Face Masks : ఈ ఫేస్​ మాస్క్​లతో గ్లోయింగ్ స్కిన్ మీ సొంతం.. ఇంట్లో ట్రై చేసేయండిలా 

Homemade Face Masks : సమ్మర్​లో ఫేస్ ట్యాన్ అవుతూ ఉంటుంది. ఈ సమయంలో మీరు కొన్ని ఫేస్ మాస్క్​లతో ఇంటి దగ్గరే గ్లోయింగ్​ స్కిన్​ని సొంతం చేసుకోవచ్చు. ఎలా అంటే.. 

కెమికల్స్ లేని ఫేస్ మాస్క్​లు ఇవే (Image Source : Freepik)

Source : Freepik

Summer Perfect Homemade Face Masks : వేసవిలో వేడి వల్ల, బయట తిరగడం వల్ల మీ స్కిన్​ డల్​గా, బ్లాక్​గా మారుతుందా? అయితే పార్లల్​కు వెళ్లకుండానే ఎలాంటి కెమికల్స్ లేకుండా ఇంట్లోనే కొన్ని ఫేస్​ మాస్క్​లతో మీ చర్మానికి గ్లోయింగ్ స్కిన్​ని అందించవచ్చు. ఇంట్లో రెగ్యులర్​గా ఉండే కొన్ని వస్తువులతో మీరు వీటిని ట్రై చేయవచ్చు. ఇంతకీ గ్లోయింగ్​నిచ్చే మాస్క్​లు ఏంటి? వాటివల్ల కలిగే ప్రయోజనాలు ఏంటో ఇప్పుడు చూసేద్దాం. 

టోమాటో, నిమ్మకాయ ఫేస్ మాస్క్ 

ఓ టమాటాను తీసుకుని దానిని ప్యూరీగా చేసుకోవాలి. దానిలో రెండు టేబుల్ స్పూన్ల నిమ్మరసం కలపాలి. దీనిని బాగా మిక్స్ చేసి ముఖానికి, మెడకు అప్లై చేయాలి. ఇరవై నిమిషాలు మాస్క్​ని అలాగే ఉంచేసి.. చల్లని నీటితో ముఖాన్ని కడగాలి. ఈ మాస్క్​తో టాన్​, డర్ట్ పోతుంది. స్కిన్​ బ్రైట్​గా మారుతుంది. 

పసుపుతో ఫేస్ మాస్క్

మూడు టేబుల్ స్పూన్ల నిమ్మరసంలో ఓ టేబుల్ స్పూన్ పసుపు వేసి.. బాగా మిక్స్ చేయాలి. దీనిని ముఖానికి అప్లై చేసి.. 20 నిమిషాలు ఉంచుకోవాలి. అనంతరం నీటితో కడిగేయాలి. ఈ మాస్క్​తో మొటిమలు, మచ్చలు లేని స్కిన్ మీ సొంతమవుతుంది. 

అరటిపండు, పెరుగు మాస్క్

అరటిపండును బాగా క్రష్ చేసి.. దానిలో రెండు టేబుల్ స్పూన్ల పెరుగు లేదా యోగర్ట్ వేసి.. ఓ టేబుల్ స్పూన్ తేనె వేసి బాగా మిక్స్ చేయాలి. దీనిని ముఖానికి అప్లై చేసి.. డ్రై అవ్వనివ్వాలి. అరగంట తర్వాత ముఖాన్ని చల్లని నీటితో వాష్ చేస్తే.. స్కిన్​ సాఫ్ట్​గా అవుతుంది. వారానికి రెండుసార్లు దీనిని ట్రై చేయవచ్చు. 

బాదం ఫేస్ మాస్క్ 

4 లేదా 5 బాదంలను పాలలో రాత్రంతా నానబెట్టాలి. ఉదయాన్నే వాటిపై తొక్క తీసి.. పేస్ట్​గా చేసుకోవాలి. దీనిని ముఖానికి థిక్ లేయర్​గా అప్లై చేయాలి. రాత్రి అప్లై చేసుకుని.. ఉదయాన్నే వాష్ చేసుకుంటే మంచిది. రేడియంట్, గ్లోయింగ్ ఫేస్​కోసం ఈ మాస్క్​ని రోజు విడిచి రోజు ట్రై చేయవచ్చు. 

