath: త్వరలోనే వైసీపీలోకి కాంగ్రెస్ నేతలు - బాంబు పేల్చిన శైలజానాథ్‌

YS Jagan : మాజీ సీఎం జగన్ సమక్షంలో వైఎస్సార్‌సీపీలో చేరిన సాకే శైలజానాథ్‌ కీలక వ్యాఖ్యలు చేశారు. త్వరలోనే కాంగ్రెస్ నేతలంతా వైసీపీలో చేరతారని ప్రకటించారు.

త్వరలోనే వైసీపీలోకి కాంగ్రెస్ నేతలు - బాంబు పేల్చిన శైలజానాథ్‌

వైఎస్‌ఆర్‌సీపీ నుంచి నేతలు వెళ్లిపోతున్న టైంలో కాంగ్రెస్ లీడర్, మాజీ మంత్రి సాకే శైలజానాథ్‌ కీలక నిర్ణయం తీసుకున్నారు.

ఎప్పటి నుంచో సాగుతున్న చర్చలకు ఫుల్‌స్టాప్‌ పెట్టేసి శైలజానాథ్‌ వైఎస్‌ఆర్‌సీపీలో చేరిపోయారు.

వైఎస్‌ఆర్‌సీపీ అధ్యక్షుడు జగన్ సమక్షంలో శైలజానాథ్‌ వైసీపీ కండువా కప్పుకున్నారు.

మాజీ సీఎం వైఎస్‌ జగన్‌మోహన్‌రెడ్డి శైలజానాథ్‌కు కండువా కప్పి పార్టీలోకి ఆహ్వానించారు.

శైలజానాథ్‌తో పాటు ఏఐసీసీ మెంబర్‌, అనంతపురం డీసీసీ మాజీ అధ్యక్షుడు ప్రతాప్‌ రెడ్డి కూడా వైఎస్సార్‌సీపీలో చేరారు.

వైసీపీలో చేరిన తర్వాత మీడియాతో మాట్లాడిన శైలజానాథ్‌ జగన్ ధానాలు నచ్చటంతోనే పార్టీలో చేరినట్టు చెప్పారు.

ప్రజల తరుపున వైసీపీ, జగన్ పోరాడుతున్నారని అందుకే తాను అందులో చేరినట్టు పేర్కొన్నారు శైలజానాథ్..

కూటమి ప్రభుత్వం వచ్చినప్పటి నుంచి ప్రజా వ్యతిరేక విధానాలు అవలంభిస్తోందని శైలజానాథ్ విమర్శించారు.

ఎన్నికల్లో ఇచ్చిన ఏ హామీని కూడా నిలబెట్టుకోలేకపోగా వారికి అన్యాయం చేస్తోందని శైలజానాథ్ మండిపడ్డారు.

జగన్ ఎలాంటి బాధ్యతలు అప్పగించినా స్వీకరించి రాయలసీమ ప్రజల కష్టాలు తీర్చేందుకు కృషి చేస్తానని అన్నారు శైలజానాథ్.

కాంగ్రెస్ పార్టీ నుంచి చాలా మంది నేతలు వైసీపీలో చేరేందుకు ఆసక్తితో ఉన్నారని శైజలానాథ్‌ చెప్పారు.

అనంతపురం జిల్లాకు చెందిన శైలజానాథ్ కాంగ్రెస్‌ తరఫున శింగనమల నియోజకవర్గం నుంచి 2004, 2009లో విజయం సాధించారు.

శైలజానాథ్ ఏపీసీసీ అధ్యక్షుడిగా కూడా పని చేశారు.