Sreeleela: శ్రీ లీల తక్కువేం తీసుకోలేదు - 'పుష్ప 2' ఐటెం సాంగ్ రెమ్యూనరేషన్ ఎంతో తెలుసా?

Sreeleela Remuneration: 'పుష్ప 2'లో ఐటెం సాంగ్ 'కిస్సిక్' చేసింది శ్రీ లీల. మరి, ఆ ఒక్క పాట కోసం ఎంత రెమ్యూనరేషన్ తీసుకుందో తెలుసా? ఎందుకు ఆ సాంగ్ చేసేందుకు ఓకే చేసిందో తెలుసా?

'పుష్ప 2'లో శ్రీ లీల

Source : https://www.instagram.com/pushpamovie/

ఐకాన్ స్టార్ అల్లు అర్జున్ (Allu Arjun)తో స్టెప్పులు వేసే ఛాన్స్ అందుకుంది యంగ్ హీరోయిన్ శ్రీ లీల (Sreeleela). 'పుష్ప 2'లో ఐటెం సాంగ్ 'కిస్సిక్' (Pushpa 2 Item Song Heroine) షూటింగ్ కంప్లీట్ చేసింది. మరి, ఈ పాట కోసం రెమ్యూనరేషన్ ఎంత తీసుకుందో తెలుసా?

శ్రీ లీల రెమ్యూనరేషన్ @ కోటి!
ఒకటి పక్కన ఏడు సున్నాలు... అంటే అక్షరాల కోటి రూపాయలు. 'పుష్ప 2'లోని 'కిస్సిక్...' సాంగ్ కోసం శ్రీ లీల తీసుకున్న అమౌంట్. ఇంకా చెప్పాలంటే ఆ కోటికి కొంత ఎక్కువ ఆమె ఖాతాలో చేరిందట.

టాలీవుడ్ హీరోయిన్లలో బెస్ట్ డ్యాన్సర్లు ఎవరు? అని లిస్టు తీస్తే... అందులో శ్రీ లీల పేరు తప్పకుండా టాప్ 3లో ఉంటుంది. సాయి పల్లవి డ్యాన్స్ చేస్తుంది కానీ ఆమె ఇటువంటి స్పెషల్ సాంగ్స్ చేయడానికి దూరంగా ఉంటుంది. అందుకని, శ్రీ లీల వైపు 'పుష్ప 2' యూనిట్ మొగ్గు చూపిందని తెలిసింది.

శ్రీ లీల 'కిస్సిక్' చేయడానికి రీజన్ ఏంటి?
'పుష్ప 2'లో శ్రీ లీల స్పెషల్ సాంగ్ చేయడానికి రెమ్యూనరేషన్ ఒక్కటే రీజన్ కాదు. బన్నీతో గతంలో ఆమె ఓ యాడ్ చేశారు. అల్లు అర్జున్ డ్యాన్స్ గురించి చెప్పాల్సిన అవసరం లేదు. ఆయనతో స్పెషల్ సాంగ్, అందులోనూ సుకుమార్ సినిమాలో సాంగ్ కావడంతో ఆ ఆఫర్ తన దగ్గరకు వచ్చినప్పుడు ఆవిడ ఓకే చేశారని ఇండస్ట్రీ వర్గాల నుంచి తెలిసింది. ఈ సాంగ్ కాకుండా ప్రజెంట్ రవితేజ 'మాస్ జాతర', నితిన్ 'రాబిన్ హుడ్', పవన్ కల్యాణ్ 'ఉస్తాద్ భగత్ సింగ్' సినిమాల్లో శ్రీ లీల నటిస్తోంది.

శ్రద్ధా కపూర్ అంటే శ్రీ లీల బెటర్ ఆప్షన్!?
'పుష్ప'లో సమంత చేసిన 'ఊ అంటావా మామ ఊఊ అంటావా' పాపులర్ కావడంతో 'పుష్ప 2'లో సాంగ్ కోసం ఎవరిని తీసుకుంటారు? అని ఆడియన్స్ అంతా ఎదురు చూశారు. మొదట సమంతతో పాటు బాలీవుడ్ స్టార్ హీరోయిన్ శ్రద్ధా కపూర్ పేరు కూడా పరిశీలనలో ఉన్నట్లు గుసగుసలు వినిపించాయి. అయితే... శ్రీ లీలను తీసుకోవడం వల్ల టాలీవుడ్ ఆడియన్స్ అయితే హ్యాపీ. బన్నీ పక్కన మంచిగా డ్యాన్స్ చేసే హీరోయిన్ ఉందని అనుకున్నారు.

హిందీలో శ్రద్ధా కపూర్ ఇమేజ్ వేరు, ఇక్కడ వేరు. ఆమె చేయడం వల్ల కొత్త కలర్ ఏమీ రాదు. శ్రీ లీల అంటే హిందీ ప్రేక్షకుల్లోనూ ఆసక్తి ఉంటుంది. అందుకని, శ్రద్ధా కపూర్ కంటే శ్రీ లీల బెటర్ ఆప్షన్ అని అల్లు అర్జున్ ఫ్యాన్స్ ఫీలింగ్.

డిసెంబర్ 4న ప్రీమియర్లు, 5న రిలీజ్!
'పుష్ప 2' షూటింగ్ ఫైనల్ స్టేజిలో ఉంది. స్పెషల్ సాంగ్ షూటింగ్ ఇటీవల కంప్లీట్ చేశారు. మరో వైపు పోస్ట్ ప్రొడక్షన్ వర్క్స్ జోరుగా సాగుతున్నాయి. సంగీత దర్శకుడు దేవి శ్రీ ప్రసాద్ ఒక్కరే కాకుండా తమన్ కూడా కొన్ని సన్నివేశాలకు రీ రికార్డింగ్ చేస్తున్నారు. డిసెంబర్ 4న అమెరికాలో ప్రీమియర్లు ప్లాన్ చేశారు. ఆ మర్నాడు (డిసెంబర్ 5న) ఇండియాలో రిలీజ్ కానుంది.