Holi 2026 : హోలీ ఆడక ముందు, ఆడిన తర్వాత ఈ టిప్స్ ఫాలో అవ్వండి.. రంగులు సులభంగా వదిలిపోతాయి, స్కిన్ డ్యామేజ్ కాదు
Holi 2026 Special : స్కిన్ డ్యామేజ్ కాకుండా ఉండాలంటే రంగులతో ఆడే ముందు-తరువాత కొన్ని జాగ్రత్తలు తీసుకోవాలి. ఇవి స్కిన్ డ్యామేజ్ కాకుండా కాపాడుతాయి.
Before & After Holi Care : హోలీ ఆడినప్పుడు కొన్ని రంగులు జుట్టు, చర్మానికి అంటుకుపోతాయి. వాటిని వదిలించుకోవడం చాలా కష్టంగా ఉంటుంది. ఈ సమయంలో మీరు ఎక్కువ ఇబ్బంది లేకుండా.. సంతోషంగా హోలీ ఆడుకోవాలనుకుంటే.. రంగులు పూసుకునే ముందు.. తర్వాత కొన్ని జాగ్రత్తలు తీసుకోవాలి. ఈ ఇంటి చిట్కాలు చాలా ఎఫెక్టివ్గా రంగులును వదిలించేస్తాయి.
హోలీ ఆడటానికి ముందు..
హోలీ ఆడటానికి ముందే కొన్ని టిప్స్ ఫాలో అయితే చాలావరకు డ్యామేజ్ అడ్డుకోవచ్చు. హోలీ ఆడటానికి ముందు ముఖం, చేతులు, శరీరానికి నూనెను ఎక్కువగా పూయండి. ఈ నూనె చర్మంపై ఒక రక్షణ పొరను ఏర్పాటు చేస్తుంది. రంగులు నేరుగా శరీరంలోనికి చొచ్చుకుపోకుండా ఆపుతుంది. వీలైతే మీ జుట్టుకు కూడా నూనె రాయండి. ఇది రంగులు స్కాల్ప్పై పేరుకుపోకుండా ఆపుతుంది. పైగా వాటిని కడగడం చాలా సులభం అవుతుంది. చర్మానికి హాని లేకుండా కలర్స్ తొలగించేందుకు ఇది సులభమైన మార్గం.
హోలీ తర్వాత..
హోలీ ఆడిన తర్వాత కూడా రంగు మిగిలి ఉంటే.. పెరుగు, నిమ్మకాయ మిశ్రమం మంచి నివారణ అవుతుంది. ఒక గిన్నెలో పెరుగు తీసుకొని కొద్దిగా నిమ్మరసం కలపండి. బాగా గిలక్కొట్టి ముఖం, శరీరానికి సున్నితంగా అప్లై చేయండి. 5-10 నిమిషాల తర్వాత చల్లటి నీటితో శుభ్రం చేసుకోండి. పెరుగు చర్మాన్ని చల్లబరిచి తేమను ఇస్తుంది. నిమ్మకాయ మరకలను తొలగిస్తుంది. దీని తర్వాత ఫేస్ వాష్ లేదా క్రీమ్ అప్లై చేయండి. దీంతో చర్మం శుభ్రంగా, ప్రకాశవంతంగా కనిపిస్తుంది. తలపై రంగు పడినట్లయితే.. పెరుగును నేరుగా వేళ్లతో స్కాల్ప్కి అప్లై చేసి.. కాసేపు అలాగే ఉంచండి. తరువాత తేలికపాటి షాంపూతో కడిగేయండి. రంగు సులభంగా పోతుంది. జుట్టు మృదువుగా ఉంటుంది.
శనగపిండి, పసుపుతో..
కలర్స్ వల్ల చర్మం రంగు మారితే శనగపిండి నలుగు ప్రభావవంతంగా ఉంటుంది. కొబ్బరి నూనె లేదా ఆవ నూనెను అప్లై చేసి తేలికగా మసాజ్ చేయండి. దానిని 10 నిమిషాలు అలాగే ఉంచి.. 3 టీస్పూన్ల శనగపిండిలో 1/2 టీస్పూన్ పసుపు, 1/2 టీస్పూన్ నిమ్మరసం కలిపి పేస్ట్ లా చేయండి. ఉబ్తాన్ ముఖం, చేతులకు అప్లై చేసి కొద్దిసేపు అలాగే ఉంచండి. తరువాత నిమ్మ తొక్కతో తేలికగా రుద్దండి. చల్లటి నీటితో శుభ్రం చేసుకోండి. ఇంకా రంగు మిగిలి ఉంటే మళ్ళీ అప్లై చేయండి.
శనగపిండి, పచ్చిపాలు
మీరు నిమ్మకాయ ఉపయోగించకూడదనుకుంటే.. ఈ పద్ధతి కూడా సులభమే. అలాగే ఎఫెక్టివ్గా ఉంటుంది. శనగపిండిని పచ్చి పాలు, ఆవ నూనె, పసుపుతో కలిపి ముఖానికి అప్లై చేసి ఆరనివ్వండి. స్క్రబ్ ఆరిన తర్వాత.. దానిని సున్నితంగా స్క్రబ్ చేయండి. రంగు సులభంగా పోతుంది. టానింగ్ కూడా తొలగిపోతుంది.
ఈ టిప్స్ కచ్చితంగా చర్మంపై పేరుకుపోయిన రంగులను తొలగించండంతో పాటు.. టానింగ్ను దూరం చేస్తాయి. అలాగే రంగుల వల్ల ఏర్పడే పొడిచర్మాన్ని దూరం చేస్తాయి. ఇంట్లోనే ఈజీగా ఫాలో అవ్వగలిగే ఈ టిప్స్ మీకు మంచి రిజల్ట్స్ ఇస్తాయి.
టాప్ హెడ్ లైన్స్
ట్రెండింగ్ వార్తలు
