Paris Olympics 2024: స్వదేశానికి మను బాకర్‌, ఢిల్లీలో ఘన స్వాగతం

Olympic Games Paris 2024: పారిస్ ఒలింపిక్స్ లో రెండు కాంస్య పతకాలు సాధించిన భారత యువ షూటర్‌ మను భాకర్ స్వదేశానికి చేరుకుంది. ఢిల్లీ ఎయిర్‌ పోర్టులో ఆమెకు ఘన స్వాగతం లభించింది.

స్వదేశానికి మను బాకర్‌

పారిస్‌ ఒలింపిక్స్‌ 2024లో రెండు పతకాలు సాధించిన భారత్ యువ షూటర్‌ మను బాకర్‌ స్వదేశం చేరుకున్నారు. దేశరాజధాని ఢిల్లీలో ఆమెకు ఘన స్వాగతం లభించింది.

భారీ సంఖ్యలో తరలివచ్చిన అభిమానులు ఢిల్లీ విమానాశ్రయం వద్ద పూలమాలలతో ఘన స్వాగతం పలికారు.

పెద్ద ఎత్తున ఆమెకు పుష్పగుచ్ఛాలు అందించారు. అనంతరం మను బాకర్‌ కారులో ర్యాలీ తీశారు.

మను వెంట ఆమె కోచ్ జస్పాల్ రాణా కూడా ఉన్నారు.

10 మీటర్ల ఎయిర్‌ పిస్టోల్‌ సింగిల్, మిక్స్‌డ్‌ విభాగంలో మను బాకర్‌ కాంస్య పతకాలు సాధించిన విషయం తెలిసిందే.

కేవలం 22 ఏళ్ల వయసులో ఒకే ఒలింపిక్స్‌లో రెండు పతకాలను సాధించి మను చరిత్ర సృష్టించింది.

మహిళల 10 మీటర్ల ఎయిర్ పిస్టల్ ఈవెంట్‌లో మను కాంస్య పతకాన్ని సాధించి.. భారత్‌కు తొలి పతకాన్ని అందించింది. 10 మీటర్ల ఎయిర్ పిస్టల్ మిక్స్‌డ్ టీమ్ ఈవెంట్‌లో సరబ్‌జోత్ సింగ్‌తో కలిసి కాంస్య పతకాన్ని గెలిచింది.

పారిస్ ఒలింపిక్స్ 2024 ముగింపు వేడుకల్లో పాల్గొనేందుకు మను బాకర్‌ మళ్లీ పారిస్ వెళ్లనున్నారు. ఆమె ముగింపు ఉత్సవాలలో భారత పతాకధారుల్లో ఒకరు.