Irumudi Censor Review: 'ఇరుముడి' సెన్సార్ రివ్యూ... రవితేజ సినిమా రిపోర్ట్ ఎలా ఉందంటే?

Ravi Teja Irumudi Censor Report: మాస్ మహారాజా రవితేజ హీరోగా దర్శకుడు శివ నిర్వాణ తెరకెక్కించిన 'ఇరుముడి' సెన్సార్ పూర్తి అయ్యింది. ఈ సినిమా రిపోర్ట్ ఎలా ఉందో తెలుసుకోండి.

రవితేజ 'ఇరుముడి' సెన్సార్ రిపోర్ట్... ఫాదర్ - డాటర్ సెంటిమెంట్‌తో మాస్ మహారాజాకు హిట్

Source : https://www.instagram.com/p/DcK61cZSuIE/

Show Quick Read

Key points generated by AI, verified by newsroom

• ఇరుముడి'కు U/A లభించింది; కుటుంబ కథా చిత్రంగా తెరకెక్కింది.
• కుమార్తె కోసం తండ్రి ఆరాటం, రవితేజ నటన ప్రధాన ఆకర్షణ.
• రవితేజ దీక్ష, గ్రామీణ నేపథ్యం; ఆగస్టు 21న సినిమా విడుదల.

మాస్ మహారాజా రవితేజ (Ravi Teja) కథానాయకుడిగా నటించిన యాక్షన్ అండ్ డివోషనల్ ఫిల్మ్ 'ఇరుముడి' (Irumudi Movie). ఆల్రెడీ విడుదలైన ట్రైలర్ గానీ, పాటలు గానీ ప్రేక్షకుల్ని ఆకట్టుకున్నాయి. రవితేజ నుంచి ఓ డిఫరెంట్ సినిమా, కంటెంట్ బేస్డ్ ఫిల్మ్ వస్తోందని అర్థమైంది. ఈ సినిమా సెన్సార్ కార్యక్రమాలు పూర్తి అయ్యాయి. 'ఇరుముడి'కి సెన్సార్ బోర్డు 'U/A' సర్టిఫికేట్‌ ఇచ్చింది. మరి సెన్సార్ రిపోర్ట్ ఎలా ఉంది? అనేది చూస్తే...

పక్కా ఫ్యామిలీ డ్రామా... ఎమోషన్స్ హైలైట్
'ఇరుముడి' రన్‌ టైమ్ విషయానికి వస్తే... రెండు గంటల 25 నిమిషాలు. పక్కా ఫ్యామిలీ డ్రామాగా తెరకెక్కిన సినిమా అని, రన్ టైమ్ తక్కువ కావడంతో చకచకా సాగుతుందని తెలిసింది.

'ఇరుముడి' కథ విషయానికి వస్తే... ఫ్యామిలీ డ్రామాలో ఎమోషన్స్ హైలైట్ అవుతాయని ఫస్ట్ సెన్సార్ రిపోర్ట్. మధ్యతరగతి తండ్రిగా, తన కుటుంబం కోసం, మరీ ముఖ్యంగా కుమార్తె కోసం ఎంత దూరమైనా వెళ్ళడానికి సిద్ధపడే వ్యక్తిగా రవితేజ నటన అందరికీ నచ్చుతుందట. ఆయన కుమార్తెగా బేబీ నక్షత్ర నటించారు. సినిమాలో ఇద్దరి మధ్య బాండింగ్, వాళ్ళిద్దరి సన్నివేశాలు హైలైట్ అవుతాయని 'ఇరుముడి' చూసిన వాళ్ళు చెబుతున్నారు. సినిమాకు ఫాదర్ అండ్ డాటర్ సెంటిమెంట్, సీన్స్ బ్యాక్‌బోన్‌గా నిలుస్తాయట.

'ఇరుముడి'లో తాగుడుకు అలవాటైన వ్యక్తిగా, ఆ వ్యసనం నుంచి బయట పడటానికి ప్రయత్నించే క్రమంలో అయ్యప్ప దీక్ష తీసుకుంటారు రవితేజ. మాల ధరించిన తర్వాత అతని వ్యక్తిత్వంలో, జీవితంలో వచ్చే మార్పులను దర్శకుడు శివ నిర్వాణ అద్భుతంగా ఆవిష్కరించారట. గ్రామీణ నేపథ్యంలో సినిమా తీశారు. పల్లెటూరిలో మహిళలు ఎదుర్కొనే ఇబ్బందులతో పాటు వాళ్ళకు ఏ విధమైన గౌరవం ఇవ్వాలనేది కూడా చెప్పారట. 

రవితేజ, నక్షత్ర నటన - శివ నిర్వాణ దర్శకత్వానికి తోడు జీవీ ప్రకాష్ కుమార్ మ్యూజిక్ 'ఇరుముడి'కి బిగ్గెస్ట్ ప్లస్ అంటున్నారు సినిమా చూసిన సెన్సార్ సభ్యులు. 'ఇరుముడి కట్టు', 'మల్లెపూల పల్లకి..' పాటలకు థియేటర్లలో ప్రేక్షకులు భక్తి పారవశ్యంలో మునగడం ఖాయమంటున్నారు. రవితేజ ఖాతాలో హిట్ గ్యారెంటీ అని వినబడుతోంది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Mythri Movie Makers (@mythriofficial)

ఆగస్టు 21న థియేటర్లలోకి 'ఇరుముడి'
Irumudi Release Date: రవితేజ భార్యగా, ఆయన సరసన ప్రియా భవాని శంకర్ నటించిన 'ఇరుముడి'లో డైలాగ్ కింగ్ సాయి కుమార్, అజయ్ ఘోష్, స్వాసిక ఇతర కీలక తారాగణం. ఈ చిత్రాన్ని మైత్రీ మూవీ మేకర్స్ పతాకంపై నవీన్ యెర్నేని, రవిశంకర్ యలమంచిలి ప్రొడ్యూస్ చేశారు. ఆగస్టు 21వ తేదీన ప్రపంచవ్యాప్తంగా థియేటర్లలో విడుదల చేయనున్నారు. పల్లెటూరిలో కుటుంబ సభ్యుల మధ్య ఉండే అనుబంధాలకు తోడు యాక్షన్, సస్పెన్స్ మేళవించి శివ నిర్వాణ తెరకెక్కించిన ఈ సినిమా మాస్, క్లాస్ ప్రేక్షకులను అలరిస్తుందని చిత్ర బృందం ధీమా వ్యక్తం చేస్తోంది.