![ABP Premium](https://cdn.abplive.com/imagebank/Premium-ad-Icon.png)
Weather Latest Update: బంగాళాఖాతంలో తీవ్ర అల్పపీడనం, భారీ నుంచి అతి భారీ వర్షాల సూచన - ఐఎండీ వెల్లడి
రాగల మూడు రోజులు తెలంగాణ రాష్ట్రంలో తేలికపాటి నుండి మోస్తరు వర్షాలు చాలా చోట్ల కురిసే అవకాశం ఉంది.
![Weather Latest Update: బంగాళాఖాతంలో తీవ్ర అల్పపీడనం, భారీ నుంచి అతి భారీ వర్షాల సూచన - ఐఎండీ వెల్లడి Weather in Telangana Andhrapradesh Hyderabad on 15 September 2023 Monsoon updates latest news here Weather Latest Update: బంగాళాఖాతంలో తీవ్ర అల్పపీడనం, భారీ నుంచి అతి భారీ వర్షాల సూచన - ఐఎండీ వెల్లడి](https://feeds.abplive.com/onecms/images/uploaded-images/2023/09/14/a9a8b895c42271ef56268711b547b3141694710760812234_original.jpg?impolicy=abp_cdn&imwidth=1200&height=675)
‘‘నిన్న ఉత్తర బంగాళాఖాతంలో ఏర్పడిన అల్పపీడన ప్రాంతం ఈరోజు ఉదయం తీవ్ర అల్పపీడనంగా బలపడి, ప్రస్తుతం వాయువ్య బంగాళాఖాతం, పరిసరాల్లోని ఉత్తర ఒడిశా & పశ్చిమ బెంగాల్ తీరాల్లో ఉంది. దీనికి అనుబంధంగా ఉన్న ఆవర్తనం సగటు సముద్రమట్టం నుంచి 7.6 కి.మీ. వరకు వ్యాపించి, ఎత్తుకు వెళ్లే కొద్దీ నైరుతి దిశ వైపుకి వాలి ఉంది. ఇది రాగల 2 రోజులలో ఒడిశా, ఛత్తీస్ గఢ్ మీదుగా కదిలే అవకాశం ఉంది’’ అని హైదరాబాద్ లోని వాతావరణ కేంద్రం అధికారులు తెలిపారు.
రాగల మూడు రోజులు తెలంగాణ రాష్ట్రంలో తేలికపాటి నుండి మోస్తరు వర్షాలు చాలా చోట్ల కురిసే అవకాశం ఉంది. ఈ రోజు భారీ నుండి అతిభారీ వర్షాలు, రేపు భారీ వర్షాలు తెలంగాణ రాష్ట్రంలో కొన్ని (ఉత్తర) జిల్లాల్లో అక్కడక్కడ వచ్చే అవకాశం ఉంది.
హైదరాబాద్లో వాతావరణం
హైదరాబాద్ లో ఆకాశం మేఘావృతం అయి కనిపించనుంది. నగరంలో తేలికపాటి నుంచి మోస్తరు వర్షం లేదా ఉరుములతో కూడిన జల్లులు పడే అవకాశం ఉంది. గరిష్ఠ, కనిష్ఠ ఉష్ణోగ్రతలు వరుసగా 29 డిగ్రీలు, 23 డిగ్రీలుగా ఉండే అవకాశం ఉంది. ఉపరితల గాలులు గంటకు 06 నుంచి 10 కిలో మీటర్ల వేగంతో పశ్చిమ దిశగా వీచే అవకాశం ఉంది. నిన్న గరిష్ఠ ఉష్ణోగ్రత 30.7 డిగ్రీలు, కనిష్ఠ ఉష్ణోగ్రత 23.7 డిగ్రీలుగా నమోదైంది. గాలిలో తేమ 82 శాతంగా నమోదైంది.
ఏపీలో ఇలా
ఈరోజు తేలిక పాటి నుండి ఒక మోస్తరు వర్షాలు లేదా ఉరుములతో కూడిన జల్లులు చాల చోట్ల కురిసే అవకాశం ఉంది. ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశం ఉంది. భారీ వర్షాలు ఒకటి లేదా రెండు చోట్ల కురిసే అవకాశం ఉంది. బలమైన గాలులు గంటకు 30 నుండి 40 కిలోమీటర్ల వేగంతో వీయవచ్చు. దక్షిణ కోస్తాలో తేలిక పాటి నుంచి ఒక మోస్తరు వర్షాలు లేదా ఉరుములతో కూడిన జల్లులు అనేక చోట్ల కురిసే అవకాశం ఉంది. ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశం ఉంది. బలమైన గాలులు గంటకు 30 నుండి 40 కిలో మీటర్ల వేగముతో వీయవచ్చని వాతావరణ అధికారులు తెలిపారు.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)