ఈ నెలలో టాటా కార్లపై భారీ డిస్కౌంట్లు - హారియర్, సఫారి నుంచి నెక్సాన్ వరకు ఆఫర్ల జాతర
2026 జనవరిలో టాటా మోటార్స్ హారియర్, సఫారి, నెక్సాన్, పంచ్, ఆల్ట్రోజ్, కర్వ్ కార్లపై రూ.25 వేల నుంచి రూ.75 వేల వరకు డిస్కౌంట్లు అందిస్తోంది.
Tata Harrier Discount: కొత్త కారు కొనాలనుకునే వారికి జనవరి 2026 నిజంగా మంచి అవకాశం అని చెప్పాలి. టాటా మోటార్స్ ఈ నెలలో తమ ప్రముఖ కార్లపై భారీ డిస్కౌంట్లు ప్రకటించింది. హారియర్, సఫారి లాంటి ప్రీమియం SUVల నుంచి నెక్సాన్, పంచ్, ఆల్ట్రోజ్, టియాగో, టిగోర్, కర్వ్ వరకు దాదాపు అన్ని మోడళ్లపై ఆకర్షణీయమైన ప్రయోజనాలు అందుబాటులో ఉన్నాయి.
డీలర్ ఆధారంగా ఈ ఆఫర్లు మారవచ్చు. స్టాక్ లభ్యతపై కూడా డిస్కౌంట్ మొత్తం ఆధారపడి ఉంటుంది. కాబట్టి ఖచ్చితమైన వివరాల కోసం మీ సమీప టాటా డీలర్ను సంప్రదించడం మంచిది.
టాటా హారియర్, సఫారి డిస్కౌంట్లు - రూ.75 వేల వరకు
MY2025 డీజిల్ హయ్యర్ వేరియంట్లపై టాటా హారియర్, సఫారి SUVలకు జనవరిలో రూ.75,000 వరకు బెనిఫిట్స్ లభిస్తున్నాయి. ఇందులో రూ.25,000 క్యాష్ డిస్కౌంట్, రూ.50,000 ఎక్స్చేంజ్ లేదా స్క్రాపేజ్ బెనిఫిట్ ఉన్నాయి.
టాటా హారియర్ ఎక్స్-షోరూమ్ ధర రూ.12.89 లక్షల నుంచి రూ.25.25 లక్షల వరకు ఉండగా, సఫారి ధర రూ.13.29 లక్షల నుంచి రూ.25.96 లక్షల వరకు ఉంది. ఇటీవల టాటా ఈ రెండు SUVలకు పెట్రోల్ వేరియంట్లను కూడా ప్రవేశపెట్టింది.
టాటా నెక్సాన్పై రూ.50,000 వరకు ఆఫర్లు
టాటా నెక్సాన్ MY2025 మోడళ్లపై జనవరిలో రూ.50,000 వరకు లాభాలు ఉన్నాయి. ఇందులో రూ.10,000 క్యాష్ డిస్కౌంట్, రూ.20,000 ఎక్స్చేంజ్ బెనిఫిట్, రూ.20,000 లాయల్టీ బోనస్ ఉన్నాయి.
నెక్సాన్ 1.2 లీటర్ టర్బో పెట్రోల్, 1.5 లీటర్ డీజిల్, అలాగే CNG ఆప్షన్తో వస్తుంది. ఎక్స్-షోరూమ్ ధర రూ.7.32 లక్షల నుంచి రూ.14.15 లక్షల వరకు ఉంది.
టాటా పంచ్పై రూ.40,000 వరకు డిస్కౌంట్
అవుట్గోయింగ్ టాటా పంచ్ MY2025 స్టాక్పై రూ.40,000 వరకు లాభాలు లభిస్తున్నాయి. ఇందులో క్యాష్, ఎక్స్చేంజ్, లాయల్టీ బెనిఫిట్లు ఉన్నాయి. త్వరలో పంచ్ ఫేస్లిఫ్ట్ రానుండటంతో స్టాక్ క్లియరెన్స్ కోసం ఈ ఆఫర్లు అందిస్తున్నారు.
ఆల్ట్రోజ్, టియాగో, టిగోర్ ఆఫర్లు
ఫేస్లిఫ్ట్ ఆల్ట్రోజ్పై రూ.25,000 వరకు డిస్కౌంట్ లభిస్తుండగా, పాత ఆల్ట్రోజ్ స్టాక్పై రూ.85,000 వరకు భారీ ఆఫర్లు ఉన్నాయి.
టియాగో, టిగోర్ MY2025 కార్లపై రూ.35,000 వరకు లాభాలు ఉన్నాయి.
టాటా కర్వ్పై రూ.40,000 వరకు బెనిఫిట్లు
టాటా కర్వ్ MY2025 వేరియంట్లపై రూ.40,000 వరకు క్యాష్ & ఎక్స్చేంజ్ బెనిఫిట్లు లభిస్తున్నాయి. ఈ SUV పెట్రోల్, డీజిల్ ఆప్షన్లతో అందుబాటులో ఉంది.
మొత్తంగా చెప్పాలంటే, కొత్త టాటా కారు కొనాలనుకునే వారికి ఇది నిజంగా సరైన సమయం. మీ అవసరాలకు తగ్గ మోడల్ను ఎంచుకుని, ఈ డిస్కౌంట్లను పూర్తిగా వినియోగించుకోవచ్చు.
ఇంకా ఇలాంటి ఆటోమొబైల్ వార్తలు & అప్డేట్స్ - "ABP దేశం" 'ఆటో' సెక్షన్ని ఫాలో అవ్వండి.
టాప్ హెడ్ లైన్స్
ట్రెండింగ్ వార్తలు
