ధృవ్ విక్రమ్ ‘బైసన్’ టైటిల్ రివీల్, ఇన్‌స్టా స్టోరీపై సమంత రియాక్షన్ - నేటి టాప్ సినీ విశేషాలివే!

ఈ రోజు 5 గంటల వరకు జరిగిన సినీ విశేషాల గురించి తెలుసుకోవాలని ఉందా? మరి ఇంకెందుకు ఆలస్యం... ఈ టాప్-5 విశేషాలు చూసేయండి.

ప్రతీకాత్మక చిత్రం

సమర్థించుకోవద్దు, నిరూపించుకోవద్దు - డిలీట్ చేసిన ఇన్‌స్టాగ్రామ్ స్టోరీపై సమంత స్పందన
కొన్నిసార్లు సెలబ్రిటీలు తెలిసి తెలియకుండా చేసే పనులు వాళ్లను ఒక్కసారిగా ఫోకస్‌లోకి తీసుకొస్తాయి. దాని వల్ల వాళ్లకు ఎన్నో ఇబ్బందులు కూడా ఎదురవుతాయి. తాజాగా సమంత చేసిన పని వల్ల కూడా అలాంటి ఇబ్బందులే ఎదుర్కుంటోంది. సినిమాల్లో యాక్టివ్‌గా ఉన్నా లేకపోయినా సామ్.. సోషల్ మీడియాలో మాత్రం చాలా యాక్టివ్‌గా ఉంటుంది అన్నది తెలిసిన విషయమే. అలా తాజాగా తను పోస్ట్ చేసిన ఇన్‌స్టాగ్రామ్ స్టోరీ సెన్సేషన్ క్రియేట్ చేసింది. దీంతో సమంత దానిపై పరోక్షంగా స్పందిస్తూ మరో ఇన్‌స్టాగ్రామ్ స్టోరీని షేర్ చేసింది. ఇది నెటిజన్ల అనుమానాలను మరింత పెంచేస్తోంది. (పూర్తి వివరాల కోసం ఇక్కడ క్లిక్ చేయండి.)

25 ఏళ్లుగా ఇండస్ట్రీలో ఉన్న నన్ను ఇంత దారుణంగా అవమానిస్తారా? కరణ్ జోహార్ ఆవేదన
కరణ్ జోహార్. సినీ అభిమానులకు పెద్దగా పరిచయం అవసరం లేదు. బాలీవుడ్ లో రెండున్నర దశాబ్దాలకుపైగా రాణిస్తున్నారు. దర్శకుడిగా, నిర్మాతగా తనకంటూ ఓ ప్రత్యేక గుర్తింపు తెచ్చుకున్నారు. గత కొద్ది కాలంగా దర్శకత్వానికి స్వస్తి పలికి నిర్మాతగా వరుస సినిమాలు చేస్తున్నారు. ఇండస్ట్రీలో స్టార్ ప్రొడ్యూసర్ గా కొనసాగుతున్న ఆయనను తాజాగా ఓ కమెడియన్ దారుణంగా అవమానించారట. ఈ విషయాన్ని గుర్తు చేసుకుంటూ కరణ్ బాగా ఫీలయ్యారు. తన బాధనంతా సోషల్ మీడియా వేదికగా పంచుకున్నారు. (పూర్తి వివరాల కోసం ఇక్కడ క్లిక్ చేయండి.)

‘బైసన్ కాలమాడన్’ - ధృవ్ విక్రమ్ స్పోర్ట్స్ బయోపిక్ టైటిల్ భలే ఉంది గురూ!
తమిళ స్టార్ హీరో విక్రమ్ తనయుడు ధృవ్ విక్రమ్, టాలెంటెడ్ డైరెక్టర్ సెల్వరాజ్ కాంబోలో ప్రతిష్టాత్మకంగా ఓ స్పోర్ట్స్ బయోపిక్ తెరకెక్కుతున్న విషయం తెలిసిందే. కబడ్డీ ప్లేయర్ గా కెరీర్ ను మొదలు పెట్టి రాజకీయ నాయకుడిగా మారిన మనతి పి గణేషన్ బయోపిక్ గా ఈ సినిమా రూపొందుతోంది. శరవేగంగా ఈ సినిమా షూటింగ్ కొనసాగుతోంది. తాజాగా ఈ సినిమాకు సంబంధించిన టైటిల్ ను మేకర్స్ రివీల్ చేశారు. (పూర్తి వివరాల కోసం ఇక్కడ క్లిక్ చేయండి.)

డంప్ యార్డులో 10 గంటలు మాస్క్ లేకుండా - ‘కుబేర’ కోసం ధనుష్ అంత కష్టపడ్డారా?
కోలీవుడ్ స్టార్ హీరో ధనుష్ తో కలిసి టాలీవుడ్ టాప్ డైరెక్టర్ శేఖర్ కమ్ముల తెరకెక్కిస్తున్న మూవీ ‘కుబేర’. పాన్ ఇండియా చిత్రంగా రూపొందుతున్న ఈ సినిమాలో కింగ్ నాగార్జున కీలక పాత్ర పోషిస్తున్నారు. ఈ సినిమాలో ఆయన ఖాకీ పాత్రలో కనిపించబోతున్నట్లు టాక్ వినిపిస్తోంది. ప్రస్తుతం ఈ సినిమాకు సంబంధించి షూటింగ్ శరవేగంగా కొనసాగుతోంది. కొద్ది రోజుల క్రితం వరకు తిరుపతి పరిసర ప్రాంతాల్లో ఈ సినిమా చిత్రీకరణ కొనసాగగా.. తాజా షెడ్యూల్ ముంబైలో కొనసాగుతోంది. (పూర్తి వివరాల కోసం ఇక్కడ క్లిక్ చేయండి.)

షర్మిల కంట్రోల్ తప్పింది - తోడేలు, గుంటనక్కల కథ చెప్పిన యాంకర్ శ్యామలా.. ఆమె టార్గెట్ వారేనా?
ఏపీలో పొలిటికల్ హీట్ రోజురోజుకీ పెరిగిపోతోంది. ముఖ్యంగా ప్రచారాల్లో సెలబ్రిటీలు పాల్గొంటూ తాము మద్దతు ఇచ్చే నాయకులకు ఓటు వేయమని అడగడం, ఇతర పార్టీ నాయకులపై విమర్శలు చేయడం అనేది కామన్ అయిపోయింది. జనసేనాని పవన్ కళ్యాణ్‌ను సపోర్ట్ చేయడానికి ఎంతోమంది సెలబ్రిటీలు రంగంలోకి దిగుతుండగా.. వైసీపీ తరపున యాంకర్ శ్యామలను ప్రచార కార్యకర్తగా పరిచయం చేశారు వైఎస్ జగన్. దీంతో శ్యామల ఏంటి పాలిటిక్స్ వైపుకు వెళ్లిందని చాలామంది ఆశ్చర్యపోయారు. తాజాగా పాల్గొన్న ఇంటర్వ్యూలో జగన్‌పై తన అభిప్రాయాన్ని వ్యక్తం చేస్తూనే ప్రేక్షకులకు తెలివిగా ఒక కథను వినిపించింది శ్యామల. (పూర్తి వివరాల కోసం ఇక్కడ క్లిక్ చేయండి.)