అన్వేషించండి

ఎన్నికల ఫలితాలు 2024

(Source: Poll of Polls)

Munawar Faruqui: అమిత్ షా మీద జోక్ వేశాడని... ఎక్కడా ఏ జోక్ వేయడానికి వీలు లేకుండా!

'విద్వేషమే విజయం సాధించింది. కళాకారుడు ఓడిపోయాడు' అని హిందీ స్టాండప్ కమెడియన్ మునవార్ ఫరూఖీ సోషల్ మీడియాలో పోస్ట్ చేశారు. అసలు ఏమైంది? అనే వివరాల్లోకి వెళితే...

By : ABP Desam | Updated at : 29 Nov 2021 01:30 PM (IST)

Comedian Munawar Faruqui 12 shows got cancelled in last two months and he said 'Hatred won, artist lost' Munawar Faruqui: అమిత్ షా మీద జోక్ వేశాడని... ఎక్కడా ఏ జోక్ వేయడానికి వీలు లేకుండా!

మునవార్ ఫరూఖీ (Image Credit: Munawar Faruqui Facebook)

"విద్వేషమే విజయం సాధించింది. కళాకారుడు ఓడిపోయాడు. ఇక, నేను అలసిపోయా. గుడ్ బై" అని కమెడియన్ మునావర్ ఫరూఖీ ఆదివారం సోషల్ మీడియాలో ఓ పోస్ట్ చేశారు. బెంగళూరులో ఆదివారం అతను ఓ షో చేయాల్సి ఉంది. చివరి నిమిషంలో అది క్యాన్సిల్ అయింది. ఆ తర్వాత అతను ఈ విధంగా సోషల్ మీడియాలో పోస్ట్ చేశారు. అయితే... దీని వెనుక ఓ కథ ఉంది. ఒక్క రోజులో జరిగినది కాదు!

హిందూ దేవుళ్లను అవమానించాడని, హిందువుల మనోభావాలను గాయపరిచాడని ఈ ఏడాది జనవరి 1న మునావర్ ఫరూఖీని ఇండోర్ పోలీసులు అరెస్ట్ చేశారు. ఓ నెల రోజులు అతను జైల్లో ఉన్నారు. ఇండోర్ సిటీలో ఓ కేఫ్ ఏర్పాటు చేసిన కార్యక్రమంలో హిందూ దేవుళ్లపై అనుచిత వ్యాఖ్యలు చేయడంతో పాటు కేంద్ర హోం మంత్రి అమిత్ షా మీద కూడా మునావర్ ఫరూఖీ నోరు పారేసుకున్నాడని బీజేపీ ఎమ్మెల్యే కుమారుడు ఒకరు ఇచ్చిన ఫిర్యాదు ఆధారంగా అతణ్ణి అరెస్ట్ చేశారు. అయితే, ఫరూఖీ ఇండోర్ షోలో తాను ఆ జోక్ వేయలేదని పేర్కొన్నారు. గతంలో చేసిన షోస్ లో అతను ఆ జోక్స్ వేసినట్టు టాక్. దాంతో అతడి మీద శ్రీరామ్ సేన, హిందూ జన జాగృతి సమితి ఆగ్రహంగా వ్యక్తం చేశాయి. హిందూ దేవుళ్ల మీద, అమిత్ షా మీద జోక్స్ వేసిన కారణంగా మునావర్ ఫరూఖీ షోస్ మీద చాలామంది అభ్యంతరాలు వ్యక్తం చేస్తున్నారు. దాంతో గత రెండు నెలల్లో అతడు చేయాల్సిన పన్నెండు షోస్ క్యాన్సిల్ అయ్యాయి. శ్రీరామ్ సేన, హిందూ జన జాగృతి సమితి ఫిర్యాదులు చేయడంతో తాజా బెంగళూరు షో క్యాన్సిల్ అయ్యింది.

బెంగళూరు షో క్యాన్సిల్ అయిన తర్వాత "ఈ రోజు బెంగళూరు షో కూడా క్యాన్సిల్ అయ్యింది. బెదిరింపులు రావడంతో ఆరు వందల టికెట్స్ అమ్మినా షో క్యాన్సిల్ చేశారు. దివంగత పునీత్ రాజ్ కుమార్ ఆర్గనైజేషన్‌కు ఓ నెల క్రితం మేం కాల్ చేశాం. బెంగళూరు షో ద్వారా వచ్చిన డబ్బును ఛారిటీకి ఇవ్వాలని అనుకున్నాం. ఆర్గనైజేషన్ వాళ్లు కోరడంతో మేం ఛారిటీ అని చెప్పి టికెట్స్ అమ్మలేదు" అని ఫరూఖీ తెలిపారు. "నేను వేయని జోక్ కు జైల్లో పెట్టడం నుంచి నా షోస్ క్యాన్సిల్ చేయడం వరకూ... ఇది అన్యాయం. మా షోకు సెన్సార్ సర్టిఫికెట్ ఉంది. షోలో సమస్య ఏమీ లేదు. మతాలకు అతీతంగా దేశవ్యాప్తంగా ఈ షోకు ప్రజల నుంచి ఆదరణ లభించింది. అయితే... ప్రేక్షకులకు, థియేటర్లకు బెదిరింపులు రావడంతో లాస్ట్ రెండు నెలల్లో 12 షోస్ క్యాన్సిల్ చేశాం. నా దృష్టిలో... ఇది ముగింపు. నా పేరు మునావర్ ఫరూఖీ, ఇది నా రాత. గుడ్ బై" అని మునావర్ ఫరూఖీ పేర్కొన్నారు.