Manchu Manoj: మంచు మనోజ్ కామెంట్స్‌తో హైలైట్ అయిన 'జగన్నాథ్' - అసలు ఆ సినిమా గురించి తెలుసా?

చెట్టు పేరు చెప్పుకొని అమ్ముకోవడానికి నేను కాయో పండో కాదని మంచు మనోజ్ చేసిన వ్యాఖ్యలు వైరల్ అయ్యాయి. దాంతో అసలు ఏ ఈవెంట్ లో ఆయన కామెంట్ చేశారని ఆరా తీయడంతో 'జగన్నాథ్' సినిమా హైలైట్ అవుతోంది. 

మంచు మనోజ్ కామెంట్స్‌తో హైలైట్ అయిన 'జగన్నాథ్' - అసలు ఆ సినిమా గురించి తెలుసా?

రాయలసీమ భరత్ హీరోగా నటిస్తున్న సినిమా 'జగన్నాథ్'. ఇందులో ప్రీతి హీరోయిన్. దీనికి ఇద్దరు దర్శకులు... భర‌త్‌, సంతోష్. భ‌ర‌త్ ఫిలిం ఫ్యాక్ట‌రీ పతాకం మీద పీలం పురుషోత్తం ప్రొడ్యూస్ చేస్తున్నారు.

మంచు మనోజ్ ముఖ్య అతిథిగా 'జగన్నాథ్' సినిమా ఫస్ట్ లుక్, టీజర్ విడుదల చేశారు. ఏపీలోని అన్నమయ్య జిల్లాలోని రాయచోటిలో ఈ ప్రోగ్రాం జరిగింది. ఆ ఈవెంట్ లో తన జీవితంలో ఎన్ని కష్టాలు ఎదురైనా, ఎంతమంది తనను తొక్కాలని చూసినా, తనపై బురద చల్లాలని ఆలోచించినా, ఆ నాలుగు గోడల మధ్యకు తనను రానివ్వకుండా చేసినా సరే తనను జనాల గుండెల్లోంచి తీసేయలేరని మనోజ్ కామెంట్ చేశారు. తనను తొక్కలన్నా, లేపాలన్నా అది అభిమానుల వల్ల మాత్రమే సాధ్యమవుతుందన్నారు.