Allu Arjun: అల్లు అర్జున్ పేరు మారుతుందా? న్యూమరాలజీని నమ్ముకుంటున్న ఐకాన్ స్టార్... కారణం ఇదేనా?
Allu Arjun : 'పుష్ప 2' మూవీతో భారీ సక్సెస్ ను తన ఖాతాలో వేసుకున్న అల్లు అర్జున్ త్వరలోనే తన పేరు మార్చుకోబోతున్నారు అనే వార్త చక్కర్లు కొడుతోంది. న్యూమరాలజీ ప్రకారం అల్లు అర్జున్ కొత్త పేరు ఏంటంటే?
ఐకాన్ స్టార్ అల్లు అర్జున్ 'పుష్ప 2' సినిమాతో తన కెరీర్ లోనే బిగ్గెస్ట్ సక్సెస్ ని అందుకున్నారు. ఈ మూవీతో నటుడిగా ఆయన ఎంతోమంది హృదయాలను గెలుచుకోవడమే కాకుండా లెక్కలేనన్ని రికార్డులను బద్దలు కొట్టారు. సుకుమార్ దర్శకత్వం వహించిన ఈ సినిమా నెక్స్ట్ రానున్న బడా సినిమాలకు ఒక బిగ్ టార్గెట్ ని ఛాలెంజ్ గా ఇచ్చింది. ప్రస్తుతం అల్లు అర్జున్ చేయబోయే నెక్స్ట్ మూవీ అప్డేట్ ఎప్పుడు అన్న విషయంపై జోరుగా చర్చ నడుస్తుంది. ఈ నేపథ్యంలోనే తాజాగా బన్నీ న్యూమరాలజీ ప్రకారం తన పేరును మార్చుకోబోతున్నారన్న వార్త సినీ వర్గాల్లో చక్కర్లు కొడుతుంది.
అల్లు అర్జున్ కొత్త పేరు ఇదే
ప్రస్తుతం ఇండస్ట్రీలో నడుస్తున్న చర్చ ప్రకారం అల్లు అర్జున్ తన పేరును మార్చుకునే ఆలోచనలో ఉన్నాడని సమాచారం. అయితే బన్నీ తన పేరును మార్చుకోవడానికి న్యూమరాలజీని నమ్ముకుంటున్నారని తెలుస్తోంది. న్యూమరాలజీ సూచనల ప్రకారం తన పేరులోని ప్రస్తుత స్పెల్లింగ్ లో రెండు U లు, రెండు N లను యాడ్ చేయాలని ఆలోచిస్తున్నట్టు తెలుస్తోంది. అదే నిజమైతే అల్లు అర్జున్ కొత్త పేరు Alluu Arjunn కొత్త పేరు అవుతుంది. అయితే ఈ విషయంపై ఇంకా క్లారిటీ రాలేదు.
నిజానికి అల్లు అర్జున్ 'పుష్ప 2' వివాదంలో చిక్కుకున్నప్పటి నుంచి ఆయన తన పేరును మార్చుకోబోతున్నారనే రూమర్లు నెట్టింట జోరుగా వినిపిస్తున్నాయి. సంధ్య థియేటర్ తొక్కిసలాట వివాదంలో అల్లు అర్జున్ 'పుష్ప 2' సక్సెస్ ని కూడా ఎంజాయ్ చేయలేకపోయారు. టాలీవుడ్ గర్వపడే రేంజ్ లో 'పుష్ప 2' ఆడినప్పటికీ, ఈ వివాదం కారణంగా అల్లు అర్జున్ ఆ సక్సెస్ ని ఎంజాయ్ చేయలేకపోయారు. అందుకే ఆయన జాతకం ప్రకారం తన పేరును మార్చుకోబోతున్నారని రూమర్లు స్ప్రెడ్ అయ్యాయి. తాజా సమాచారం ప్రకారం ఆయన తన పేరును న్యూమరాలజీ ప్రకారం మార్చుకున్నాడని అంటున్నారు. మరి ఈ వార్తల్లో ఎంతవరకు నిజముందో తెలియాలంటే బన్నీ నుంచి అఫీషియల్ అనౌన్స్మెంట్ వచ్చేదాకా వెయిట్ అండ్ సీ.
అల్లు అర్జున్ బర్త్ డే రోజు నెక్స్ట్ మూవీ అప్డేట్
ఇదిలా ఉండగా ప్రస్తుతం అల్లు అర్జున్ రెండు బడా ప్రాజెక్టును లైన్ లో పెట్టారు. అందులో తమిళ దర్శకుడు అట్లీ దర్శకత్వంలో ఓ పాన్ ఇండియా సినిమాను చేయబోతున్నాడు. ప్రస్తుతం ఈ మూవీకి 'AA 22' అనే వర్కింగ్ టైటిల్ ని పెట్టారు. ఏప్రిల్ 8న అల్లు అర్జున్ పుట్టినరోజు సందర్భంగా ఈ మూవీపై అఫీషియల్ అనౌన్స్మెంట్ వచ్చే అవకాశం ఉంది. ఇక ఈ మూవీ కోసం బన్నీ ఏకంగా రూ. 170 కోట్ల భారీ రెమ్యూనరేషన్ తీసుకుంటున్నారని టాక్ నడుస్తోంది. ఈ మూవీ తర్వాత త్రివిక్రమ్ శ్రీనివాస్ దర్శకత్వంలో అల్లు అర్జున్ మరో పౌరాణిక సినిమాలో నటించబోతున్నారు. ఇందులో ఆయన కార్తికేయుడు పాత్రను పోషించబోతున్నారని అంటున్నారు. ఈ రెండు సినిమాల తర్వాత 'పుష్ప' ఫ్రాంచైజీలో సుకుమార్ డైరక్షన్ లో మూడో భాగాన్ని అల్లు అర్జున్ పట్టాలెక్కించే ఛాన్స్ ఉంది.
Before You Go
Dharmendra Receives Padma Vibhushan Award | ధర్మేంద్రకు పద్మవిభూషణ్ అవార్డు
టాప్ హెడ్ లైన్స్
ట్రెండింగ్ వార్తలు