గుడ్డుతో ఫేస్ మాస్క్

గుడ్డును పగలగొట్టి దానిలో బాదం పౌడర్ వేయాలి. దీనిని బాగా కలిపి ముఖానికి, మెడకి అప్లై చేసి 20 నిమిషాలు ఉంచాలి. రాత్రుళ్లు ఈ మాస్క్ వేసుకుంటే మంచి ఫలితాలు ఉంటాయి. డ్రై స్కిన్ ఉన్నవారికి ఇది చాలా బెస్ట్ ఫేస్ మాస్క్. పైగా ఇన్​స్టాంట్ గ్లోని ఇస్తుంది. 

ఆరెంజ్ ఫేస్ మాస్క్

టేబుల్ స్పూన్ ఆరెంజ్ జ్యూస్​లో 2 టేబుల్ స్పూన్లు పెరుగు వేసి బాగా మిక్స్ చేయాలి. దీనిని ముఖానికి అప్లే చేసి మసాజ్ చేయాలి. అనంతరం చల్లని నీటితో వాష్ చేసుకోవాలి. పార్టీలకు వెళ్లేముందు గ్లో కోసం ఈ ఫేస్ మాస్క్ ట్రై చేయవచ్చు. 

బొప్పాయి మాస్క్

బొప్పాయిని మాష్ చేసి.. దానిలో 1 టీస్పూన్ పాలు, 1 టేబుల్ స్పూన్ తేనె వేసి ఈ పేస్ట్​ని ముఖానికి అప్లై చేయాలి. 15 నిమిషాల తర్వాత గోరువెచ్చని నీటితో వాష్ చేయాలి. డ్రై స్కిన్ వారికి ఇది బెస్ట్ రిజల్ట్స్ ఇస్తుంది. బొప్పాయిలోని విటమిన్ ఏ, సి స్కిన్​ హెల్త్​ని ప్రమోట్ చేస్తుంది. డార్క్ స్పాట్స్ తగ్గి, మెరిసే స్కిన్ సొంతమవుతుంది. 

పుచ్చకాయతో ఫేస్ మాస్క్

సమ్మర్​లో పుచ్చకాయ బాగా దొరుకుతుంది. దీనిలో పెరుగు కలిపి ముఖానికి అప్లై చేసి.. సన్​బర్న్ ప్రాంతంలో అప్లై చేయాలి. 20 నిమిషాల తర్వాత కడిగేయాలి. ఇది మంటను, చికాకు తగ్గించి.. హెల్తీ స్కిన్​ని ప్రమోట్ చేస్తుంది. 

అలోవెరా జెల్, గ్లిజరిన్ మాస్క్ 

కలబంద గుజ్జులో కాస్త గ్లిజరిన్ వేసి బాగా మిక్స్ చేసి ముఖానికి అప్లై చేయాలి. పావుగంట తర్వాత దీనిని శుభ్రం చేస్తే ముఖానికి మంచి గ్లో వస్తుంది. 

ఇవన్నీ కేవలం అవగాహన కోసమే. ఈ మాస్కులను ట్రై చేసేముందు ప్యాచ్ టెస్ట్ చేసుకుంటే మంచిది. అలాగే బ్యూటీ నిపుణుల సలహాలు తీసుకుంటే మంచి ఫలితాలు ఉంటాయి. వీటితో పాటు స్కిన్​ కేర్ రొటీన్​ని ఫాలో అవుతూ ఉంటే స్కిన్ హెల్తీగా ఉంటుంది. హెల్తీ ఫుడ్​ని తీసుకోవడంతో పాటు మినిమల్ మేకప్​ స్కిన్ డ్యామేజ్ కాకుండా హెల్ప్ చేస్తుంది.