Deputy CM Pawan Kalyan on YSRCP: వైసీపీపై అసెంబ్లీలో పంచులు విసిరిన పవన్ కళ్యాణ్

Deputy CM Pawan Kalyan on YSRCP:  ఏపీ అసెంబ్లీలో ఉపముఖ్యమంత్రి పవన్ కళ్యాణ్ తొలిసారి ప్రసంగించారు. ఏపీ అసెంబ్లీ స్పీకర్ గా ఎన్నికైన చింతకాయల అయ్యన్నపాత్రుడికి శుభాకాంక్షలు తెలిపిన పవన్ కళ్యాణ్...ఆ సమయంలో సభలో లో లేని వైసీపీ ఎమ్మెల్యేలపైనా, మాజీ ముఖ్యమంత్రి వైఎస్ జగన్ పైనా పంచులు విసిరారు.

గత ప్రభుత్వంలో వ్యక్తిగత దూషణలు చాలా ఇబ్బంది పెట్టాయని పవన్ తెలిపారు. భాష మనసులను కలపడానికి ఉండాలే తప్ప విడగొట్టడానికి కాదని అభిప్రాయపడ్డారు. భాష విద్వేషం రేపడానికి కాదని గుర్తు చేశారు. సమస్యలు పరిష్కరించడానికి అని అన్నారు. ఎంత జఠిల సమస్య అయినా చర్చల ద్వారా పరిష్కరించుకోవచ్చని వివరించారు. 

గత ప్రభుత్వం వ్యక్తిగత దూషణలతో రాష్ట్ర పురోభివృద్ధిని ఆపేసిందని అన్నారు పవన్. ఇకపై సభలో వేసే ప్రతి అడుగు భవిష్యత్తు తరతరాలకు ఆదర్శంగా నిలవాలని అందుకే స్పీకర్ కీలక పాత్ర పోషించాలని అభిప్రాయపడ్డారు. సుదీర్ఘ రాజకీయ అనుభవం ఉన్న వ్యక్తి స్పీకర్‌గా రావడం సంతోషంగా ఉందన్నారు పవన్ కల్యాణ్‌. ఓటమిని ధైర్యంగా స్వీకరించే దమ్ము వైసీపీకి లేదన్నారు.