Tata Punch Facelift Features: సంక్రాంతి కానుకగా వస్తున్న టాటా పంచ్ ఫేస్లిఫ్ట్- మార్పులు చూసి కొనేయండి
Tata Punch facelift Launch date: టాటా పంచ్ కొనాలనుకుంటే, ఫీచర్లు ఎలా ఉంటాయి, ఇందులో చేసిన మార్పులు ఏంటో తెలుసుకోండి. టాటా పంచ్ ఫేస్లిఫ్ట్ వివరాలు ఇక్కడ ఉన్నాయి.
భారత మార్కెట్లో టాటా మోటార్స్ తమ టాటా పంచ్ ఫేస్లిఫ్ట్ (Tata Punch Facelift) ను జనవరి 13, 2026 న విడుదల చేయడానికి సిద్ధంగా ఉంది. అయితే విడుదలకు ముందు, కంపెనీ దీని వేరియంట్లు, ఫీచర్ల గురించి వివరాలను వెల్లడించింది. కొత్త పంచ్ ఫేస్లిఫ్ట్ ఇప్పుడు గతంలో కంటే ఎక్కువ సేఫ్టీ ఫీచర్లతో కూడి ఉంటుంది. ఈ కారు మొత్తం 6 వేరియంట్లలో అందుబాటులోకి వస్తుంది. అందులో Smart, ప్యూర్ Pure, ప్యూర్ ప్లస్ Pure+, అడ్వెంచర్ Adventure, Accomplished, అకంప్లిష్డ్ ప్లస్ ఎస్ (Accomplished+S) ఉన్నాయి. ప్రతి వేరియంట్లో వినియోగదారుల అవసరాలకు అనుగుణంగా ఫీచర్లను టాటా మోటార్స్ అందించింది.
Tata Punch Smart లో అవసరమైన భద్రతా సౌకర్యాలు
Tata Punch Facelift లో స్మార్ట్ రకం వేరియంట్లో ఇప్పుడు 6 ఎయిర్బ్యాగ్లు ఉంటాయి. దీనివల్ల వాహనదారుల భద్రత చాలా మెరుగవుతుంది. దీనితోపాటు LED హెడ్లైట్లు, కొత్త స్టీరింగ్ వీల్, ఎకో, సిటీ డ్రైవ్ మోడ్లు, ఎలక్ట్రానిక్ స్టెబిలిటీ ప్రోగ్రామ్, రిమోట్ కీలెస్ ఎంట్రీతో పాటు టైర్ ప్రెజర్ మానిటరింగ్ సిస్టమ్ కూడా ఇచ్చారు. ఈ వేరియంట్ బేస్ మోడల్ అయినప్పటికీ, భద్రత విషయంలో చాలా వాహనాలకు పోటీ ఇవ్వనుంది.
Pure, Pure+ వేరియంట్లో మెరుగైన సౌకర్యాలు
Pure వేరియంట్లో వెనుక AC వెంట్స్, స్టీరింగ్ మౌంటెడ్ కంట్రోల్స్, వెనుక డిఫాగర్, ఆర్మ్రెస్ట్తో సెంటర్ కన్సోల్ ఇచ్చారు. అదే Pure+ వేరియంట్లో 20.32 సెం.మీ టచ్స్క్రీన్ ఇన్ఫోటైన్మెంట్ సిస్టమ్, వెనుక పార్కింగ్ కెమెరా, వైర్లెస్ Android Autoతో పాటు Apple CarPlay, క్రూయిజ్ కంట్రోల్ సహా USB టైప్ C ఛార్జర్ వంటి ఫీచర్లు ఉన్నాయి.
Adventure వేరియంట్లో టెక్నాలజీ
ఎక్కువ టెక్నాలజీని ఇష్టపడేవారి కోసం Adventure వేరియంట్ తీసుకొచ్చింది. ఇందులో 360 డిగ్రీల కెమెరా, బ్లైండ్ స్పాట్ మానిటరింగ్, పుష్ బటన్ స్టార్ట్, ఆటోమేటిక్ క్లైమేట్ కంట్రోల్, రెయిన్ సెన్సింగ్ వైపర్లు, ఆటోమేటిక్ హెడ్లైట్లు వంటి ఫీచర్లు ఉన్నాయి. Accomplished వేరియంట్లో 16 అంగుళాల అల్లాయ్ వీల్స్, పెద్ద 26.03 సెం.మీ టచ్స్క్రీన్, LED DRLs, మెరుగైన సీట్ సౌకర్యం కల్పించారు. అదే టాప్ వేరియంట్ Accomplished+S లో ఎలక్ట్రిక్ సన్రూఫ్, డిజిటల్ ఇన్స్ట్రుమెంట్ క్లస్టర్, ఆటో డిమ్మింగ్ IRVM, వైర్లెస్ ఛార్జింగ్, iRA కనెక్టెడ్ టెక్నాలజీ అందించారు.
ఇంజిన్ పనితీరు
టాటా పంచ్ ఫేస్లిఫ్ట్ (Tata Punch Facelift) లో 1.2 లీటర్ పెట్రోల్ ఇంజిన్ ఇచ్చారు. ఇది ప్రస్తుత మోడల్లో కూడా ఉంది. దీనితోపాటు ఇప్పుడు టర్బో పెట్రోల్ ఇంజిన్ కొత్త ఎంపికను కూడా ఇస్తారు. దాంతో పనితీరు మరింత మెరుగ్గా ఉంటుంది. కొత్త Tata Punch Facelift ఇప్పుడు ఎక్కువ భద్రతతో పాటు కొత్త ఫీచర్లు, మెరుగైన టెక్నాలజీతో వస్తుంది. సబ్ 4 మీటర్ SUV సెగ్మెంట్లో ఈ కారు గతంలో కంటే ఎక్కువ బలమైన పోటీదారుగా మారనుంది. సంక్రాంతి కానుకగా టాటా మోటార్స్ జనవరి 13న కొత్త పంచ్ ఫేస్లిఫ్ట్ను భారత మార్కెట్లోకి విడుదల చేస్తున్నారు.
Also Read: ఈ నెలలో టాటా కార్లపై భారీ డిస్కౌంట్లు - హారియర్, సఫారి నుంచి నెక్సాన్ వరకు ఆఫర్ల జాతర
Before You Go
Auto Expo 2023 Day 1 Highlights: ఎంతో హైప్ తో మొదలైన ఆటో ఎక్స్ పో మొదటి రోజు హైలైట్స్
టాప్ హెడ్ లైన్స్
ట్రెండింగ్ వార్తలు
