Vinesh Phogat: వినేశ్‌ ఫొగాట్‌కు ఢిల్లీ విమానాశ్రయంలో ఘనస్వాగతం

Wrestler Vinesh Phogat : వినేశ్‌ ఫొగాట్‌కు విమానాశ్రయంలో ఘనస్వాగతం లభించింది. భారీగా తరలివచ్చిన క్రీడాభిమానులు ఫోగాట్ కు సాదర స్వాగతం పలికారు. ఈ నేపధ్యంలో వినేష్ భావోద్వేగానికి గురయ్యారు.

స్వదేశానికి వినేశ్‌ , కన్నీళ్లు పెట్టుకున్న భారత స్టార్ రెజ్లర్‌

స్వదేశానికి చేరుకున్న భారత స్టార్‌ రెజ్లర్ వినేశ్‌ ఫొగాట్ కు క్రీడాభిమానులు ఘన స్వాగతం పలికారు.

ఈ నేపధ్యంలో ఎయిర్ పోర్ట్ వద్ద భారీ బందోబస్తు ఏర్పాటు చేశారు.

వినేశ్ పతకం గెలవకపోయినా అభిమానుల మనసులు గెలుచుకున్నారు. పతకం గెలిచిన క్రీడాకారుడికన్నా ఎక్కువగా అభిమానులు ఆమెకు ఘన స్వాగతం పలికారు.

పారిస్ ఒలింపిక్స్‌ ఫైనల్‌కు చేరిన వినేశ్‌.. 100 గ్రాములు అదనపు బరువు కారణంగా అనర్హతకు గురైన సంగతి తెలిసిందే. కాస్‌లో అప్పీలు చేసినా సానుకూలంగా ఫలితం దక్కలేదు.

అయితే దేశం మొత్తం ఆమెకు మద్దతు పలికింది. వినేష్ కి స్వాగతం పలకటానికి క్రీడాభిమానులు భారీగా తరలివచ్చారు. వారిని చూసిన వినేశ్‌ భావోద్వేగానికి గురై కన్నీళ్లు పెట్టుకుంది.

ఇక తన తోటి రెజర్లు సాక్షిమలిక్‌, బజరంగ్‌ పునియా లను చూడగానే ఆమె కన్నీరు మున్నీరు అయ్యింది. కాంగ్రెస్‌ ఎంపీ దీపిందర్‌ హుడా, సాక్షి, బజరంగ్‌ పునియా ఆమెను ఓదార్చారు.

బాక్సర్ విజేందర్ సింగ్ , సత్యవర్త్ కడియన్ కూడా ఎయిర్పోర్ట్ కి వచ్చి వినేష్ కు మద్దతు పలికారు.

వినేష్ కు స్వాగతం పలకటం కోసం ఆమె స్వగ్రామం లో భారీ హోర్డింగ్ లు పెట్టారు. చుట్టుపక్క పలు ప్రదేశాల నుంచి ఆమె స్వంత గ్రామానికి క్రీడాభిమనులు తరలి వస్తున్నారు.