Devdutt Padikkal Historic Test Century | స్వతంత్ర దినోత్సవం రోజు పడిక్కల్ సెంచరీ
శ్రీలంకతో గాలే వేదికగా జరుగుతున్న తొలి టెస్ట్ మ్యాచ్లో భారత యువ బ్యాటర్ దేవదత్ పడిక్కల్ అద్భుతమైన సెంచరీతో సరికొత్త చరిత్ర సృష్టించాడు. రెగ్యులర్ నంబర్ 3 బ్యాటర్ సాయి సుదర్శన్ గాయంతో దూరం కావడంతో వచ్చిన అవకాశాన్ని సద్వినియోగం చేసుకుంటూ, తన కెరీర్లోని మూడో టెస్టులోనే తొలి అద్భుత సెంచరీ సాధించాడు.
ఈ సెంచరీతో పడిక్కల్ ఒక అరుదైన మైలురాయిని చేరుకున్నాడు. ఆగస్టు 15 స్వాతంత్ర దినోత్సవం నాడు అంతర్జాతీయ సెంచరీ బాదిన రెండో ఇండియన్ ప్లేయర్గా కింగ్ విరాట్ కోహ్లీ సరసన నిలిచాడు. కోహ్లీ గతంలో వన్డేల్లో ఈ ఫీట్ సాధించగా, టెస్ట్ ఫార్మాట్లో ఇండిపెండెన్స్ డే నాడు సెంచరీ కొట్టిన తొలి భారతీయ బ్యాటర్గా పడిక్కల్ చరిత్రకెక్కాడు. పడిక్కల్ గాలే టెస్టులో 178 బంతుల్లో 12 ఫోర్లు, ఒక సిక్సర్ తో 131 పరుగులు చేసి అజేయంగా నిలిచాడు.
ఈ ఇన్నింగ్స్ తో టీమిండియా నంబర్ 3 స్లాట్లో ఉన్న నిరీక్షణకు తెరపడింది. 2024 సెప్టెంబర్లో శుభ్మన్ గిల్ సెంచరీ కొట్టిన తర్వాత, ఇండియా ఈ పొజిషన్లో 19 టెస్టుల్లో ఏడుగురు వేర్వేరు బ్యాటర్లను మార్చినా శతకం నమోదు కాలేదు. పడిక్కల్ తన క్లాసిక్ సెంచరీతో నంబర్ 3 స్థానాన్ని పటిష్టం చేసుకున్నాడు.
టాప్ హెడ్ లైన్స్
ట్రెండింగ్ వార్తలు
