Allu Arjun: పుష్పరాజ్ లెవెల్ ఇంటర్నేషనల్, ‘పుష్ప-3’పై అల్లు అర్జున్ సాలిడ్ అప్ డేట్
‘పుష్ప’ తో పోల్చితే ‘పుష్ప 2’ మరింత అద్భుతంగా ఉండబోతుందని అల్లు అర్జున్ వెల్లడించారు. తొలి భాగంలో పుష్పరాజ్ ప్రాంతీయ స్థాయిలో కనిపిస్తే, ఈ సినిమాలో ఆయన రేంజిలో ఇంటర్నేషనల్ లెవల్ లో ఉంటుందన్నారు.
Allu Arjun On Pushpa 3: ఐకాన్ స్టార్ అల్లు అర్జున్ హీరోగా, క్రియేటివ్ డైరెక్టర్ సుకుమార్ దర్శకత్వంలో తెరకెక్కుతున్న తాజా చిత్రం ‘పుష్ప 2’. శరవేగంగా నిర్మాణ పనులు జరుపుకుంటున్న ఈ సినిమాను, త్వరలో ప్రేక్షలకుల ముందుకు తీసుకొచ్చే ప్రయత్నం చేస్తున్నారు మేకర్స్. ఎర్రచందనం స్మగ్లర్ అయిన ‘పుష్ప’, పోలీసు అధికారి షెకావత్ మధ్య గొడవ తీవ్ర స్థాయికి చేరడంతో ‘పుష్ప’ సినిమా ఎండ్ అవుతోంది. ‘పుష్ప-2’లో వీరిద్దరి మధ్య ఘర్షణ మరింత ముదురుతుంది. ‘పుష్ప- ది రూల్’ మూవీ ఆగష్టు 15న ప్రపంచవ్యాప్తంగా విడుదల కానుంది. ఈ చిత్రంలో హీరోయిన్ గా రష్మిక మందన్న నటిస్తోంది.
‘పుష్ప 2’లో మరింత పవర్ ఫుల్ రోల్- అల్లు అర్జున్
తాజాగా ‘పుష్ప 2’ సినిమా గురించి అల్లు అర్జున్ కీలక విషయాలు వెల్లడించారు. ప్రస్తుతం ఆయన 74వ బెర్లిన్ ఇంటర్నేషనల్ ఫిల్మ్ ఫెస్టివల్ లో పాల్గొన్నన ఆయన.. ఈ వేడుకలో ‘పుష్ప’ సినిమాను పదర్శించనున్నట్లు తెలిపారు. విదేశీ ప్రేక్షకులు ‘పుష్ప’ సినిమాను ఎలా రిసీవ్ చేసుకుంటారో చూడాలని ఉందన్నారు. భారతీయ సినిమాను వాళ్లు ఏ కోణంలో చూస్తారో తెలుసుకోవాలనే ఉద్దేశంతోనే ఫిలిం ఫెస్టివల్ కు వచ్చినట్లు వివరించారు. ఈ సందర్భంగా ఓ హాలీవుడ్ వెబ్సైట్తో మాట్లాడుతూ పలు ఆసక్తికర విషయాలు చెప్పారు. ‘పుష్ప’ సినిమాతో పోల్చితే ‘పుష్ప 2’లో తన షేడ్స్ చాలా భిన్నంగా ఉంటాయని చెప్పారు. ఈ సినిమాలో తన పాత్ర మరింత పవర్ ఫుల్ గా ఉండబోతున్నట్లు తెలిపారు. పుష్పరాజ్ స్కేల్, క్యారెక్టరైజేషన్, కాన్వాస్, ప్రెజెంటేషన్ పెద్ద రేంజిలో ఉంటుందన్నారు. ‘పుష్ప’ సినిమాలో పుష్పరాజ్ ప్రాంతీయ స్థాయిలో తన కార్యకలాపాలు కొనసాగిస్తే, పార్ట్ 2 లో జాతీయ, అంతర్జాతీయ స్థాయిలో తన ఉండబోతున్నట్లు తెలిపారు. ఈ సినిమాలో పుష్పరాజ్, భన్వర్ సింగ్ షెకావత్ గొడవ తీవ్రస్థాయికి వెళ్లనున్నట్లు చెప్పారు.
‘పుష్ప 3’పై సాలిడ్ అప్ డేట్
అటు ‘పుష్ప3’ అల్లు అర్జున్ సాలిడ్ అప్ డేట్ ఇచ్చారు. ఈ సినిమాను ప్రాంచైజీగా చేయాలని చూస్తున్నట్లు తెలిపారు. "పుష్ప 3ని కచ్చితంగా ఆశించవచ్చు. ఎందుకంటే, మేం ‘పుష్ప’ను ఓ ఫ్రాంచైజీగా మార్చాలనుకుంటున్నాం. సీక్వెల్స్ కోసం మా దగ్గర చక్కటి ఆలోచనలున్నాయి. ‘పుష్ప3’ ఆశించడంలో ఏమాత్రం సందేహం అవసరం లేదు” అని చెప్పుకొచ్చారు. దీంతో ఆయన అభిమానులు ఫుల్ ఖుషీ అవుతున్నారు. అల్లు అర్జున్, సుకుమార్ కాంబోలో మరిన్ని పాన్ ఇండియన్ సినిమాలు వస్తాయని సంతోషం వ్యక్తం చేస్తున్నారు.
ఆగష్టు 15న ‘పుష్ప 2’ విడుదల
‘పుష్ప 2’ సినిమాలో రష్మికా మందన్న హీరోయిన్ గా నటిస్తుండగా ఫాహద్ ఫాజిల్ పోలీసు అధికారి పాత్రలో కనిపించనున్నారు. అనసూయ కీలక పాత్రలో కనిపించబోతోంది. నవీన్ ఎర్నేని, వై. రవిశంకర్లు నిర్మిస్తున్న ‘పుష్ప 2’ మూవీ స్వాతంత్ర్యదినోత్సవం సందర్భంగా ఆగస్టు 15న విడుదల కానుంది. ఈ సినిమా కోసం ప్రేక్షకులు ఎంతో ఆసక్తిగా ఎదురుచూస్తున్నారు. అటు అల్లు అర్జున్ త్రివిక్రమ్తో పాటు సందీప్ రెడ్డి వంగాతో సినిమాలు చేసేందుకు ఓకే చెప్పారు. బోయపాటి శ్రీనుతో కూడా ఒక ప్రాజెక్ట్ చేయనున్నారని టాక్ వినిపిస్తోంది.
Read Also: ‘గామి’ టీజర్ వచ్చేసింది, అఘోరాగా అంచనాలు పెంచుతున్న విశ్వక్!
Before You Go
Gundenininda Gudigantalu Serial August 11 | మనోజ్కు శీలా డార్లింగ్ వార్నింగ్
టాప్ హెడ్ లైన్స్
ట్రెండింగ్ వార్తలు
