Bonalu Festival: బోన‌మెత్తిన వైఎస్ ష‌ర్మిల.. చిన్ననాటి ఫ్రెండ్‌తో ఉత్సాహంగా జాతర

బోనాల పండుగలో వైఎస్ షర్మిల

ఆషాఢ మాస బోనాల సంద‌ర్భంగా వైఎస్ఆర్ తెలంగాణ పార్టీ అధినేత్రి వైఎస్ ష‌ర్మిల అమ్మ వారికి బోనం స‌మ‌ర్పించారు.

ప్రతి ఏటా నిర్వహించే ఆన‌వాయితీ ప్రకారం మొయినాబాద్ మండ‌లంలోని పెద్ద మంగ‌ళారం గ్రామంలోని త‌న చిన్ననాటి స్నేహితురాలు ర‌జిని నివాసానికి వెళ్లి వారి కుటుంబ సభ్యులతో క‌లిసి బోనాల ఉత్సవాల్లో పాల్గొన్నారు.

హైదరాబాద్ వ్యాప్తంగా బోనాల పండుగ కన్నుల పండుగగా జరుగుతున్న సంగతి తెలిసిందే.

‘‘అచ్చమైన తెలంగాణ సంస్కృతికి స్వచ్ఛమైన రూపం బోనాల పండుగ. భ‌క్తి శ్రద్ధల‌తో ఆడపడుచులు ఎత్తే బోనం నా ప్రజ‌ల‌కు స‌క‌ల శుభాల‌ను తెచ్చిపెట్టాలి. ప్రజ‌లంద‌రికీ బోనాల పండుగ శుభాకాంక్షలు’’ అని షర్మిల ట్వీట్ చేశారు.

వైఎస్ఆర్ తెలంగాణ పార్టీ కార్యాలయంలో బోనమెత్తిన ఆ పార్టీ నాయకురాలు ఇందిరా శోభన్