SLBC Tunnel Rescue Operation: ఎస్ఎల్‌బీసీ టన్నెల్ రెస్క్యూ ఆపరేషన్, అవసరమైతే రోబోలు వాడాలని సీఎం రేవంత్ రెడ్డి ఆదేశాలు

Revanth Reddy Visits SLBC Tunnel | ఎస్‌ఎల్‌బీసీ టన్నెల్ రెస్క్యూ ఆపరేషన్ లో అవసరమైతే రోబోలు వాడాలని అధికారులను తెలంగాణ సీఎం రేవంత్ రెడ్డి ఆదేశించారు. ఆదివారం ఆయన టన్నెల్ వద్దకు వెళ్లి పరిశీలించారు.

ఎస్ఎల్‌బీసీ టన్నెల్ ఆపరేషన్, అవసరమైతే రోబోలు వాడాలని సీఎం రేవంత్ రెడ్డి ఆదేశాలు

శ్రీశైలం లెఫ్ట్ బ్యాంక్ కెనాల్ (SLBC Tunnel) టన్నెల్ వద్ద రెస్క్యూ ఆపరేషన్ 10వ రోజుకు చేరింది. అయినా లోపల చిక్కుకున్న 8 మంది ఆచూకీ కనిపించడం లేదు. గ్రౌండ్ పెనేట్రేటెడ్ రాడార్ (GPR) పరికరంతో టన్నెల్ లో గుర్తించిన మార్కింగ్ ప్రాంతాల్లో తవ్వకాలు కొనసాగుతున్నాయి.

తెలంగాణ సీఎం రేవంత్ రెడ్డి ఆదివారం సాయంత్రం నాగర్ కర్నూలు జిల్లాలోని దోమలపెంటకు వెళ్లి ఎస్‌ఎల్‌బీసీ టన్నెల్ (SLBC Tunnel) వద్దకు వెళ్లి పరిశీలించారు. రెస్క్యూ ఆపరేషన్ వివరాలు అడిగి తెలుసుకున్నారు. లోపల చిక్కుకున్న వారిని గుర్తించేందుకు ఎందుకంత టైమ్ పడుతుందో సీఎం రేవంత్ రెడ్డికి అధికారులు, రెస్క్యూ టీమ్ తెలిపింది.