Weather Latest Update: నేడు మరో అల్పపీడనం, ఈ జిల్లాల్లో భారీ నుంచి అతిభారీ వర్షాలు, ఆరెంజ్ అలర్ట్ జారీ
Weather Forecast: ఈరోజు, రేపు తెలంగాణ రాష్ట్రంలో కొన్ని జిల్లాలలో భారీ నుండి అతి భారీ వర్షాలు, ఎల్లుండి భారీ వర్షాలు అక్కడ అక్కడ కురిసే అవకాశం ఉంది.
Weather Latest News: సెప్టెంబరు 4న హైదరాబాద్ వాతావరణ కేంద్రం అధికారులు వెల్లడించిన వివరాల ప్రకారం.. నిన్న పశ్చిమ విదర్భ పరిసర ప్రాంతంలో కేంద్రీకృతమైన ప్రస్పుటమైన అల్ప పీడన ప్రాంతం నిన్న సాయంత్రం 0530 గం.లకు ఆగ్నేయ రాజస్థాన్, పరిసర నైరుతి మధ్యప్రదేశ్ ప్రాంతంలో అల్పపీడన ప్రాంతంగా కేంద్రీకృతమై వున్నది. ఇది ఈరోజు ఉదయం అదే ప్రాంతంలో బలహీన పడింది. ఋతుపవన ద్రోని ఈరోజు సగటు సముద్ర మట్టం నుండి 1.5 కి. మీ ఎత్తులో జైసేల్మేర్, కోట, గుణ, రామగుండం మరియు కళింగపట్నం గుండా తూర్పు-మధ్య బంగాళాఖాతాం వరకు కొనసాగుతుంది.
నిన్న కోస్తా ఆంధ్రా, యానాం, పరిసర ప్రాంతాల్లో కొనసాగిన ఉపరితల ఆవర్తనం ఈరోజు ఉత్తర ఆంధ్రప్రదేశ్ తీరం, పరిసర ప్రాంతాలలో సగటు సముద్ర మట్టం నుండి 3.1 నుండి 7.6 కిలోమీటర్ల ఎత్తు మధ్య కొనసాగుతూ ఎత్తుకు వెళ్లే కొద్దీ నైరుతి దిశ వైపు వంగి వున్నది. దీని ప్రభావం వల్ల ఈనెల 5వ తేదీన పశ్చిమ - మధ్య మరియు పరిసర వాయువ్య బంగాళాఖాతంలో అల్ప పీడన ప్రాంతం ఒకటి ఏర్పడే అవకాశం వుంది.
రాగల 3 రోజులకు వాతావరణ సూచన: (Weather Forecast):
ఈ రోజు, రేపు, ఎల్లుండి తెలంగాణ రాష్ట్రంలో తేలికపాటి నుండి మోస్తారు వర్షాలు అనేక చోట్ల కురిసే అవకాశం ఉంది.
వాతావరణ హెచ్చరికలు (weather warnings):
ఈరోజు, రేపు తెలంగాణ రాష్ట్రంలో కొన్ని జిల్లాలలో భారీ నుండి అతి భారీ వర్షాలు, ఎల్లుండి భారీ వర్షాలు అక్కడ అక్కడ కురిసే అవకాశం ఉంది. ఈరోజు, రేపు, ఎల్లుండి తెలంగాణ రాష్ట్రంలో చాలా జిల్లాలలో ఉరుములు, ఈదురుగాలులు గంటకు 30 నుండి 40 కి. మీ. వేగంతో వీచే అవకాశం వుంది.
నేడు భారీ నుంచి అతి భారీ వర్షాలు తెలంగాణలోని జయశంకర్ భూపాలపల్లి, ములుగు జిల్లాల్లో అక్కడక్కడ కురిసే అవకాశం ఉంది. భారీ వర్షాలు ఆదిలాబాద్, ఆసిఫాబాద్, మంచిర్యాల, నిర్మల్, నిజామాబాద్, జగిత్యాల, రాజన్న సిరిసిల్ల, కరీంనగర్, పెద్దపల్లి, భద్రాద్రి కొత్తగూడెం, జిల్లాలలో అక్కడక్కడ కురిసే అవకాశం ఉంది.
