Charter plane crashed: కుప్పకూలిన చార్టర్ విమానం - అయినా అందరూ సేఫ్ - ఒడిషాలో జరిగిన ఘటన వీడియో

Odisha : ఒడిశాలో ఇండియా వన్ ఎయిర్ చార్టర్ విమానం గాల్లోకి ఎగిరిన కాసేపటికి కుప్పకూలింది.కానీ అందులో ఉన్న వారంతా స్వల్ప గాయాలతో బయటపడ్డారు.

కుప్పకూలిన చార్టర్ విమానం - అయినా అందరూ సేఫ్ - ఒడిషాలో జరిగిన ఘటన పూర్తి వివరాలు

Source : x

Odisha India One Air charter plane crashed: ఒడిశా లో శనివారం మధ్యాహ్నం ఒక ప్రైవేట్ చార్టర్ విమానం కూలిపోయిన ఘటన తీవ్ర కలకలం రేపింది. రూర్కెలా నుంచి భువనేశ్వర్‌కు ప్రయాణికులతో బయలుదేరిన  ఇండియా వన్ ఎయిర్  సంస్థకు చెందిన తొమ్మిది సీట్ల చిన్న విమానం సాంకేతిక కారణాలతో అడవి ప్రాంతంలో కుప్పకూలిపోయింది. ఈ ప్రమాదం జరిగిన సమయంలో విమానంలో ఒక పైలట్‌తో పాటు ఆరుగురు ప్రయాణికులు ఉన్నారు. అదృష్టవశాత్తూ ఈ ఘటనలో ఎటువంటి ప్రాణనష్టం సంభవించకపోవడంతో అంతా ఊపిరి పీల్చుకున్నారు.

అధికారిక సమాచారం ప్రకారం  రూర్కెలా విమానాశ్రయం నుంచి టేకాఫ్ అయిన కొద్దిసేపటికే విమానం నియంత్రణ కోల్పోయినట్లు తెలుస్తోంది. రూర్కెలాకు సుమారు 10 నుంచి 15 కిలోమీటర్ల దూరంలో ఉన్న నిర్జన ప్రాంతంలో విమానం కిందకు పడిపోయింది. ప్రమాదం గురించి సమాచారం అందిన వెంటనే రెస్క్యూ టీమ్స్ , స్థానిక యంత్రాంగం యుద్ధ ప్రాతిపదికన సహాయక చర్యలు చేపట్టాయి. అటవీ ప్రాంతం కావడంతో ఘటనా స్థలానికి చేరుకోవడానికి అధికారులు కొంత శ్రమించాల్సి వచ్చింది.       

#Plane Crash in #Odisha

Six people were injured in an aircraft crash in Raghunathpali area of Rourkela.

The aircraft took off from Rourkela to Bhubaneswar and then met with this accident… pic.twitter.com/WIHpZZSUZ1

— MANOGYA LOIWAL मनोज्ञा लोईवाल (@manogyaloiwal) January 10, 2026

ప్రమాద స్థలం నుంచి రక్షించిన ప్రయాణికులను, పైలట్‌ను వెంటనే సమీపంలోని ఆసుపత్రికి తరలించారు. ప్రాథమిక చికిత్స అనంతరం వారిలో ఎవరికీ తీవ్రమైన గాయాలు కాలేదని, అందరూ క్షేమంగా ఉన్నారని వైద్యులు ధృవీకరించారు. విమానం కూలిపోవడానికి గల అసలు కారణాలు ఇంకా తెలియరాలేదు. ఇంజిన్ వైఫల్యమా లేదా వాతావరణ పరిస్థితులా అనే కోణంలో అధికారులు ఆరా తీస్తున్నారు. పర్యాటక శాఖకు చెందిన ఉన్నతాధికారుల బృందం కూడా భువనేశ్వర్ నుంచి బయలుదేరి ఘటనా స్థలాన్ని పరిశీలించింది.

#WATCH | Odisha, Rourkela: A small private plane crashed at Kansar, Rourkela, in Sundargarh District, with people trapped inside. Upon receiving the information, fire units from Rourkela Fire Station and Panposh Fire Station were rushed to the scene for rescue efforts.

(Source:… https://t.co/wJeK4Ru8Vo pic.twitter.com/Ku6d0tob7e

— ANI (@ANI) January 10, 2026

ఈ ఘటనపై విమానయాన నియంత్రణ సంస్థ విచారణకు ఆదేశించింది. విమానం బ్లాక్ బాక్స్‌ను సేకరించి, ప్రమాదానికి గల సాంకేతిక కారణాలను విశ్లేషించనున్నారు. ప్రయాణికులందరూ సురక్షితంగా బయటపడటంతో ఒక పెద్ద ప్రమాదం తప్పినట్లయింది. రాష్ట్ర ప్రభుత్వం ఈ ఘటనపై నివేదిక కోరింది.  ప్రయాణికులకు అవసరమైన అన్ని రకాల సహాయ సహకారాలు అందించాలని జిల్లా యంత్రాంగాన్ని ఆదేశించింది.                              

మరిన్ని చదవండి

ప్రాణాంతకమైన చైనా మాంజా - పండగ పూట మెడ చుట్టూ మృత్యుపాశం - ఈ జాగ్రత్తలు తీసుకోండి

Kia నుంచి వస్తున్న అతి చిన్న ఎలక్ట్రిక్‌ కారు ఇదే - పేరు EV2