Mens Skin care : మగవారు ఫాలో అవ్వాల్సిన స్కిన్ కేర్ టిప్స్.. ముడతలు రాకుండా తీసుకోవాల్సిన జాగ్రత్తలు
Grooming Tips : ఆడవారికే కాదు మగవారికి కూడా స్కిన్ కేర్ చాలా అవసరం. ముఖ్యంగా సమ్మర్లో.. 20 దాటిన ప్రతి ఒక్కరూ ఫాలో అవ్వాల్సిన స్కిన్ కేర్ రొటీన్ ఇక్కడుంది చూసేద్దాం.
Summer Skin Care for Men : మగవారు స్కిన్ విషయంలో పెద్ద జాగ్రత్తలు తీసుకోరు. దీనివల్ల స్కిన్ డార్క్ అవ్వడం, త్వరగా ముడతలు రావడం జరుగుతాయి. అందుకే ఆడవారే కాదు.. మగవారు కూడా ఓ స్కిన్ కేర్ రొటీన్ని సెట్ చేసుకుంటే మీ స్కిన్ హెల్తీగా ఉండడంతో పాటు.. మంచి గ్లోని ఇస్తుంది. త్వరగా ముడతలు రాకుండా, యవ్వనంగా కనిపించడంలో హెల్ప్ చేస్తుంది. అయితే మంచి లుక్ కోసం ఎలాంటి స్కిన్ కేర్ తీసుకోవాలి? రోజు ఎలాంటి టిప్స్ ఫాలో అవ్వాలి? వారానికి ఎలాంటి జాగ్రత్తలు తీసుకోవాలి? నెలకోసారి ఏమి చేస్తే స్కిన్ హెల్త్ ఇంప్రూవ్ అవుతుందో చూసేద్దాం.
రోజుకోసారి..
క్లెన్సింగ్ అనేది స్కిన్ కేర్లో అత్యంత ముఖ్యమైన పార్ట్ ఇది. కచ్చితంగా రోజుకు రెండుసార్లు సాఫ్ట్ ఫేస్ వాష్తో లేదా క్లెన్సర్తో ఉదయం, సాయంత్రం రెండుసార్లు ముఖాన్ని కడగాలి. ముఖాన్ని హైడ్రేటెడ్గా ఉంచుకునేందుకు ముఖానికి కచ్చితంగా మాయిశ్చరైజర్ని అప్లై చేయాలి. తేలికపాటి మాయిశ్చరైజర్ని ఎంచుకుంటే మంచిది.
బయటకు వెళ్లేముందు తప్పనిసరిగా అప్లై చేసుకోవాలి. SPF 30 ఉండేవి ఎంచుకుంటే మంచిది. ఇది స్కిన్కి సన్ నుంచి ప్రొటెక్షన్ ఇస్తుంది. స్కిన్ డ్యామేజ్ కాకుండా కాపాడుతుంది. లిప్ బామ్ని కూడా ఉపయోగించాలి. చాలామంది దీనిని ఉపయోగించరు. కానీ మగవారు కూడా లిప్బామ్ని ఉపయోగిస్తే పొడిబారకుండా, మాయిశ్చరైజ్గా పెదాలు ఉంటాయి. గెడ్డాన్ని సరిగ్గా మెయింటైన్ చేసుకోవాలి. బియర్డ్ ఆయిల్, బ్లామ్ వాడితే లుక్ బాగుంటాది.
వారానికోసారి..
వారానికోసారి స్కిన్ని స్క్రబ్ చేయాలి. ఇది చర్మంపై మృత కణాలు తొలిగిస్తుంది. అలాగే స్కిన్కి జెంటల్గా స్క్రబ్ చేయండి. అలాగే వారానికి ఒకటి లేదా రెండుసార్లు ఫేస్ మాస్క్ వాడితే మంచిది. ఇవి చర్మాన్ని డీప్ క్లెన్సింగ్ చేసి.. పోషణను అందిస్తాయి. షేవింగ్ చేసిన తర్వాత స్కిన్ ఇరిటేషన్ను తగ్గించుకునేందుకు మాయిశ్చరైజర్ అప్లై చేయాలి. మీది ఆయిల్ స్కిన్ అయితే ఆయిల్ కంట్రోల్ ఫేస్ వాష్, క్లే మాస్క్ ఉపయోగిస్తే మంచిది.
నెలకోసారి..
నెలకోసారి డీప్ క్లెన్సింగ్ చేయాలి. లైట్ ఫేషియల్ లేదా మాయిశ్చరైజింగ్ ట్రీట్మెంట్ తీసుకోవాలి. గడ్డాన్ని పెంచుకునే అలవాటు ఉంటే దాని లుక్ మెరుగుపరిచేలా ట్రిమ్ చేసుకోవాలి. స్కిన్ పొడిబారిపోయి, డార్క్ స్పాట్స్తో ఉంటే స్కిన్ కేర్ ప్రొడక్ట్స్ మార్చుకోవాలి. నిపుణుల సహాయం తీసుకుంటే స్కిన్ సమస్యలు రాకుండా ఉంటాయి. పైగా వారు మీ చర్మానికి సరిపడే ప్రొడెక్ట్స్ని సజెస్ట్ చేస్తారు.
అలాగే హైడ్రేషన్ అనేది చర్మ సంరక్షణలో మేజర్ రోల్ పోషిస్తుంది. కాబట్టి హైడ్రేటెడ్గా ఉండేందుకు నీటిని తీసుకుంటూ ఉండండి. ఇది చర్మాన్ని పొడిబారకుండా చేస్తుంది. హెల్తీ ఫుడ్ హెల్తీ స్కిన్ని అందిస్తుంది. కాబట్టి ఆయిల్ ఫుడ్కి, ప్రాసెస్ చేసిన ఫుడ్కి వీలైనంత దూరంగా ఉండండి. రెగ్యులర్గా వ్యాయామం చేస్తే.. మీ స్కిన్ ఆటోమెటిక్గా గ్లో అవుతుందని గుర్తించుకోవాలి. హెల్తీ లైఫ్ స్టైల్ హెల్తీ లుక్ని ప్రొవైడ్ చేస్తుంది.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
