Nara Rohith Wedding: ప్రేమలో పడిన సంగతి నారా రోహిత్ ముందు ఎవరికి చెప్పారో తెలుసా? పెళ్లి ఎప్పుడంటే?

Nara Rohith Wedding Date: నారా రోహిత్, శిరీషా నిశ్చితార్థం ఆదివారం జరిగింది. మరి, పెళ్లి ఎప్పుడు చేసుకోబుతున్నారు? వీరి పెళ్లికి పెద్ద ఎవరు? అసలు ఈ ప్రేమ విషయం ముందుగా ఇంట్లో ఎవరికి చెప్పారో తెలుసా?

నిశ్చితార్థ వేడుకలో కాబోయే దంపతులు రోహిత్, శిరీషతో చంద్రబాబు, భువనేశ్వరి దంపతులు

Source : ABPLIVE AI

నారా రోహిత్ (Nara Rohith) ప్రేమ విషయం చాలా మందికి సర్‌ప్రైజ్ అని చెప్పాలి.‌‌ ప్రస్తుత ఏపీ ముఖ్యమంత్రి నారా చంద్రబాబు నాయుడు ఇంట ప్రేమ వివాహం జరుగుతుందని, ఆయన సోదరుని కుమారుడు ఓ అమ్మాయితో ప్రేమలో పడతారని ఎవరు ఊహించలేదు. 'ప్రతినిధి 2' సినిమాలో తనతో నటించిన సిరి అలియాస్ శిరీషతో నారా రోహిత్ ఏడు అడుగులు వేయడానికి ఆదివారం మొదటి అడుగు వేశారు. ఆమెతో నిశ్చితార్థం చేసుకున్నారు. ప్రేమలో పడిన తర్వాత ఆయన ఈ విషయం ముందుగా ఎవరితో చెప్పారో తెలుసా? 

పెద్దమ్మతో ప్రేమ విషయం చెప్పిన రోహిత్...
సంబంధం మాట్లాడిన చంద్రబాబు భార్య భువనేశ్వరి!
క్రమశిక్షణకు మారుపేరుగా నారా చంద్రబాబు నాయుడును ఆయన సన్నిహితులు, కుటుంబ సభ్యులు చెబుతూ ఉంటారు. ప్రతి విషయంలో పర్ఫెక్షన్ కోసం ఆయన పరితపిస్తారు. ఒకవైపు ముఖ్యమంత్రిగా బాధ్యతలు, మరోవైపు పార్టీ కార్యకలాపాలతో ఆయన ఎప్పుడూ బిజీ. నారా లోకేష్ సైతం మంత్రిగా బిజీ బిజీగా ఉంటున్నారు. ఎన్నికలకు ముందు తర్వాత ఏపీ ప్రజలతో మమేకమై తిరుగుతున్నారు. పెదనాన్న, అన్నయ్య ఎంత బిజీ అనేది నారా రోహిత్ కు బాగా తెలుసు. అందుకే తన ప్రేమ విషయాన్ని‌ పెద్దమ్మ భువనేశ్వరితో ఆయన పంచుకున్నారని సమాచారం.

అబ్బాయి రోహిత్ ప్రేమ విషయం తెలిసిన తర్వాత... భువనేశ్వరి పెళ్లి పెద్దగా మారారని నారా, నందమూరి కుటుంబ సన్నిహితులు చెబుతున్నారు. శిరీష కుటుంబ సభ్యులతో ఆవిడ స్వయంగా మాట్లాడి ఈ సంబంధం కుదిర్చారట. చంద్రబాబు, భువనేశ్వరి ఆశీస్సులతో ఆదివారం నోవాటెల్ హోటల్ లో కుటుంబ సభ్యులు, అతికొద్ది మంది బంధుమిత్రుల సమక్షంలో వైభవంగా నిశ్చితార్థ వేడుక జరిగింది. మరి, పెళ్లి ఎప్పుడో తెలుసా?

నారా రోహిత్, శిరీష ఏడు అడుగులు వేసేది ఎప్పుడు?
నిశ్చితార్థం అంటే సగం పెళ్లి అయినట్టే. మరి, అసలు వివాహ వేడుక ఎప్పుడు? శిరీషతో కలిసి నారా రోహిత్ ఏడు అడుగులు వేసేది ఎప్పుడు? అంటే... ఈ ఏడాది ఆఖరిలో అని తెలుస్తోంది. డిసెంబర్ నెలలో పెళ్లి ముహూర్తాలు చూస్తున్నారని సమాచారం.‌ రాజకీయ, సినిమా వర్గాలలో నారా కుటుంబ పలుకుబడి తెలిసిందే. వివాహానికి పలువురు ప్రముఖులను ఆహ్వానించాల్సి ఉంటుంది. అందరికీ ఆహ్వానాలు అందించడానికి నెలన్నరకు పైగా సమయం పడుతుంది.

సిరి లేళ్లగా తెలుగు ప్రేక్షకులకు పరిచయమైన 'ప్రతినిధి 2' కథానాయిక అసలు పేరు శిరీష. ఏపీలో ఆయన తండ్రి పారిశ్రామికవేత్త అని తెలుస్తోంది. హైదరాబాద్ సిటీలో బ్యాచిలర్ డిగ్రీ పూర్తి చేసిన తర్వాత ఉన్నత చదువుల కోసం ఆస్ట్రేలియా అక్కడ మాస్టర్స్ పూర్తి చేశాక ఇండియా తిరిగొచ్చారు. నటన మీద ఆసక్తితో 'ప్రతినిధి 2' చేశారు. ఆ సినిమా చిత్రీకరణ సమయంలో నారా రోహిత్, శిరీష ప్రేమలో పడ్డారు. త్వరలో వివాహ బంధంలో అడుగు పెట్టడానికి రెడీ అవుతున్నారు.