RC 16 Movie Launch Stills: 'ఆర్‌సీ 16' మూవీ లాంచ్ స్టిల్స్‌ - ఏఆర్‌ రెహమాన్ సందడి, జాన్వీ స్పెషల్‌ అట్రాక్షన్‌

RC 16 Movie: రామ్‌ చరణ్‌-బుచ్చిబాబు సానా RC 16 మూవీని గ్రాండ్‌గా లాంచ్‌ చేశారు. ఈ రోజు హైదరాబాద్‌లో జరిగిన పూజా కార్యక్రమానికి చిరంజీవి, ఏఆర్‌ రెహమాన్‌, సుకుమార్‌ తదితర ప్రముఖులు హాజరయ్యారు

RC 16 Stills (Image Credit: Google Drive)

Ram Charan RC 16 Pooja Ceremony Stills: గ్లోబల్‌ స్టార్‌ రామ్‌ చరణ్‌ (Ram Charan) RC 16 మూవీ నేడు గ్రాండ్‌గా లాంచ్‌ అయిన సంగతి తెలిసిందే.

హైదరాబాద్‌ జరిగిన మూవీ ప్రారంభోత్సవానికి మెగాస్టార్‌ చిరంజీవి ముఖ్య అతిథిగా హాజరయ్యారు. అలాగే ఆస్కార్‌ అవార్డు గ్రహిత ఏఆర్‌ రెహమాన్‌, క్రియేటివ్‌ డైరెక్టర్‌ సుకుమార్‌ ఈ ఈవెంట్‌లో స్పెషల్‌ ఎప్పియరెన్స్‌ ఇచ్చారు.

'ఉప్పెన్‌' ఫేం బుచ్చిబాబు సానా ఈ చిత్రానికి దర్శకత్వం వహిస్తున్న సంగతి తెలిసిందే. ఇది రామ్‌ చరణ్‌ 16వ సినిమా కావడంతో #RC 16 అనే వర్కింగ్‌ టైటిల్‌తో ఈ ప్రాజెక్ట్‌ని ప్రారంభించారు.

ఈ చిత్రంలో బాలీవుడ్‌ బ్యూటీ జాన్వీ కపూర్‌ హీరోయిన్‌గా నటిస్తున్న సంగతి తెలిసిందే. ఈ కార్యక్రమానికి ఆమె తన తండ్రి బోణి కపూర్‌తో కలిసి హాజరైంది.

ఈ సందర్భంగా జాన్వీ చీరలో ఆకట్టుకుంది. సంప్రదాయమైన చీరకట్టులో మెరిసింది. అందంలో తల్లికి తగ్గ తనయగా జాన్వీ స్పెషల్‌ అట్రాక్షన్‌గా నిలిచింది.

ఈ కార్యక్రమానికి రామ్‌ చరణ్‌ సతీమణి ఉపాసన సైతం హజరైంది. అంతేకాదు ప్రముఖ టాలీవుడ్‌ నిర్మాత అల్లు అరవింద్‌తో పాటు ఇతర ప్రముఖులు హజరయ్యారు.

ఇక ముఖ్య అతిథిగా హాజరైన చిరంజీవి RC-16 ముహుర్తపు సన్నివేశానికి క్లాప్‌ కొట్టారు. రామ్‌ చరణ్‌-జాన్వీ కపూర్ల తొలి సన్నివేశానికి కూడా ఆయనే క్లాప్‌ ఇచ్చారు.

ఇక ఈ సినిమాకు ఏఆర్‌ రెహమాన్‌ సంగీతం అందిస్తుండటంతో ఆయనకు ఈ కూడా మూవీ పూజా కార్యక్రమంలో పాల్గొన్నారు.

ఇక అల్లు అరవింద్‌, సుకుమార్‌, జాన్వీ తండ్రి బోణి కపూర్‌ కెమెరా స్విచ్‌ ఆన్‌ చేశారు.

ఇలా RC 16 పూజా కార్యక్రమంలో ప్రముఖులంతా పాల్గొనడంతో ఈ ఈవెంట్‌పైనే అందరి గురించే అంతా చర్చించుకుంటున్నారు.

అంతేకాదు ఈవెంట్‌లోని స్టార్స్‌ స్టిల్స్‌ ప్రస్తుతం సోషల్‌ మీడియాలో వైరల్‌గా అవుతున్నాయి.