Holi Special: హోలీ రోజు ఇలా చేస్తే కీడు పోతుంది.. 'కాంతారా'ను మించి అనిపించే ఇలాంటి పండుగ మీరెక్కడా చూసి ఉండరు!

Adilabad Tribal Holi festival celebrations 2025: ఆదివాసీలు తమ సంస్కృతి సంప్రదాయంలో భాగంగా ప్రకృతిని పూజిస్తారు. హోలీ పండుగ సందర్భంగా వేడుకలు ఘనంగా జరుపుకున్నారు. వాస్తవానికి ఇదే అసలైన హోలీ...

Holi 2025

ఆదిలాబాద్ జిల్లా ఉట్నూర్ మండలం మత్తడి గూడలో హోలీ వేడుకలు ఘనంగా నిర్వహించుకున్నారు..హోలీ సందర్భంగా కామదహన వేడుకలు నిర్వహించారు. దీన్నే దురాడి అని పిలుస్తారు.

ఫాల్గుణమాస పౌర్ణమి రోజు గూడెంల ఉన్నవారంతా గ్రామ పటేల్ ఇంటికెళ్లి కుడకలు తీసుకొచ్చి ఇస్తారు. గ్రామంలో ఎన్ని కుటుంబాలున్నాయో ఈ కుడకలు చెప్పేస్తాయి

గొంగడిలో కుడకలు ఉల్లిగడ్డలు వంకాయలు గారెలు పెట్టి వాటిని జనపనార తాడుతో నాలుగు వైపులా వెదురుకర్రలు జతచేసి కట్టేస్తారు. దీన్ని పుల్లారా అనీ అంటారు ఆదివాసీలు

గొంగడిలో కట్టేసిన తర్వాత డోలు వాయిస్తూ అందరూ ఓచోటుకి చేరుతారు. పటేల్ ఇంటి నుంచి నైవేద్యం తీసుకొచ్చి గ్రామ శివారుకు వెళ్లి పూజ చేస్తారు. అక్కడ రెండు గుంతలు తవ్వి అందులో రెండు గుడ్లు వేస్తారు. అక్కడే కర్రలు నిలబెడతారు

వెదురుకర్రలకు పుల్లారాను కట్టి..అనంతరం గడ్డి, కర్రలు వేసి కామదహన వేడుకలు నిర్వహిస్తారు. మంట మండుతుండగా రెండుసార్లు అట్నుంటి ఇటు ఇట్నుంచి అటు మంటల్లోకి దూకుతారు. ఇలా చేస్తే కీడు పోతుందని నమ్మకం

వెదురుకర్రలు కాలిపోయిన తర్వాత కిందపడుతుండగా వాటికి ఉన్న పుల్లారాను కిందపడకుండా పట్టుకుంటారు. అది భూమ్మీద పడకూడదు అనేది వారి సెంటిమెంట్. ఆ తర్వాత నైవేద్యాలు సమర్పించి ప్రసాదం పంచిపెడతారు

ఒకప్పుడు సహజసిద్ధమైన రంగుల తయారీకి మోదుగ పూలను ఉపయోగించేవారు..ఆదివాసీలు ఇప్పటికీ అదే ఫాలో అవుతున్నారు

కామదహనం తర్వాత ప్రత్యేక పూజలు నిర్వహిస్తారు

పూజ, నైవేద్యం, ప్రసాదాలు అయ్యాక.. గ్రామ పటేల్ తయారు చేసిన వంటకాలను అందరూ కలసి సహపంక్తి భోజనాలు చేస్తారు. రాత్రంతా అక్కడే ఉండి ఉదయం వరకూ జాగరణ చేస్తారు