Summer Meal Plan : సమ్మర్ స్పెషల్ మీల్ ప్లాన్.. అన్నం నుంచి ఇంట్లో చేసుకునే టిఫెన్ల వరకు, ప్రోటీన్తో కూడిన హెల్తీ డైట్
Balanced Meals : సమ్మర్లో వచ్చే ఆరోగ్య సమస్యలను దూరం చేస్తూ.. ఇంట్లోనే సింపుల్గా వండుకోగలిగే ఫుడ్తో, రైస్ని కూడా కలిపి బ్యాలెన్స్డ్ మీల్ ఎలా ప్లాన్ చేసుకోవచ్చో ఇప్పుడు చూసేద్దాం.
High-Protein Meal Plan : సమ్మర్లో హెల్తీగా, హైడ్రేటెడ్గా ఉండేందుకు డైట్ ప్లాన్ చేసుకోవాలనుకుంటున్నారా? అయితే ఇది మీకోసమే. రైస్తో, ఇంట్లో దొరికే ఫుడ్స్తో డైట్ని సింపుల్గా ప్లాన్ చేసుకోవచ్చు. ప్రోటీన్తో నిండిన, కార్బ్స్ ఎక్కువ తీసుకోకుండా, హైడ్రేటింగ్గా ఉంచే ఫుడ్స్ని కూడా కలుపుకొని డైట్ని ఎలా ఫిక్స్ చేయాలో.. సమ్మర్లో జీర్ణ సమస్యలను దూరం చేసే ఫుడ్స్ని ఎలా డైట్లో చేర్చుకోవచ్చో.. ఇంట్లోనే ఈజీగా కుక్ చేసుకునే వంటలతో వారం రోజులకు మీ డైట్ను ఇలా ప్లాన్ చేసుకోండి.
బ్రేక్ఫాస్ట్గా
సోమవారం బ్రేక్ఫాస్ట్గా మూడు ఇడ్లీలు, కొబ్బరి చట్నీ, రెండు ఉడకబెట్టి గుడ్లు తినొచ్చు. మంగళవారం బ్రేక్ఫాస్ట్గా రెండు రాగి దోశలు, టోమాటో చట్నీ తినొచ్చు. రెండు ఎగ్ వైట్స్తో ఆమ్లెట్ వేసుకోవచ్చు. బుధవారం మసాలా ఉప్మాను కూరగాయలతో చేసుకోవచ్చు. ఆనియన్ చట్నీతో దానిని తీసుకోవచ్చు. రెండు ఉడకబెట్టిన గుడ్లు తినాలి. గురువారం పొంగల్ని పుదీనా చట్నీతో కలిపి తినాలి. పొంగల్ కాస్త హెవీగా ఉంటుంది కాబట్టి 1 ఉడకబెట్టిన గుడ్డు తినొచ్చు. శుక్రవారం 3 ఇడ్లీలు, కొబ్బరి పాలు, ఉడకబెట్టిన గుడ్డును బ్రేక్ఫాస్ట్గా తీసుకోవచ్చు. శనివారం ఒకటిన్నర కప్పుల చద్ది అన్నాన్ని.. పచ్చి ఉల్లిపాయతో తినొచ్చు. రెండు ఉడికించిన ఎగ్ వైట్స్ తీసుకోవాలి.
మధ్యాహ్న భోజనం
సోమవారం సాంబార్ రైస్, ఉడికించిన క్యారెట్స్ తీసుకోవాలి. మంగళవారం లెమన్ రైస్ని ఉడికించిన క్యారెట్, పనీర్ ఫ్రైతో కలిపి తీసుకోవచ్చు. బుధవారం సాంబార్ రైస్ని ఉడికించిన శనగలతో కలిపి తీసుకోవాలి. గురువారం టొమాటో రసంని రైస్తో కలిపి ఉడికించిన సొరకాయ ముక్కలతో కలిపి తీసుకోవచ్చు. శుక్రవారం పెరుగన్నం, కీరదోశతో తీసుకోవచ్చు. శనివారం వెజిటేబుల్ బిర్యానీ, ఉల్లిపాయ పెరుగు పచ్చడి, ఉడికించి వేయించుకున్న చనాతో కలిపి తీసుకోవచ్చు.
