Independence Day 2025 : స్వాతంత్య్ర దినోత్సవ వేడుకలకు బెస్ట్ మేకప్ లుక్స్.. త్రివర్ణ రంగులతో దేశభక్తిని చాటండిలా

Independence Day Special Makeup Looks : స్వాతంత్య్ర దినోత్సవం 2025 స్పెషల్ మేకప్ లుక్స్​ కోసం చూస్తున్నారా? అయితే త్రివర్ణ రంగులతో ముఖంపై ఎలాంటి మేకప్ వేసుకోవచ్చో ఇప్పుడు చూసేద్దాం.

స్వాతంత్య్ర దినోత్సవం స్పెషల్ మేకప్ లుక్స్

చెంపలపై కాషాయం, తెలుపు, ఆకుపచ్చ రంగులను జెండా రూపంలో వేసుకోవచ్చు. సెలబ్రేషన్స్ అంతటా, ఎక్కువ కాలం ఉండేందుకు.. రంగులు వేసుకున్న తర్వాత సెట్టింగ్ స్ప్రే, పిగ్మెంటెడ్ ఐషాడోలు వేసుకుంటే సరి.

మీరు మినిమల్​గా ఉండేందుకు ఇష్టపడేవారు అయితే మీ ముఖానికి ఆరెంజ్ కలర్ మేకప్ లుక్​ని ఎంచుకోండి. అలాగే లిప్​స్టిక్​ కూడా ఆరెంజ్, ఐషాడో, నారింజ రంగు బ్లష్ ఉపయోగించవచ్చు. ఇది మీకు స్వాతంత్య్ర దినోత్సవ వేడుకల్లో డిఫరెంట్ లుక్ ఇస్తుంది.

ఐలైనర్ సాధారణంగా నలుపురంగు ఎక్కువగా ఉపయోగిస్తారు. అయితే దాని ప్లేస్​లో కనురెప్పల మీద కాషాయం, తెలుపు, ఆకుపచ్చ రంగులను మీరు వేయవచ్చు. ఈ జెండా లుక్​ని హైలెట్ చేసేలా.. ముఖానికి మేకప్ తక్కువగా ఉండేలా చూసుకోండి.

లేదంటే ఓ కనురెప్పపై.. వైట్, గ్రీన్ మిక్స్ ఐషాడో వేసుకుంటే.. మరో కనురెప్పపై ఆరెంజ్, వైట్ మిక్సింగ్ వేసుకోవచ్చు. ఇది ప్రకాశవంతమైన, జెండా లాంటి రూపాన్ని అందించడంలో హెల్ప్ చేస్తుంది. అంతేకాకుండా మిమ్మల్ని ఈవెంట్​లో హైలెట్ చేస్తుంది.

మీ కళ్లపై మెరిసే త్రివర్ణపు గ్లిట్టర్‌తో మేకప్ వేసుకోండి. ఇది రాత్రుళ్లు జరిగే ఈవెంట్స్​కు, పార్టీ సమావేశాలకు బాగా నప్పుతుంది.

డిఫరెంట్ లుక్​ కోసం ట్రై చేయాలనుకుంటే.. కళ్లకు కాషాయం రంగు మేకప్ వేసుకుని.. స్మోకి లుక్​ని క్రియేట్ చేయవచ్చు. న్యూడ్ లిప్​స్టిక్, గ్లోయింగ్ ఫేస్​తో ఇది మీకు మంచి లుక్ ఇస్తుంది.

పెదవులను ప్రకాశవంతమైన కాషాయం, తెలుపు, ఆకుపచ్చ రంగులతో మెరిసేలా లిప్​ మేకప్ వేసుకోవచ్చు. స్వాతంత్ర్య దినోత్సవ సమయంలో ఇది ఫన్, క్రియేటివిటీని ఈ లుక్ తీసుకొస్తుంది.

కాషాయం, తెలుపు, ఆకుపచ్చ రంగులతో కూడిన నెయిల్స్ మీరు చేయించుకోవచ్చు. చిన్న నీలి చుక్కలు లేదా అశోక చక్రం నమూనాతో స్టైల్ చేస్తే లుక్ అదిరిపోతుంది.