Obesity : అధిక బరువునకు కారణాలివే.. యువత ఒబెసిటీని కంట్రోల్ చేయాలంటే ఇవి కచ్చితంగా ఫాలో అవ్వాలి

Obesity Causes : ఊబకాయం సమస్య చిన్నపిల్లల నుంచి పెద్దల వరకు అందరికీ ఎఫెక్ట్ చూపిస్తుంది. ఇది రావడానికి కారణాలు ఉన్నాయి? అవేంటో తీసుకోవాల్సిన జాగ్రత్తలు ఏంటో ఇప్పుడు చూసేద్దాం. 

ఒబెసిటీకి కారణాలివే (Image Source : Freepik)

Source : Freepik

Obesity in Young People : శరీరంలో ఉండాల్సిన కొవ్వుకంటే ఎక్కువగా కొవ్వుకు పేరుకుపోవడం వల్ల అధికబరువు పెరుగుతారు. దీనివల్ల ఊబకాయం వస్తుంది. ప్రపంచవ్యాప్తంగా దీని బాధితులు పెరుగుతున్నారు. ప్రతి పది మందిలో 7 మంది అధిక బరువు లేదా ఊబకాయంతో సఫర్​ అవుతున్నట్లు నివేదికలు చెప్తున్నాయి. 2 సంవత్సరాల నుంచి 19 ఏళ్ల మధ్య వయసు ఉన్న పిల్లల్లో కూడా ఇది 20 శాతం ఉంది. యుక్తవయసులను కూడా ఇది ప్రభావితం చేస్తుండడంతో నిపుణులు ఆందోళన వ్యక్తం చేస్తున్నారు. 

అధిక బరువు, ఊబకాయం వల్ల ఆరోగ్య సమస్యలు తీవ్రమవుతాయి. అయితే ఈ ఒబేసిటికి డీఎన్​ఏ, ఫ్యామిలీ చరిత్ర ఓ కారణమైతే.. లైఫ్​స్టైల్​ కూడా ఇప్పుడు ప్రధానకారణంగా మారింది. ఆహారపు అలవాట్లు, తగినంత నిద్ర లేకపోవడం, వ్యాయామం చేయకపోవడం, కొన్ని మందుల వల్ల ఈ సమస్య పెరుగుతున్నట్లు గుర్తించారు. ఈ సమస్యవల్ల కార్డియోవాస్కులర్ సమస్యలు పెరగడమే కాకుండా.. మరణాలకు ప్రధాన కారణంగా మారుతుంది. టైప్​ 2 డయాబెటిస్, క్యాన్సర్​ వంటి తీవ్రమైన ఆరోగ్య సమస్యలకు దారితీస్తుంది. 

ఇలా గుర్తించొచ్చు..

ఈ ప్రమాదకరమైన సమస్యను వీలైనంత త్వరగా గుర్తించి.. దానికి సంబంధించిన ట్రీట్​మెంట్ తీసుకోవాలంటున్నారు. దీనిని గుర్తించడానికి బాడీ మాస్ ఇండెక్స్ అనే స్క్రీనింగ్ విధానం ద్వారా గుర్తించొచ్చు. ఓ వ్యక్తి ఎత్తు, బరువు, శరీరంలోని కొవ్వు శాతాన్ని అంచనా వేసి.. ఒబేసిటీని గుర్తిస్తారు. మీ BMI సాధారణ పరిధి కంటే ఎక్కువగా ఉంటే మీరు అధిక బరువు లేదా ఊబకాయంతో ఇబ్బంది పడుతున్నారని అర్థం. అంతేకాకుండా వివిధ టెస్ట్​ల ద్వారా కూడా వైద్యులు సూచిస్తారు. ఇది ఏ స్టేజ్​లో ఉందో.. ఎంతవరకు ఎఫెక్ట్ చేస్తుందో.. ఇతర ఆరోగ్య సమస్యలకు ఎలా కారణమవుతుందో చెప్తారు. 

ప్రమాద కారకాలివే.. 

ఈ మధ్యకాలంలో ఒబెసిటీ పెరగడానికి స్మార్ట్​ ఫోన్​ కూడా ఓ కారణమవుతుంది. ఫోన్​కి ఎక్కువగా అలవాటై.. సరైన నిద్రలేక, శారీరక శ్రమపై ఆసక్తి లేక్, ఫుడ్ ఆర్డర్స్ ఇస్తూ చాలామంది ఈ సమస్య బారిన పడుతున్నారు. ప్రాసెస్ చేసిన, అధిక కేలరీల ఫుడ్, డ్రింక్స్ తాగడం ఒబెసిటీకి ప్రమాద కారకాలుగా చెప్తున్నారు. స్మార్ట్​ఫోన్ ప్రజల్ని సోమరిపోతులుగా మారుస్తుందని ఓ స్టడీ కూడా తేల్చి చెప్పింది. దీనివల్ల కూడా అధిక బరువు పెరుగుతున్నారు. ఈ ఒబెసిటీ మధుమేహం, ఒత్తిడి, బీపీని ప్రేరేపించడంతో పాటు.. వాటివల్ల కూడా రిటర్న్​లో పెరుగుతుంది. 

తీసుకోవాల్సిన జాగ్రత్తలు

తక్కువ కేలరీలు ఉండే ఫుడ్ తీసుకోవడం.. అన్​హెల్తీ ఫ్యాట్స్ జోలికి వెళ్లకపోవడం, గుండె ఆరోగ్యానికై హెల్తీ డైట్​ ఫాలో అవ్వడం మంచి ఫలితాలు ఇస్తాయి. పండ్లు, కూరగాయలు, చిక్కుళ్లు, తృణధాన్యాలు, నట్స్ ఎక్కువగా తీసుకుంటే మంచిది. శారీరక వ్యాయామం కచ్చితంగా ఉండేలా చూసుకోవాలి. వారంలో కనీసం 150 నిమిషాలైనా ఎక్స్​ర్​సైజ్ చేస్తే మంచిది. ఈ సమస్యను గుర్తించిన వెంటనే వైద్యుల సహాయం తీసుకోవాలి. ప్రొపర్​ డైట్​ ఫాలో అవ్వాలి. పోషకాలతో కూడిన ఆహారం ఆరోగ్యం విషయంలో కీలకపాత్ర పోషిస్తుంది. 

గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్‌ను సంప్రదించాలి. ఈ ఆర్టికల్‌లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్‌వర్క్’ ఎటువంటి బాధ్యత వహించవని గమనించగలరు.