డిన్నర్
సోమవారం పనీర్ బుర్జీని వంద గ్రాములు తీసుకుని.. ఉడికించి వేయించిన పాలకూరతో కలిపి రెండు చపాతీలు తినొచ్చు. మంగళవారం పెసర దోశలు రెండు వేసుకుని దానిని పుదీనా చట్నీతో తీసుకోండి. కీరదోశ సలాడ్ని తీసుకోవచ్చు. బుధవారం ఎగ్ కర్రీ, రెండు చపాతీలు, ఆనియన్ రైతాతో డిన్నర్ ముగించవచ్చు. గురువారం గ్రిల్ చేసిన పనీర్ 100 గ్రాములు తీసుకుని.. కప్పు రైస్తో, ఉడికించిన పాలకూర వేసుకుని డిన్నర్ ముగించవచ్చు. శుక్రవారం 2 దోశలు 1 ఉడికించిన ఎగ్, ఉల్లిపాయ చట్నీతో డిన్నర్ చేయవచ్చు. శనివారం పనీర్ సలాడ్, పెసరపప్పు కర్రీ, మిల్లెట్ రోటీతో డిన్నర్ ముగించవచ్చు.
స్నాక్స్గా
సోమవారం బటర్ మిల్క్, వేయించిన పల్లీలు పది తినొచ్చు. మంగళవారం తాటిముంజలు, బెల్లంతో చేసిన పల్లీ చిక్కి తీసుకోవచ్చు. బుధవారం పుచ్చకాయ, మసాలా మఖానే తినొచ్చు. గురువారం నన్నారి షర్బత్, రోస్ట్ చేసిన 10 మఖానా తీసుకోవచ్చు. శుక్రవారం బొప్పాయి, బటర్ మిల్క్ తీసుకోవచ్చు. శనివారం బ్రౌన్ బ్రెడ్ పీనట్ బటర్ వేసుకుని రెండు తినొచ్చు.
సమ్మర్లో శరీరానికి అన్ని పోషకాలు అందిస్తూ.. హెల్తీగా, హైడ్రేటెడ్గా ఉండేందుకు దీనిని ఫాలో అవ్వొచ్చు. వారం రోజులు దీనిని ఫాలో అయిన తర్వాత.. దీనినే తర్వాత వారాలకు కంటిన్యూ కూడా చేయవచ్చు. మరిన్ని ఆరోగ్య ప్రయోజనాల కోసం నిపుణులు లేదా వైద్యుల సహాయంతో కూడా డైట్ని ప్రిపేర్ చేసుకుంటే మరిన్ని మంచి ఫలితాలు ఉంటాయి.
గమనిక: పలు అధ్యయనాలు, పరిశోధనలు, హెల్త్ జర్నల్స్ నుంచి సేకరించిన సమాచారాన్ని మీ అవగాహన కోసం ఇక్కడ యథావిధిగా అందించాం. ఈ సమాచారం వైద్యానికి లేదా చికిత్సకు ప్రత్యామ్నాయం కాదు. ఆరోగ్యానికి సంబంధించి.. ఎలాంటి సందేహాలున్నా మీరు తప్పకుండా డాక్టర్ను సంప్రదించాలి. ఈ ఆర్టికల్లో పేర్కొన్న అంశాలకు ‘ఏబీపీ దేశం’, ‘ఏబీపీ నెట్వర్క్’ ఎటువంటి బాధ్యత వహించవని గమనించగలరు.
టాప్ హెడ్ లైన్స్
ట్రెండింగ్ వార్తలు
