‘పుష్ప 3’ అప్‌డేట్, ‘గామి’ టీజర్ - నేటి టాప్ సినీ విశేషాలివే!
ఈ రోజు 5 గంటల వరకు జరిగిన సినీ విశేషాల గురించి తెలుసుకోవాలని ఉందా? మరి ఇంకెందుకు ఆలస్యం... ఈ టాప్-5 విశేషాలు చూసేయండి.
పుష్పరాజ్ లెవెల్ ఇంటర్నేషనల్, ‘పుష్ప-3’పై అల్లు అర్జున్ సాలిడ్ అప్ డేట్
ఐకాన్ స్టార్ అల్లు అర్జున్ హీరోగా, క్రియేటివ్ డైరెక్టర్ సుకుమార్ దర్శకత్వంలో తెరకెక్కుతున్న తాజా చిత్రం ‘పుష్ప 2’. శరవేగంగా నిర్మాణ పనులు జరుపుకుంటున్న ఈ సినిమాను, త్వరలో ప్రేక్షలకుల ముందుకు తీసుకొచ్చే ప్రయత్నం చేస్తున్నారు మేకర్స్. ఎర్రచందనం స్మగ్లర్ అయిన ‘పుష్ప’, పోలీసు అధికారి షెకావత్ మధ్య గొడవ తీవ్ర స్థాయికి చేరడంతో ‘పుష్ప’ సినిమా ఎండ్ అవుతోంది. ‘పుష్ప-2’లో వీరిద్దరి మధ్య ఘర్షణ మరింత ముదురుతుంది. ‘పుష్ప- ది రూల్’ మూవీ ఆగష్టు 15న ప్రపంచవ్యాప్తంగా విడుదల కానుంది. ఈ చిత్రంలో హీరోయిన్ గా రష్మిక మందన్న నటిస్తోంది. (పూర్తి వివరాల కోసం ఇక్కడ క్లిక్ చేయండి.)
ఫస్ట్‌డే భారీ వసూళ్లతో సర్‌ప్రైజ్‌ చేసిన 'ఊరు పేరు భైరవకోన'- సందీప్ కిషన్ కెరీర్‌లోనే హయ్యస్ట్‌
సందీప్ కిషన్ హీరోగా నటించిన 'ఊరు పేరు భైరవకోన' పెయిడ్‌ ప్రీమియర్స్‌కి డీసెంట్ టాక్ రావడంతో రెస్పాన్స్ భారీగానే లభించింది. దీంతో మొదటి రోజు సందీప్ కిషన్ మూవీ ఊహించని కలెక్షన్స్‌ చేసింది. అతడి కెరీర్‌లోనే హయ్యస్ట్‌ ఒపెనింగ్‌ ఇచ్చిన మూవీగా 'ఊరు పేరు భైరవకోన' నిలిచింది. ఫస్ట్‌డే భారీ వసూళ్లు చేసి మేకర్స్‌ని సర్‌ప్రైజ్‌ చేసింది. తొలిరోజు వరల్డ్‌ వైడ్‌ ఈ సినిమా రూ. 6.03 కోట్ల గ్రాస్‌ కలెక్షన్స్‌ చేసింది. తాజాగా దీనిపై మేకర్స్ అధికారిక ప్రకటన ఇచ్చారు. తెలుగు రాష్ట్రాల్లో అత్య‌ధికంగా నైజాం ఏరియాలో కోటిన్న‌ర వరకు వసూళ్లు చేసినట్టు ట్రేడ్ వ‌ర్గాల సమాచారం. చూస్తుంటే ఈ మూవీ వీకెండ్‌లోనే బ్రేక్‌ ఈవెన్‌ చేసేలా ఉందంటున్నారు. ఫాంట‌సీ అడ్వెంచ‌ర‌స్ థ్రిల్లర్గా వచ్చిన ఈ సినిమా ఆడియన్స్‌ని బాగా ఆకట్టుకుంటుంది. (పూర్తి వివరాల కోసం ఇక్కడ క్లిక్ చేయండి.)
మృణాల్‌ను కాదని రుక్మిణి వసంత్‌‌కు ఛాన్స్ - దర్శకుడు మురుగదాస్ ఎందుకలా చేశారు?
