Kannappa Release: డిసెంబర్‌లో రావట్లేదు... 2025లోనే కన్నప్ప - తిరుమలలో కీలక ప్రకటన చేసిన విష్ణు మంచు

Vishnu Manchu On Kannappa: డైనమిక్ స్టార్ విష్ణు మంచు హీరోగా రూపొందుతున్న 'కన్నప్ప'ను తొలుత డిసెంబర్ నెలలో విడుదల చేయాలని ప్లాన్ చేశారు. కానీ, ఈ మైథలాజికల్ ఫాంటసీ ఫిల్మ్ ఈ ఏడాది విడుదల కావట్లేదు.

తిరుమలలో విష్ణు మంచు

Source : ABPLIVE AI

డేరింగ్ అండ్ డైనమిక్ స్టార్ విష్ణు మంచు (Vishnu Manchu) తిరుమల తిరుపతి వేంకటేశ్వర స్వామిని ఈ రోజు దర్శించుకున్నారు. ఏడు కొండలపై తన కొత్త సినిమా 'కన్నప్ప' గురించి ఆయన కీలక ప్రకటన చేశారు. విడుదల వాయిదా పడిందని చెప్పారు. ఆ వివరాల్లోకి వెళితే... 

డిసెంబర్ రిలీజ్ కాదు... వచ్చే ఏడాదికి 'కన్నప్ప'
Vishnu Manchu On Kannappa Movie Release: విష్ణు మంచు కథానాయకుడిగా తెరకెక్కుతున్న భారీ మైథలాజికల్ అండ్ ఫాంటసీ ఫిల్మ్ 'కన్నప్ప' (Kannappa). తొలుత ఈ చిత్రాన్ని ఈ ఏడాది ఆఖరున, డిసెంబర్ నెలలో విడుదల చేయాలని ప్లాన్ చేశారు. అయితే... ఇప్పుడు ఆ ప్లాన్ మారింది. తిరుమలలో ఆ విషయం చెప్పారు విష్ణు. 

''ఈ రోజు 'కన్నప్ప' గురించి వేంకటేశ్వర స్వామిని వేడుకున్నాను. ఆయన ఆశీస్సులు మాకు ఎల్లప్పుడూ ఉండాలని కోరుకున్నాను. 'కన్నప్ప' రిలీజ్ డిసెంబర్ అనుకున్నాం. కానీ, అనివార్య కారణాల వల్ల వచ్చే ఏడాది వేసవి (2025 సమ్మర్)కి విడుదల వాయిదా వేశాం. ఎప్పుడు విడుదల చేస్తాం? ఇతర వివరాలు ఏమిటి? అనేది త్వరలో విడుదల చేస్తాం'' అని ఏడు కొండల స్వామి సన్నిధిలో విష్ణు మంచు చెప్పారు.

'కన్నప్ప'లో ప్రభాస్ లుక్ లీక్...
'కన్నప్ప'లో భారీ తారాగణం ఉండగా... అందులో ప్రభాస్ ఏ క్యారెక్టర్ చేస్తున్నారు? ఆ పాత్రలో ఆయన లుక్ ఎలా ఉండబోతుంది? అని ఫ్యాన్స్, ఆడియన్స్ అందరూ ఎంతో ఆసక్తిగా వెయిట్ చేస్తున్నారు. 'కన్నప్ప' టీం కూడా ఆ లుక్కును విడుదల చేయకుండా సస్పెన్స్ మైంటైన్ చేస్తూ వచ్చింది. అయితే... వాళ్లకు షాక్ ఇస్తూ ఆ లుక్ ఎవరో లీక్ చేశారు. దాంతో టీం అసంతృప్తి వ్యక్తం చేసింది. లీక్ చేసిన వ్యక్తిని పట్టుకున్న వాళ్లకు ఐదు లక్షల రూపాయల నజరానా ప్రకటించింది. లీక్ చేసిన వ్యక్తి స్వయంగా 'కన్నప్ప' చిత్ర బృందం దగ్గరకు వెళ్లి క్షమాపణ చెప్పారు.

Om Namah Shivaya!

We extend our heartfelt gratitude to each one of you for your unwavering support and dedication during this recent challenge. Thanks to your constant vigilance and commitment, we are pleased to inform you that the individual & Company responsible for leaking… pic.twitter.com/ITF9rKq0kU

— 24 Frames Factory (@24FramesFactory) November 9, 2024

Kannappa Movie Cast And Crew: 'కన్నప్ప'ను అవా ఎంటర్‌టైన్‌మెంట్స్, 24 ఫ్రేమ్స్ ఫ్యాక్టరీ సంస్థల మీద లెజెండరీ నటుడు, 'పద్మ శ్రీ' పురస్కార గ్రహీత డా. మంచు మోహన్ బాబు ప్రొడ్యూస్ చేస్తున్నారు. ఈ చిత్రానికి నార్త్ ఇండియన్ డైరెక్టర్, 'మహాభారత్' సీరియల్ తీసిన అనుభవం ఉన్న ముఖేష్ కుమార్ సింగ్ దర్శకత్వం వహిస్తున్నారు. ఇందులో రెబల్ స్టార్ ప్రభాస్, మలయాళ మెగాస్టార్ మోహన్ లాల్, బాలీవుడ్ స్టార్ అక్షయ్ కుమార్ సహా మోహన్ బాబు, బ్రహ్మానందం, ప్రీతి ముకుందన్, కాజల్ అగర్వాల్ తదితరులు ఇతర కీలక పాత్రల్లో నటిస్తున్నారు.