MI vs DC Highlights: కెప్టెన్ హర్మన్ ప్రీత్ విధ్వంసం..ఢిల్లీపై 50 పరుగుల తేడాతో ముంబై ఘన విజయం
MIW vs DCW Highlights: ముంబై ఇండియన్స్ ఢిల్లీ క్యాపిటల్స్ ను 50 రన్స్ తేడాతో ఓడించింది. హర్మన్ ప్రీత్ కౌర్ 74 రన్స్ చేసి జట్టు విజయంలో కీలక పాత్ర పోషించారు.
Mumbai Indians vs Delhi Capitals WPL Highlights: మహిళల ప్రీమియర్ లీగ్ 2026 మూడో మ్యాచ్లో ముంబై ఇండియన్స్, ఢిల్లీ క్యాపిటల్స్ను 50 పరుగుల తేడాతో ఓడించింది. ముంబై కెప్టెన్ హర్మన్ప్రీత్ కౌర్ 74 పరుగులు చేసి MI విజయంలో కీలక పాత్ర పోషించింది.
నవీ ముంబైలో జరిగిన ఈ మ్యాచ్లో ఫస్ట్ బ్యాటింగ్ చేసిన ముంబై ఇండియన్స్ నిర్ణీత ఓవర్లలో 195 పరుగులు చేసింది. ఛేజింగ్ చేయడానికి బ్యాటింగ్ దిగిన ఢిల్లీ జట్టు మొత్తం 20 ఓవర్లు కూడా ఆడలేకపోయింది. 145 పరుగులకే ఆలౌట్ కావడంతో ముంబై 50 ఫరుగుల తేడాతో ఘన విజయం సాధించింది. WPL 2026 తొలి మ్యాచ్లో, ముంబై ఇండియన్స్ RCB చేతిలో 1 పరుగు తేడాతో ఓడిపోయింది. అయితే, ఈసారి MI సమష్టిగా ఆడి ఢిల్లీపై 50 పరుగుల భారీ విజయాన్ని నమోదు చేసింది.
కెప్టెన్ హర్మన్ప్రీత్ అర్ధశతకం
ముంబై తరఫున కెప్టెన్ హర్మన్ప్రీత్ కౌర్ 42 బంతుల్లో 74 పరుగులు చేసి అజేయంగా నిలిచింది. ఈ ఇన్నింగ్స్లో ఆమె 8 ఫోర్లు, 3 సిక్సర్లు బాదింది. ఆమె నాట్ స్కైవర్ బ్రంట్తో 66 పరుగుల భాగస్వామ్యాన్ని నెలకొల్పింది. ఆమె నికోలా కారీతో కలిసి 25 బంతుల్లో 63 పరుగులు జోడించింది. ముంబై ఇన్నింగ్స్లో 29 ఫోర్లు, 3 సిక్సర్లు ఉండటం విశేషం.
షెఫాలీ వర్మ విఫలం
ఈ మ్యాచ్లో ఢిల్లీ క్యాపిటల్స్ తరపున భారత స్టార్ ఓపెనింగ్ బ్యాట్స్మన్ షెఫాలీ వర్మ రాణించలేకపోయింది. ఢిల్లీ క్యాపిటల్స్ తరఫున వికెట్ కీపర్-బ్యాట్స్మన్ లిజెల్ లీతో కలిసి ఆమె ఇన్నింగ్స్ను ప్రారంభించింది. ఓపెనర్లు ఇద్దరూ 32 పరుగులకే అవుట్ అయ్యారు. షెఫాలి కేవలం 8 పరుగులు మాత్రమే చేసింది.
ఢిల్లీ జట్టు పేలవమైన ప్రారంభం నుండి ఏ దశలోనూ కోలుకోలేదు. స్కోరు 46 పరుగులకు చేరుకునే సమయానికి సగం మంది విలియన్ చేరారు. దాంతో ఢిల్లీ ఓటమి తప్పలేదు. ఢిల్లీ బ్యాటర్ చినెల్లె హెన్రీ 33 బంతుల్లో 56 పరుగులు చేసి అర్ధ సెంచరీ చేసిన ఏకైక బ్యాట్స్మన్ గా నిలిచింది. ఢిల్లీ తరఫున నికి ప్రసాద్ 12 పరుగులు చేసి రెండవ అత్యధిక స్కోరర్గా నిలిచింది.
టాప్ హెడ్ లైన్స్
ట్రెండింగ్ వార్తలు
