![ABP Premium](https://cdn.abplive.com/imagebank/Premium-ad-Icon.png)
IND vs NZ: బ్యాటింగ్ మనదే.. భారీ స్కోరు ఖాయమే!
ODI World Cup 2023: ముంబయిలోని వాంఖడే వేదికగా న్యూజిలాండ్తో సెమీఫైనల్ మ్యాచ్లో టాస్ గెలిచిన టీమిండియా బ్యాటింగ్ ఎంచుకుంది. ఎలాంటి మార్పులు లేకుండా టీమిండియా ఈ మ్యాచ్లోనూ బరిలోకి దిగింది.
![IND vs NZ: బ్యాటింగ్ మనదే.. భారీ స్కోరు ఖాయమే! New zealand vs india semi final 2023 Cricket World Cup 2023 semi final today india vs new zealand India won the toss Opt to Bat First at Wankhede Stadium latest telugu news updates IND vs NZ: బ్యాటింగ్ మనదే.. భారీ స్కోరు ఖాయమే!](https://feeds.abplive.com/onecms/images/uploaded-images/2023/11/15/70a810033cd016558fb45389483cdf9f1700035124915872_original.png?impolicy=abp_cdn&imwidth=1200&height=675)
India vs New Zealand Score: ధైర్యవంతులకే అదృష్టం కూడా అండగా నిలుస్తుందని... ఇప్పుడు తాము అదే నమ్మకంతో, ధైర్యంతో బరిలోకి దిగుతున్నామన్న రోహిత్ శర్మ వ్యాఖ్యలు నిజమయ్యాయి. ముంబయిలోని వాంఖడే వేదికగా న్యూజిలాండ్తో సెమీఫైనల్ మ్యాచ్లో టాస్ గెలిచిన టీమిండియా బ్యాటింగ్ ఎంచుకుంది. ఎలాంటి మార్పులు లేకుండా టీమిండియా ఈ మ్యాచ్లోనూ బరిలోకి దిగింది. భారత్ టాస్ గెలిచి బ్యాటింగ్ ఎంచుకుని భారీ స్కోరు చేస్తే సగం విజయం సాధించినట్లేనని మాజీలు అంచనా వేస్తున్నారు. వాంఖడేలో ఫ్లడ్ లైట్ల వెలుగుల్లో లక్ష్యాన్ని ఛేదించాల్సి రావడం కష్టంగా మారనుంది. కొత్త బంతితో తీవ్ర నష్టాన్ని కలిగించే బౌలర్లు ఇరు జట్లలోనూ ఉన్నారు. రోహిత్ శర్మ మరోసారి రాణిస్తే టీమిండియాకు ఇక ఎదురుండదు. ఇప్పటికే ఈ ప్రపంచ కప్లో రోహిత్ 503 పరుగులు... గిల్ 270 పరుగులు చేశారు. మీరు మరోసారి విధ్వంసకర ఓపెనింగ్ ఇస్తే భారత్ గెలుపు ఖాయమవుతుంది. విరాట్ కోహ్లీ కూడా ఈ టోర్నీలో 593 పరుగులు చేసి సచిన్ రికార్డును అధిగమించేందుకు సిద్ధంగా ఉన్నాడు. కె.ఎల్. రాహుల్, శ్రేయస్ అయ్యర్, సూర్యకుమార్ యాదవ్, రవీంద్ర జడేజాలతో బ్యాటింగ్ దుర్భేద్యంగా ఉంది.
టాప్ హెడ్ లైన్స్
ట్రెండింగ్ వార్తలు
![ABP Premium](https://cdn.abplive.com/imagebank/metaverse-mid.png)