Pawan Kalyan News: ప్రతి అడుగు వ్యూహాత్మక ఎత్తుగడ -వైవిధ్యంగా డీసీఎం పవన్ కల్యాణ్ ఢిల్లీ టూర్

Pawan Kalyan Latest News: ఉపముఖ్యమంత్రి పవన్ ఢిల్లీ పర్యటన గతానికి కంటే భిన్నంగా సాగింది. ప్రధానమంత్రి సహా మంత్రులతో సమావేశమైన కీలకాంశాలు చర్చించారు. పర్యటన చివరిలో కూటమి ఎంపీలకు విందు ఇచ్చారు.

ప్రతి అడుగు వ్యూహాత్మక ఎత్తుగడ -

మూడు రోజుల పాటు ఢిల్లీలో పర్యటించిన ఆంధ్రప్రదేశ్‌ ఉప ముఖ్యమంత్రి పవన్ కల్యాణ్‌ ప్రధానమంత్రితోపాటు పలువురు కేంద్రమంత్రులతో సమావేశమయ్యారు.

రాష్ట్రానికి కేంద్రం అందిస్తున్న సాయానికి కృతజ్ఞతలు చెబుతూనే మరింత సాయం కోసం వారిని అభ్యర్థించారు.

పర్యటన ముగించిన తర్వాత చివరి రోజు కూటమి ఎంపీలకు పవన్ కల్యాణ్ విందు ఏర్పాటు చేశారు.

ఢిల్లీలో పవన్ ఇచ్చిన విందుకు ఏపీకి చెందిన టీడీపీ, జనసేన, బీజేపీ ఎంపీలతోపాటు తెలంగాణ బీజేపీ ఎంపీలు హాజరయ్యారు.

కేంద్ర మంత్రులు రామ్మోహన్ నాయుడు, పెమ్మసాని చంద్రశేఖర్, గిరిరాజ్ కిషోర్, అనురాగ్ ఠాకూర్, రాజీవ్ ప్రతాప్ రూఢీ హాజరయ్యారు

ఈసారి పవన్ కల్యాణ్ ఢిల్లీ పర్యటన చాలా భిన్నంగా కనిపించింది. ఏ మంత్రి వద్దకు వెళ్లినా ఆయన్ని ప్రత్యేకమైన వ్యక్తిగా చూశారు.

ఈ మధ్య జరిగిన మహారాష్ట్ర ఎన్నికల్లో పవన్ కల్యాణ్‌ ప్రచారం చేశారు. ఆయన ప్రచారం చేసిన నియోజకవర్గాలన్నింటిలో కూడా మహాయుతి విజయం సాధించింది.

మహారాష్ట్ర విజయంలో పవన్ కల్యాణ్‌ పాత్ర చాలా ఉందని బీజేపీ అధినాయకత్వం భావిస్తోంది.

అందుకే ఆ ఫలితాల తర్వాత ఢిల్లీ వెళ్లిన పవన్ కల్యాణ్‌ను ప్రత్యేకమైన లీడర్‌గా గుర్తింపు ఇచ్చి సాదర స్వాగతం పలుకుతోంది.

పవన్ కల్యాణ్‌ ఎత్తుకున్న సనాతమ ధర్మ పరిరక్షణ అంశాన్ని కూడా ఈ సందర్భంగా చర్చకు వస్తోంది.

ప్రధానమంత్రి, మంత్రులతో సమావేశం తర్వాత కూడా సనాతన ధర్మం, హిందువులపై జరుగుతున్న దాడులను పవన్ ప్రస్తావించారు.

బంగ్లాదేశ్‌లో హిందువులపై జరుగుతున్న దాడులను ప్రతి ఒక్కరు ఖండించాలన్న పవన్ ఐక్యంగా ఇలాంటి వాటిని ఎదుర్కోవాలని సూచించారు.

