Alekhya Chitti Pickles: పిచ్చిమొహం... నీది దరిద్రం... మహిళలనూ తిట్టిన అలేఖ్య చిట్టి పికిల్స్ లేడీ - కొత్త ఆడియో క్లిప్ లీక్

Alekhya Chitti Pickles New Audio Leaked: అలేఖ్య చిట్టి పికిల్స్ బూతు పురాణానికి మహిళలు కూడా బలి అయ్యారు. తాజాగా మరో ఆడియో లీక్ అయ్యింది. అది ఏమిటనేది చూడండి.

పిచ్చిమొహం... నీది దరిద్రం... మహిళలనూ తిట్టిన అలేఖ్య చిట్టి పికిల్స్ లేడీ

Source : https://www.instagram.com/alekhyaachitti/

అలేఖ్య చిట్టి పికిల్స్ (Alekhya Chitti Pickles) లేడీ తిట్టిన బూతులను సోషల్ మీడియా ఇంకా మర్చిపోలేదు. పచ్చళ్ళు రేటు ఎక్కువ ఉన్నాయని అడిగినందుకు అలా బూతులు తిట్టాల్సిన అవసరం ఏముందని నెటిజనులు ప్రశ్నిస్తున్నారు. మీమర్స్, ట్రోలర్స్ సంగతి చెప్పాల్సిన అవసరం లేదు.‌.‌. సిస్టర్స్ ముగ్గురిని టార్గెట్ చేస్తూ రెచ్చిపోతున్నారు. ఆల్రెడీ విడుదలైన బూతు పురాణం మరువక ముందు మరొక ఆడియో లీక్ అయ్యింది.

మహిళలనూ వదలకుండా తిట్టిన అలేఖ్య!
Alekhya Chitti Pickles Controversy: అలేఖ్య చిట్టి పికిల్స్ లేడీ పురుషుల మీద మాత్రమే బూతు పురాణం, తిట్ల దండకం అందుకుందని భావిస్తే పప్పులో కాలేసినట్టే. మహిళలు అని కూడా చూడకుండా అందరి పట్ల ఒకే విధంగా వ్యవహరించాలని తాజాగా లీక్ అయిన ఆడియో వింటే అర్థం అవుతుంది. 

అలేఖ్య చిట్టి పికిల్స్ రేట్లు ఎక్కువ అని ప్రశ్నించినందుకు ఒక మహిళ మీద సాటి మహిళ అని కూడా చూడకుండా... ''ఒసేయ్ పిచ్చి మొహం దానా! ఈ తక్కువ రేట్లను కూడా నువ్వు భరించలేనని, ఎక్కువ రేటు అని అంటున్నావంటే... నీ దరిద్రం ఏ స్థాయిలో ఉందో నేను అర్థం చేసుకోగలను. నా మాట విని నాలుగు ఇళ్లు చూసుకుని పాచి పని చేసుకుని బతుకు'' అని తక్కువ చేసి మాట్లాడారు. తాజాగా ఈ ఆడియో లీక్ అయ్యింది. కాదు కాదు... అలేఖ్య చిట్టి పికిల్స్ రేటు ఎక్కువ అని గతంలో మెసేజ్ పెట్టిన కొందరికి వాళ్లు పంపించిన తిట్ల దండకాలు అన్ని తాజాగా బయటకు వస్తున్నాయి.

#alekhyachittipickles
New audio exposed

Mari intha darunanga unnadhi entra babu ee musti chitti pickles vallu pic.twitter.com/6bTuSrK7Of

— VISWANATH REDDY (@alwaysviswaa) April 3, 2025

అలేఖ్య చిట్టి పికిల్స్ బాధితులు అందరూ ఒక్కొక్కరుగా తమ దగ్గర ఉన్న ఆడియోలను సోషల్ మీడియాలో విడుదల చేస్తున్నారు. తన చెల్లి తిడితే తనను ఎందుకు టార్గెట్ చేస్తున్నారని, తన ఫోటో ఎందుకు వాడుతున్నారని నెటిజనులు,‌‌‌‌ మరీ ముఖ్యంగా విమర్శలు చేస్తున్నవారు అందరినీ ప్రశ్నిస్తూ సుమ కంచర్ల ఒక సుదీర్ఘమైన వీడియో విడుదల చేశారు. ఆడియో లీక్ తర్వాత చెల్లెలు డిప్రెషన్‌లోకి వెళ్లారని పేర్కొన్నారు.

చెల్లి చేసినది తప్పు అని సుమ కంచర్ల ఎక్కడ చెప్పలేదు. ఏ పరిస్థితుల్లో ఆవిడ ఆ విధంగా చెప్పాల్సి వచ్చిందో అని అర్థం వచ్చేలా సుమ కంచర్ల మాట్లాడారు. ఒకరిని తిట్టారు కనుక తమన తిట్టడం కరెక్టేనా? అప్పుడు తేడా ఏముంటుంది? అంటూ ఆవిడ ప్రశ్నించారు. అయితే... అలేఖ్య చిట్టి పికిల్స్ లేడీ ప్రవర్తన ముందు నుంచి వివాదాస్పదమని, బాధితుల సంఖ్య రోజు రోజుకీ పెరుగుతూ వచ్చిందని, ఇప్పుడు ఒక్కసారిగా విపరీతమైన విద్వేషం వాళ్లపై వచ్చిందని సోషల్ మీడియాను నిశితంగా గమనించే కొందరు చెబుతున్నారు. సోషల్ మీడియాలో తమ పట్ల అనుచిత వ్యాఖ్యలు చేసిన కొందరిపై అలేఖ్య బూతులు తిట్టిన సందర్భాలు ఉన్నప్పటికీ... కామెంట్స్ చేసిన వ్యక్తులది తప్పు కావడంతో వాళ్లకు మద్దతు లభించింది. కేవలం రేటు ఎక్కువ అని అడిగినందుకు కస్టమర్లను బూతులు తిట్టడం వల్ల ఇప్పుడు వాళ్ళ పట్ల వ్యతిరేకత వచ్చింది.