Aditi Shankar: పాలకొల్లులో 'గేమ్ ఛేంజర్' దర్శకుడి కూతురు... శ్రీనివాస్ బెల్లంకొండతో క్యూట్ లవ్ సాంగ్ కోసం!

Bhairavam Movie: బెల్లంకొండ సాయి శ్రీనివాస్, 'గేమ్ ఛేంజర్' దర్శకుడు శంకర్ కుమార్తె అదితి జంటగా నటిస్తున్న సినిమా 'భైరవం'. ఇందులో నారా రోహిత్, మనోజ్ మంచు సైతం నటిస్తున్నారు. ఈ సినిమా అప్డేట్ ఏమిటంటే?

పాలకొల్లులో దర్శకుడు విజయ్ కనకమేడలతో 'భైరవం'లో జంటగా నటిస్తున్న అదితి శంకర్, బెల్లంకొండ సాయి శ్రీనివాస్

బెల్లంకొండ సాయి శ్రీనివాస్, అదితి శంకర్ జంటగా నటిస్తున్న సినిమా 'భైరవం'. ఈ సినిమాలో నారా రోహిత్, మంచు మనోజ్ మరో ఇద్దరు హీరోలు. విజయ్ కనకమేడల దర్శకత్వంలో శ్రీ సత్యసాయి ఆర్ట్స్‌ పతాకం మీద కె.కె. రాధామోహన్ నిర్మిస్తున్న చిత్రమిది. పెన్ స్టూడియోస్‌ డాక్టర్ జయంతిలాల్ గదా సమర్పకులు. ఈ మూవీ లేటెస్ట్ అప్డేట్ ఏమిటంటే...

'భైరవం' సినిమా కోసం బెల్లకొండ సాయి శ్రీనివాస్, అదితి శంకర్ మీద పాలకొల్లులో క్యూట్ లవ్ సాంగ్ ఒకటి తెరకెక్కిస్తున్నారు. ఆ పాటకు విజయ్ పోలాకి మాస్టర్ కొరియోగ్రఫీ అందిస్తున్నారు. సంగీత దర్శకుడు శ్రీ చరణ్ పాకాల చార్ట్ బస్టర్ ట్యూన్ కంపోజ్ చేశారని యూనిట్ అంటోంది.

'భైరవం' సాంగ్ షూటింగ్ నుంచి ఫిలిం మేకర్ రిలీజ్ చేసి స్టిల్స్ చూస్తే... హీరో బెల్లంకొండ సాయి శ్రీనివాస్ లుంగీ కట్టుకుని షేడ్స్ పెట్టుకుని రగ్గడ్ అండ్ మ్యాసీ అవాతర్‌లో కనిపించారు. హీరోయిన్ అదితి శంకర్ పల్లెటూరి అమ్మాయిగా లంగా ఓణీలో ఆకట్టుకున్నారు. 

క్రిస్మస్ సీజన్ సందర్భంగా డిసెంబర్ 20న విడుదల కానున్న 'భైరవం' సినిమాలో అదితితో పాటు దివ్యా పిళ్లై, ఆనంది హీరోయిన్లు. హరి కె వేదాంతం సినిమాటోగ్రఫీ అందిస్తుండగా... ఛోటా కె ప్రసాద్ ఎడిటింగ్, బ్రహ్మ కడలి ప్రొడక్షన్ డిజైన్ బాధ్యతలు నిర్వర్తిస్తున్నారు. ఈ సినిమాకు సత్యర్షి, తూమ్ వెంకట్ డైలాగ్స్ రాస్తున్నారు.