బంగ్లాదేశ్ ఏర్పాటులో భారతీయుల కృషి, సైన్యం చిందించిన రక్తాన్ని మర్చిపోయి నేడు దాడులు చేయడ ఆవేదన కలిగిస్తుందన్నారు పవన్

భారత దేశంలో కుల మతాల మధ్య ఉన్న సక్యత బంగ్లాదేశ్‌ పాకిస్తాన్‌లో ఎప్పుడూ కనిపించలేదని అన్నారు పవన్ కల్యాణ్

పాలస్తీనా, అరబ్‌ దేశాల్లో సమస్య వచ్చినప్పుడు ప్రపంచమంతా ఏకమై బలంగా నిలుస్తుందని... విదేశాల్లో హిందువులపై దాడులు జరిగినప్పుడు ఎఁదుకు స్పందించడం లేదని ప్రశ్నించారు పవన్

ఐక్యరాజ్యసమితి లాంటి అంతర్జాతీయ సంస్థలు, వ్యక్తులు జోక్యం చేసుకొని హిందువుల భద్రతపై మాట్లాడాలని పిలుపునిచ్చారు పవన్ కల్యాణ్

జల్‌జీవన్‌ మిషన్‌ పథకాన్ని సక్రమంగా నిర్వహించి ఇంటింటికీ మంచినీళ్లు అందివ్వాలని కూటమి ప్రభుత్వం ప్రయత్నిస్తోందని ప్రధాని మోదీకి అన్నారు పవన్ వివరించారు.

గత ప్రభుత్వ హయాంలో ఈ జల్‌జీవన్‌ మిషన్‌ పథకం నిధులు పక్కదారి పట్టించారని ఇకపై అలా జరగదని మోదీకి పవన్ భరోసా ఇచ్చారు.

ఈ జల్‌జీవన్‌ మిషన్‌ పథకం అమలు కోసం కేంద్రం నుంచి సహకారం అందివ్వాలని మోదీకి విజ్ఞప్తి చేశారు.

గ్రామీణ ప్రజలకు కుళాయి నీరందించే జల్‌జీవన్‌ మిషన్‌ పథకం అమలులోని సమస్యలను ప్రధానమంత్రి దృష్టికి పవన్ తీసుకెళ్లారు.

కేంద్ర పర్యావరణ, అటవీశాఖల మంత్రి భూపేందర్‌ యాదవ్‌తో కూడా పవన్ సమావేశమై ఎర్రచందనం అమ్మకాలు, ఎగుమతుల అంశం గురించి చర్చించారు.

అంతర్జాతీయ స్థాయిలో నిర్వహించే ఈ-వేలంలో మెరుగైన ఫలితాల కోసం అమ్మకాలు, ఎగుమతల పర్యవేక్షణ కోసం సింగిల్‌ విండో విధానం అమలు చేయాలని విజ్ఞప్తి చేశారు.

కేంద్రం ఏర్పాటు చేసే సింగిల్ విండో విధానానికి ఏపీ అటవీశాఖ కస్టోడియన్‌గా ఉంటుందని కేంద్రమంత్రికి పవన్ తెలియజేశరు.

ఈ విధానం ద్వారానే ఎర్ర చందనం గ్రేడింగ్, వేలం, ఎగుమతి కార్యక్రమాలన్నీ చేపట్టాలని సూచించారు.

ఇలాంటి విధానంతో రాష్ట్ర ఆదాయం పెరుగుతుందని వివరించారు.

ఎర్రచందనం ఏపీలో తప్ప ఎక్కడా దొరకదని కానీ వేర్వేరు రాష్ట్రాల్లో దొరికిన ఎర్రచందనం వాళ్లు అమ్ముకుంటున్నారని అన్నారు. దీని వల్ల ఏపీ నష్టపోతుందని వాపోయారు.

సింగిల్ విండో విధానం ఏర్పాటు చేస్తే విదేశాల్లో ఎర్ర చందనం పట్టుబడినా తెప్పించుకోవచ్చని పవన్ అన్నారు.