Top Stories

ఏటా ఆగస్టు 15న భారతదేశం తన స్వాతంత్ర్య దినోత్సవాన్ని జరుపుకుంటుంది. ఎన్నో పోరాటాలు చేసి దాదాపు రెండు శతాబ్దాల బ్రిటిష్ వలస పాలన ముగింపు పలికి స్వేచ్ఛావాయువులు పూల్చిన క్షణం. స్వతంత్ర దేశంగా ఆవిర్భావించిన మధుర క్షణం. స్వాతంత్ర్యం కోసం చేసిన పోరాటాలు అన్నీ ఇన్నీ కావు. 200 సంవత్సరాల బ్రిటిష్ పాలనలో వేల మంది ప్రాణ త్యాగాలు చేశారు. లక్షల మంది జీవితాలనే కోల్పోయారు. మహాత్మాగాంధీ, జవహర్‌లాల్ నెహ్రూ, భగత్ సింగ్, సుభాష్ చంద్రబోస్, సర్దార్ వల్లభాయ్ పటేల్ వంటి నాయకులు ఈ పోరాటంలో కీలక పాత్ర పోషించారు. ప్రజల్లో స్వాతంత్ర్య కాంక్షను రగల్చీ ముందుడి పోరాటాలు చేశారు. ఇండిపెండెంట్‌ ఇండియా కోసం మహాత్మాగాంధీ ప్రత్యేక పోరాట పంథాను అనుసరించారు. శాంతి, అంహిస మార్గంలో ప్రజల్లోకి పోరాటానికి తీసుకెళ్లారు. సహాయ నిరాకరణ, క్విట్ ఇండియా ఉద్యమాలతో బ్రిటిష్‌ అధికారుల గుండెల్లో గుబులు పుట్టించింది. అధికార పునాదులు కదలించాయి. భగత్ సింగ్, చంద్రశేఖర్ ఆజాద్, సుఖ్‌దేవ్ వంటి విప్లవకారులు త్యాగం ఇప్పటికీ మన దేశం గుర్తు చేసుకుంటూనే ఉంది. బ్రిటిష్ పాలనలో భారతీయులు అణచివేతకు గురయ్యారు. ఆర్థిక దోపిడీ జరిగింది. ప్రజలు చిత్రవధను అనుభవించారు. సామాజికంగా కూడా అన్యాయం జరిగింది. రెండో ప్రపంచ యుద్ధం విధ్వంసం బ్రిటిష్ సామ్రాజ్యాన్ని బలహీనపరిచింది. భారతదేశానికి స్వాతంత్ర్యానికి మార్గం సుగమం చేసింది. పరిస్థితులు గమనించిన బ్రిటిష్‌ పాలకు ఆగష్టు 15, 1947 భారత్‌కు స్వాతంత్ర్యాన్ని ప్రకటించారు. అప్పటి బ్రిటిష్ వైస్రాయ్ లార్డ్ మౌంట్ బాటన్ అధికారికంగా ఈ విషయాన్ని తెలియజేశారు. భారత పాలకులకు అధికారాన్ని అప్పగించారు. దీంతో వలస పాలనకు ముగింపు పలికింది. అదే టైంలో అప్పటి వరకు ఉన్న అఖండ భారతావనిని రెండుగా విభజించి ఒకటి ారత దశంగా రెండోది పాకిస్థాన్‌గా చీల్చారు. ఆనాడు చేసిన తప్పులు నేటికీ మనల్ని పట్టి పీడిస్తున్నాయి. విభజన గాయాలను మర్చిపోయిన భారత ప్రజలకు ప్రతీ ఆగస్టు 15న దేశమంతటా స్వాతంత్ర్య దినోత్సవాన్ని ఘనంగా జరుపుకుంటారు. ఢిల్లీలోని ఎర్రకోట వద్ద ప్రధానమంత్రి జాతీయ జెండా ఎగురవేస్తారు. ఆ తర్వాత జాతిని ఉద్దేశించి ప్రసంగిస్తారు. దేశవ్యాప్తంగా ఈ చారిత్రాత్మక వేడుకలు సంబరంగా సాగుతాయి. ఆగస్ట్ 15 అనేది వేడుకల రోజు మాత్రమే కాదు. దేశ స్వాతంత్ర్యం కోసం పోరాడిన మహావీరుల త్యాగాలను స్మరించుకునే, గౌరవించే క్షణం.