Hyderabad Weather: హైదరాబాద్ వాతావరణం
హైదరాబాద్‌లో ఆకాశం మేఘావృతమై ఉంటుంది. నగరంలో తేలికపాటి నుంచి ఓ మోస్తరు వర్షం కురిసే అవకాశం ఉంది. 30 నుంచి 40 కిలో మీటర్ల వేగంతో ఈదురుగాలులు వీచే అవకాశం ఉంది. గరిష్ఠ, కనిష్ఠ ఉష్ణోగ్రతలు వరుసగా 28 డిగ్రీలు, 23 డిగ్రీలుగా ఉండే అవకాశం ఉంది. ఉపరితల గాలులు నైరుతి దిశలో వీచే అవకాశం ఉంది. గాలి వేగం గంటకు 8 - 12 కిలో మీటర్ల వేగంతో వీచే అవకాశం ఉంది. నిన్న గరిష్ఠ ఉష్ణోగ్రత 27.8 డిగ్రీలు, కనిష్ఠ ఉష్ణోగ్రత 22.6 డిగ్రీలుగా నమోదైంది. 95 శాతంగా గాలిలో తేమ శాతం నమోదైంది.
ఏపీలో వాతావరణం ఇలా
Andhra Pradesh Weather News: రుతుపవనాల ద్రోణి ఇప్పుడు జైసల్మేర్, కోటా, గుణ, సియోని, రామగుండం, కళింగపట్నం మీదుగా వెళ్తూ అక్కడి నుంచి ఆగ్నేయ దిశగా తూర్పు, మధ్య బంగాళాఖాతం వరకు సగటు సముద్ర మట్టం వద్ద 1.5 కిలో మీటర్ల ఎత్తులో విస్తరించి ఉంది. నిన్నటి కోస్తాంధ్ర, యానాం, పరిసర ప్రాంతాల్లో ఉన్న ఉపరితల ఆవర్తనం ఈరోజు ఉత్తర కోస్తాంధ్ర, దాని పరిసర ప్రాంతాల్లో సగటు సముద్ర మట్టానికి 3.1 కిలో మీటర్లు, 7.6 కిలో మీటర్ల విస్తరించి ఎత్తుకు పోయే కొలదీ నైరుతి దిశలో వంగి ఉంది. దీని ప్రభావంతో సెప్టెంబరు 5న పశ్చిమ మధ్య, దానిని ఆనుకొని ఉన్న వాయువ్య బంగాళాఖాతంలో అల్ప పీడనం ఏర్పడే అవకాశం ఉంది.
ఉత్తర కోస్తాలో తేలికపాటి నుంచి మోస్తరు వర్షం ఒకటి లేదా రెండుచోట్ల కురిసే అవకాశం ఉంది. భారీ నుంచి అతి భారీ వర్షాలు, కొన్ని చోట్ల అత్యంత భారీ వర్షాలు కురిసే అవకాశం ఉంది. ఉరుములతో కూడిన మెరుపులు బలమైన గాలులు గంటకు 30 నుంచి 40 కిలో మీటర్ల వేగంతో ఒకటి లేదా రెండు చోట్ల సంభవించే అవకాశం ఉంది.
దక్షిణ కోస్తాలోనూ తేలికపాటి నుంచి ఓ మోస్తరు వర్షాలు ఉరుములతో కూడిన జల్లులు ఒకటి లేదా రెండు చోట్ల కురిసే అవకాశం ఉంది. భారీ నుంచి అతి భారీ వర్షాలు, కొన్ని చోట్ల అత్యంత భారీ వర్షాలు కురిసే అవకాశం ఉంది. ఈదురు గాలులు కొన్ని చోట్ల 30 నుంచి 40 కిలో మీటర్ల వేగంతో కూడా వీచే అవకాశం ఉందని అధికారులు తెలిపారు.
రాయలసీమలోనూ తేలికపాటి నుంచి మోస్తరు వర్షం లేదా ఉరుములతో కూడిన మెరుపులు ఒకటి లేదా రెండు చోట్ల సంభవించే అవకాశం ఉంది. భారీ నుంచి అతి భారీ వర్షాలు, కొన్ని చోట్ల అత్యంత భారీ వర్షాలు కురిసే అవకాశం ఉంది. బలమైన ఈదురు గాలులు 30 నుంచి 40 కిలో మీటర్ల వేగంతో వీచే అవకాశం ఉందని అమరావతి వాతావరణ కేంద్రం తెలిపారు.
టాప్ హెడ్ లైన్స్
ట్రెండింగ్ వార్తలు
