In Pics: పడి లేచిన కెరటం మా బాబాయ్, పిఠాపురంలో వరుణ్ తేజ్ - ఫోటోలు

Varun Tej in Pithapuram: పవన్ కల్యాణ్ అన్న నాగబాబు కుమారుడు వరుణ్ తేజ్ పిఠాపురంలో ఎన్నికల ప్రచారంలో పాల్గొన్నారు. వివిధ గ్రామాల్లో కలయతిరుగుతూ రోడ్ షో నిర్వహించారు.

వరుణ్ తేజ్

పిఠాపురంలో పవన్ కల్యాణ్ గెలుపు కోసం సినీ సెలబ్రిటీలు క్యూ కడుతున్నారు.

పిఠాపురంలో పవన్ కల్యాణ్ గెలుపునకే అత్యధిక అవకాశాలు ఉన్నాయని సర్వేలు చెబుతున్నాయి. అయినా సినీ ప్రముఖులు ఆయన కోసం రంగంలోకి దిగుతున్నారు.

తాజాగా పవన్ కల్యాణ్ అన్న నాగబాబు కుమారుడు వరుణ్ తేజ్ పిఠాపురంలో ఎన్నికల ప్రచారంలో పాల్గొన్నారు.

తన బాబాయి పవన్ కల్యాణ్ కోసం వరుణ్ తేజ్ రోడ్ షో నిర్వహించారు.

గొల్లప్రోలు మండల పరిధిలోని పలు గ్రామాల్లో వరుణ్ తేజ్ శనివారం నాడు భారీ రోడ్ షో నిర్వహించారు.

పవన్ కళ్యాణ్ పోటీ చేస్తున్న పిఠాపురాన్ని మెగా ఫ్యామిలీ మొత్తం సొంత ఊరుగా చేసుకుంటామని వరుణ్ తేజ్ తెలిపారు.

‘‘పిఠాపురం నియోజకవర్గం అభివృద్ధి కోసం పవన్ కళ్యాణ్ చాలా గొప్ప విజన్ తో వస్తున్నారు. పవన్ కళ్యాణ్ ఎమ్మెల్యేగా పిఠాపురం నియోజకవర్గం ప్రజలను స్వంత కుటుంబ సభ్యులుగా చూసుకుంటారు’’ అని వరుణ్ తేజ్ మాట్లాడారు.

తాటిపర్తిలో శ్రీ అపర్ణాదేవి అమ్మవారి ఆలయాన్ని వరుణ్ తేజ్ సందర్శించి అమ్మవారి ఆశీస్సులు తీసుకున్నారు.