కోలీవుడ్ స్టార్ హీరో శివ కార్తికేషన్ ప్రధాన పాత్రలో తమిళ స్టార్ డైరెక్టర్ ఏఆర్ మురగదాస్ ఓ సినిమా చేయనున్నట్లు గతంలో ప్రకటించారు. ఈ సినిమా ఎప్పుడెప్పుడు ప్రారంభం అవుతుందా? అని అభిమానులు ఎంతగానో ఎదురు చూశారు. ఎట్టకేలకు ఈ మూవీ షూటింగ్ మొదలయ్యింది. SK23 పేరుతో రూపొందుతున్న ఈ సినిమా షూటింగ్ చైన్నెలో అట్టహాసంగా ప్రారంభం అయ్యింది. సరికొత్త కథాంశంతో పూర్తి స్థాయిలో యాక్షన్ థ్రిల్లర్గా ఈ చిత్రాన్ని తెరకెక్కనున్నట్లు తెలుస్తోంది. ఈ సినిమాలో ‘సీతారామం’ బ్యూటీ మృణాల్ ఠాకూర్ హీరోయిన్ గా నటించబోతున్నట్లు చాలా రోజులుగా వార్తలు వినిపిస్తున్నాయి. ఇప్పుడు ఆమెను కాదని స‌ప్త సాగరాలు దాటి’ ఫేమ్ రుక్మిణి వసంత్‌ని ఓకే చేయడంతో అందరూ ఆశ్చర్యపోతున్నారు. ఈ విషయంపై దర్శకుడు ఏఆర్ మురుగదాస్ క్లారిటీ ఇచ్చారు. (పూర్తి వివరాల కోసం ఇక్కడ క్లిక్ చేయండి.)
‘గామి’ టీజర్ వచ్చేసింది, అఘోరాగా అంచనాలు పెంచుతున్న విశ్వక్!
యంగ్ అండ్ టాలెంటెడ్ హీరో విశ్వక్ సేన్ వరుస సినిమాలతో దూసుకుపోతున్నారు. సక్సెస్, ఫెయిల్యూర్ అనే తేడా లేకుండా నచ్చిన చిత్రాలను చేసుకుంటూ వెళ్తున్నారు. గత కొంత కాలంగా ఆయన సినిమాలన్నీ బాక్సాఫీస్ దగ్గర మంచి విజయాన్ని అందుకుంటున్నాయి. క్లాస్, మాస్ అనే తేడా లేకుండా క్యారెక్టర్ ఏదైనా అదుర్స్ అనిపిస్తున్నారు. మాస్ కా దాస్‌గా తనకంటూ స్పెషల్‌ ఇమేజ్‌ క్రియేట్‌ చేసుకున్న విశ్వక్ ఈసారి 'గామి' అంటూ సరికొత్త జానర్‌ మూవీతో వస్తున్నాడు. కొద్ది రోజుల క్రితమే ఈ మూవీకి సంబంధించి విశ్వక్ ఫస్ట్‌ లుక్‌ రిలీజ్‌ కావడంతో ఓ రేంజిలో క్యూరియాసిటీ పెరిగింది. విశ్వక్ సేన్ లుక్‌కి పాజిటివ్‌ రెస్పాన్స్ వచ్చింది. తాజాగా ఈ సినిమాకు సంబంధించిన టీజర్ ను విడుదల చేశారు. (పూర్తి వివరాల కోసం ఇక్కడ క్లిక్ చేయండి.)
రజనీకాంత్‌తో 'పేట' చేసి చాలా గిల్టీగా ఫీల‌య్యా: న‌వాజుద్దీన్ సిద్దిఖీ
బాలీవుడ్ టాప్ న‌టుల్లో ఒక‌రు న‌వాజుద్దీన్ సిద్దిఖీ. త‌న‌దైన పాత్ర‌ల్లో న‌టిస్తూ ఎంతోమంది అభిమానుల‌ను సంపాదించుకున్నారు ఆయన. ఈ మ‌ధ్యే వెంక‌టేశ్ నటించిన 'సైంధ‌వ' సినిమాతో టాలీవుడ్ లోకి ఎంట్రీ ఇచ్చిన ఆయన.. ర‌జ‌నీకాంత్ సినిమా 'పేట'తో తమిళ ఇండ‌స్ట్రీలోకి ఎంట్రీ ఇచ్చారు. ఇక ఇప్పుడు ఆయన 'పేట' సినిమాలో న‌టించ‌డంపై సంచ‌ల‌న కామెంట్స్ చేశారు. ఈ సినిమాలో పెద్ద హీరో అయిన ర‌జ‌నీకాంత్ తో న‌టించ‌డం ఆనంద‌మే. కానీ.. ఆ సినిమాలో చేసినందుకు చాలా గిల్టీగా ఫీల్ అయ్యాన‌ని అన్నారు. ఇటీవ‌ల ఇచ్చిన ఒక ఇంట‌ర్వ్యూలో ప‌లు విష‌యాలు పంచుకున్నారు న‌వాజుద్దీన్. (పూర్తి వివరాల కోసం ఇక్కడ క్లిక్ చేయండి.)
టాప్ హెడ్ లైన్స్
ట్రెండింగ్ వార్తలు
