Chandrababu: చంద్రబాబును చూడాలని మహిళ సాహసం - కాన్వాయ్ వెంట పరుగులు, కారు ఆపి పిలిచి మాట్లాడిన చంద్రబాబు

AndhraPradesh News: టీడీపీ అధినేత చంద్రబాబుపై అభిమానంతో ఓ మహిళ సాహసం చేసింది. ఆయన కాన్వాయ్ వెంట పరుగులు తీయగా గమనించిన చంద్రబాబు కారు ఆపి ఆమెతో మాట్లాడారు. ఆప్యాయంగా పలకరించి ఆమెతో ఫోటో దిగారు.

చంద్రబాబు కాన్వాయ్ వెంట మహిళ పరుగులు

ఎన్డీయే సమావేశం అనంతరం చంద్రబాబు ఉండవల్లికి వెళ్తుండగా ఆయన కాన్వాయ్ వెంట మదనపల్లికి చెందిన ఓ మహిళ పరుగెత్తారు. ఆయన్ను చూడాలని సాహసం చేశారు

ఆ మహిళను చూసిన చంద్రబాబు కాన్వాయ్ ఆపి ఆమెను పిలిపించారు. అనంతరం ఆమె చంద్రబాబుకు అభివాదం చేశారు.

'సార్ మీరంటే నాకు చాలా అభిమానం' అంటూ సదరు మహిళ చంద్రబాబును కలిశారు. తనకు జ్వరం వచ్చినా చూసేందుకు వచ్చానని వెల్లడించారు.

మహిళ వివరాలు తెలుసుకున్న చంద్రబాబు ఆమెను ఆప్యాయంగా పలకరించారు.

సదరు మహిళకు జ్వరం అని తెలుసుకున్న చంద్రబాబు వెంటనే ఆస్పత్రికి వెళ్లాలని సూచించారు.

చంద్రబాబు కాళ్లు మొక్కేందుకు మహిళ యత్నిచంగా ఆయన వారించారు. ఆమెతో ఆప్యాయంగా ఫోటో దిగారు. ఆమెకు వైద్య సహాయం అందించాలని టీడీపీ నేతలను ఆదేశించారు.