Hari Hara Veera Mallu: పవన్ ఫ్యాన్స్‌కు ఆ 5 నిమిషాలూ పూనకాలే... వీరమల్లులోని 'కొల్లగొట్టినాదిరో' సాంగ్‌లో ఇన్ని హైలెట్స్‌ ఉన్నాయా?

Hari Hara Veeramallu : 'హరిహర వీరమల్లు' సినిమాలోని 'కొల్లగొట్టినాదిరో' సాంగ్ ఓ సూపర్ హిట్ సాంగ్ ను పోలి ఉంటుందని, మెగా ఫ్యాన్స్ కు ఫీస్ట్ కాబోతోందని ప్రచారం జరుగుతోంది.

హరిహర వీరమల్లు

Source : twitter

పవర్ స్టార్ పవన్ కళ్యాణ్ హీరోగా నటిస్తున్న పాన్ ఇండియా మూవీ 'హరిహర వీరమల్లు'. ప్రస్తుతం చిత్రీకరణ చివరి దశలో ఉన్న ఈ మూవీ నుంచి ఒక్కొక్కటిగా ప్రమోషనల్ కంటెంట్ ను రిలీజ్ చేస్తూ అభిమానులకు సర్ప్రైజ్ ఇస్తున్నారు మేకర్స్. ఈ సినిమా నుంచి త్వరలోనే ఒక రొమాంటిక్ సాంగ్ రిలీజ్ చేయబోతున్నాం అంటూ రీసెంట్ గా మేకర్స్ అధికారికంగా అనౌన్స్ చేసిన సంగతి తెలిసిందే. 'కొల్లగొట్టినాదిరో' అనే ఈ సాంగ్ హైలెట్స్ గురించి తాజాగా సోషల్ మీడియాలో తెగ ప్రచారం జరుగుతుంది. ఈ ఒక్క పాటలో ఉన్న హైలెట్స్ ఏంటో తెలిస్తే పవన్ అభిమానులకు పూనకాలు రావడం ఖాయం. 

'కొల్లగొట్టినాదిరో' సాంగ్ హైలెట్స్ 
'హరిహర వీరమల్లు' మూవీ నుంచి ఇప్పటికే మొదటి సాంగ్ 'మాట వినాలి'ని రిలీజ్ చేశారు. ఈ పాటకు ప్రేక్షకుల నుంచి మంచి రెస్పాన్స్ వచ్చింది. ఇక ఇప్పుడు ఇందులోనే రెండో పాటను రిలీజ్ చేయడానికి సన్నాహాలు మొదలు పెట్టారు. 'కొల్లగొట్టినాదిరో' అంటూ సాగే ఈ రొమాంటిక్ సాంగ్ ను ఈనెల 24న రిలీజ్ చేయబోతున్నట్టు వాలెంటైన్స్ డే సందర్భంగా చిత్ర బృందం అఫీషియల్ గా అనౌన్స్ చేసింది. ఈ మేరకు అనౌన్స్మెంట్ పోస్టర్లో పవన్, నిధి రొమాంటిక్ లుక్ లో చూడముచ్చటగా కనిపించారు. అయితే తాజా సమాచారం ప్రకారం ఈ పాటను ఒక భారీ ప్యాలెస్ సెట్టులో 5 రోజుల పాటు చిత్రీకరించినట్టు తెలుస్తోంది. 

పైగా 'హరిహర వీరమల్లు' మూవీలో నిధి అగర్వాల్, పవన్ కళ్యాణ్ తో కలిసి చేసిన మొదటి షాట్ ఇదేనట. ఈ పాట 'గురు' మూవీలోని 'తేరే బినా' తరహాలో ఉంటుందని అంటున్నారు. చాలా కాలం తర్వాత పాటలో అదిరిపోయే స్టెప్పులతో పవన్ కళ్యాణ్ అదరగొట్టాడని తెలుస్తోంది. ఒకవేళ ఈ వార్తలు గనక నిజమైతే పవన్ వేసే స్టెప్పులకు అభిమానులు ఫిదా అవ్వడం ఖాయం. 

ఇంకా షూటింగ్ పెండింగ్ లోనే... 

ఇదిలా ఉండగా, 'హరిహర వీరమల్లు' మూవీ షూటింగ్ విషయానికి వస్తే...  ఇప్పటికే చాలా వరకు షూటింగ్ పూర్తయింది. మరో షెడ్యూల్ కోసం పవన్ కళ్యాణ్ డేట్స్ ఇస్తే షూటింగ్ పూర్తవుతుందని అంటున్నారు. కాగా ఈ సినిమాకు 50% చిత్రీకరణ క్రిష్ దర్శకత్వంలో చేయగా, మిగతా భాగాన్ని డైరెక్టర్ జ్యోతి కృష్ణ కంప్లీట్ చేశారు. ఏఎం రత్నం సమర్పణలో ఏ దయాకర్ రావు ఈ మూవీని నిర్మిస్తున్నారు. ఇందులో నిధి అగర్వాల్ హీరోయిన్ గా నటించగా, బాబీ డియోల్ విలన్ పాత్రను పోషిస్తున్నారు. 'హరిహర వీరమల్లు' మూవీలో పవన్ యోధుడిగా నటించగా, నిధి పంచమి అనే యువరాణి పాత్రలో కనువిందు చేయబోతోంది. రెండు భాగాలుగా రూపొందుతున్న ఈ సినిమా మొదటి భాగానికి 'హరిహర వీరమల్లు - పార్ట్ 1 : స్వార్డ్ వర్సెస్ స్పిరిట్' అనే టైటిల్ ని ఖరారు చేశారు. మార్చ్ 28న ఈ మూవీ రిలీజ్ కాబోతోంది. ఈ పీరియాడికల్ యాక్షన్ డ్రామాకు ఎంఎం కీరవాణి సంగీతం అందిస్తున్నారు.