LPG Delivery Delay : గ్యాస్ బుక్ చేసుకున్న తర్వాత సిలిండర్ డెలివరీ కాకపోతే.. ఇలా ఫిర్యాదు చేయండి
Gas Cylinder Delay : గ్యాస్ సిలిండర్ కొరత రోజు రోజుకి ఎక్కువ అవుతుంది. బుక్ చేసిన 25 రోజుల తర్వాత కూడా సిలిండర్ బుక్ కాకపోతే ఎక్కడ ఫిర్యాదు చేయాలో ఇప్పుడు తెలుసుకుందాం.
Booked LPG But Not Delivered : ఇరాన్-ఇజ్రాయెల్ యుద్ధం నేపథ్యంలో ఇండియా లో గ్యాస్ కొరత పెరిగింది. పెరుగుతున్న ఉద్రిక్తతల నివేదికల మధ్య.. చాలా మంది LPG గ్యాస్ సిలిండర్ల గురించి ఆందోళన చెందుతున్నారు. కొన్ని ప్రాంతాలలో సరఫరాలో అంతరాయం ఏర్పడుతుండడంతో.. సిలిండర్లను బుక్ చేసుకోవడానికి తొందరపడుతున్నారు. అయితే ప్రజలు కంగారు పడొద్దని.. దేశీయ LPG మనకి సరిపోతుందని, ముందుగా వంట గ్యాస్ సరఫరాకు ప్రాధాన్యత ఇస్తున్నట్లు కేంద్ర ప్రభుత్వం స్పష్టంగా పేర్కొంది.
వినియోగదారులు ఎటువంటి కొరతను ఎదుర్కోరని ప్రభుత్వం చెబుతోంది. అయినప్పటికీ.. సిలిండర్ బుక్ చేసుకున్న తర్వాత కూడా డెలివరీ సకాలంలో అందడం లేదని తరచుగా ఫిర్యాదులు వస్తున్నాయి. ఇటువంటి సందర్భాలలో వివిధ గ్యాస్ కంపెనీలు ఫిర్యాదుల కోసం హెల్ప్లైన్ నంబర్లను జారీ చేశాయి. ఇది వినియోగదారులకు తెలియక.. గ్యాస్ అందలేదని.. ఇబ్బంది పడాల్సి వస్తుందని టెన్షన్ పడుతున్నారు.
25 రోజుల గ్యాప్..
ఇటీవలె గృహోపకరణాల గ్యాస్ సిలిండర్ల బుకింగ్ వ్యవధిని కూడా మార్చారు. గతంలో కొత్త సిలిండర్ బుక్ చేసుకోవడానికి.. 21 రోజుల వ్యవధి ఉండేది. ఇప్పుడు దీనిని 25 రోజులకు పెంచారు. అంటే ఒక సిలిండర్ డెలివరీ తర్వాత.. తదుపరి రీఫిల్ కోసం కనీసం 25 రోజుల గ్యాప్ అవసరం.
డీలర్లు ఎక్కువ రేట్ చెప్తే..
కొంతమంది డీలర్లు ఈ నిబంధనలను సరిగ్గా పాటించకపోవడం తరచుగా కనిపిస్తుంది. కొందరు సిలిండర్ డెలివరీలు ఆలస్యంగా జరిగాయని ఫిర్యాదు చేయగా.. మరికొందరు అధిక ఛార్జీలు వసూలు చేస్తున్నారని నివేదిస్తున్నారు. వినియోగదారులు అలాంటి పరిస్థితుల్లో ఆందోళన చెందాల్సిన అవసరం లేదు. ఎందుకంటే వారు నేరుగా గ్యాస్ కంపెనీకి ఫిర్యాదు చేయవచ్చు.
ఇండేన్ గ్యాస్ కస్టమర్స్ కోసం..
మీరు ఇండేన్ గ్యాస్ కస్టమర్ అయితే, సిలిండర్ డెలివరీలో సమస్యలు ఎదుర్కొంటుంటే.. మీరు కంపెనీ హెల్ప్లైన్ నంబర్ను సంప్రదించవచ్చు. ఇండేన్ గ్యాస్ కస్టమర్లు 1800-2333-555 టోల్-ఫ్రీ నంబర్కు కాల్ చేయడం ద్వారా ఫిర్యాదు చేయవచ్చు. మీ బుకింగ్ లేదా ఫిర్యాదుకు సంబంధించిన సమాచారాన్ని అందించడానికి మీరు 7718955555 కు కూడా కాల్ చేయవచ్చు.
భారత్ గ్యాస్ కస్టమర్ల కోసం..
భారత్ గ్యాస్ తన కస్టమర్ల కోసం ప్రత్యేక హెల్ప్లైన్ నంబర్లను కూడా జారీ చేసింది. సిలిండర్లు సకాలంలో డెలివరీ కాకపోతే లేదా డీలర్తో ఏవైనా సమస్యలు ఎదురైతే.. వినియోగదారులు టోల్-ఫ్రీ నంబర్ 1800-22-4344 కు కాల్ చేయవచ్చు. అదనంగా గ్యాస్ బుకింగ్ లేదా ఫిర్యాదులకు సంబంధించిన సమాచారాన్ని 7715012345 కు కాల్ చేసి చెప్పవచ్చు.
HP గ్యాస్ కస్టమర్స్ కోసం..
మీరు HP గ్యాస్ కస్టమర్ అయితే, డీలర్ సంబంధిత సమస్యలను ఎదుర్కొంటున్నట్లయితే.. మీరు కంపెనీ హెల్ప్లైన్కు ఫిర్యాదు చేయవచ్చు. HP గ్యాస్ కస్టమర్లు 1800-2333-555 టోల్-ఫ్రీ నంబర్కు కాల్ చేయవచ్చు. LPG బుకింగ్ లేదా ఫిర్యాదుల గురించి సమాచారం కోసం మీరు 9493602222 ను కూడా సంప్రదించవచ్చు.
కాబట్టి మీకు డీలర్స్ గ్యాస్ ఇవ్వడంలో ఏవైనా ఇబ్బందులు పెడితే మీరు ఈ నెంబర్లకు కంప్లైంట్ చేయవచ్చు. ఆలోపు గ్యాస్ కాకుండా వండుకునేందుకు అనువైన మార్గాలు ఫాలో అవ్వవచ్చు.
టాప్ హెడ్ లైన్స్
ట్రెండింగ్ వార్తలు
