Vijay Devarakonda : విజయ్ దేవరకొండ 'ఫ్యామిలీ స్టార్' - అఫీషియల్ నామకరణం ఆ రోజే, టైటిల్‌తో పాటు టీజర్ కూడా!

Family Star Movie - Vijay Devarakonda : విజయ్ దేవరకొండ హీరోగా 'దిల్' రాజు సంస్థలో రూపొందుతున్న సినిమా టీజర్, టైటిల్ ఎప్పుడు విడుదల చేసేది ఈ రోజు వెల్లడించారు.  

విజయ్ దేవరకొండ, VD13 Movie ప్రీ లుక్ 

విజయ్ దేవరకొండ (Vijay Devarakonda) హీరోగా ప్రముఖ నిర్మాత 'దిల్' రాజుకు చెందిన శ్రీ వెంకటేశ్వర క్రియేషన్స్ సంస్థలో ఓ సినిమా రూపొందుతోంది. హీరోకి ఇది 13వ (VD13) సినిమా అయితే... నిర్మాణ సంస్థలో 54వ సినిమా (SVC 54). ఈ సినిమా ప్రత్యేకత ఏమిటంటే... 'గీత గోవిందం' వంటి బ్లాక్ బస్టర్ తర్వాత విజయ్ దేవరకొండ, ఆ సినిమా దర్శకుడు పరశురామ్ కలయికలో వస్తున్న చిత్రమిది. ఈ సినిమాలో 'సీతా రామం', 'హాయ్ నాన్న' సినిమాల ఫేమ్ మృణాల్ ఠాకూర్ (Mrunal Thakur) కథానాయిక. మరో నాయికగా 'మజిలీ', 'రామారావు ఆన్ డ్యూటీ', 'మైఖేల్' సినిమాల ఫేమ్ దివ్యాంశ కౌశిక్ నటిస్తున్నారు.   
 
బుధవారం నామకరణం... టీజర్ కూడా!
ఈ సినిమాకు 'ఫ్యామిలీ స్టార్' టైటిల్ ఖరారు చేసినట్లు తెలిసింది. అయితే... ఆ విషయాన్ని ఇంకా చెప్పలేదు. విజయ దశమి సందర్భంగా ఈ నెల 18న సినిమా టీజర్ విడుదల చేయనున్నారు. అప్పుడు టైటిల్ కూడా అనౌన్స్ చేయనున్నారు. 

''అధికారికంగా ఈ నెల 18న మా సినిమాకు నామకరణం చేస్తున్నాం. అలాగే, చిన్న టీజర్ కూడా విడుదల చేస్తున్నాం'' అని చిత్ర బృందం పేర్కొంది. ఈ నెల 18న... బుధవారం సాయంత్రం ఆరు గంటల 30 నిమిషాలకు టీజర్ విడుదల కానుంది. సంక్రాంతి సందర్భంగా సినిమాను విడుదల చేస్తామని గతంలో చెప్పారు. లేటెస్ట్ ఇన్ఫర్మేషన్ ఏమిటంటే... జనవరి 14న చిత్రాన్ని ప్రేక్షకుల ముందుకు తీసుకు రానున్నారు. ఆ విషయం కూడా 18న వెల్లడించనున్నారు.

The official Naamakaranam for this special project will be announced through a small title teaser.❤️

You will witness something special 🔥

Date- October 18
Time- 18:30#VD13 #SVC54@TheDeverakonda @mrunal0801@ParasuramPetla #KUMohanan @GopiSundarOffl @SVC_official pic.twitter.com/XTk2pSwFUR

— Sri Venkateswara Creations (@SVC_official) October 15, 2023

నాలుగు నెలల వ్యవధిలో రెండు సినిమాలు
సెప్టెంబర్ 1న 'ఖుషి' విడుదల అయ్యింది. అది విడుదలైన నాలుగు నెలలకు మరో సినిమాతో సంకాంతికి థియేటర్లలో విజయ్ దేవరకొండ సందడి చేయనున్నారు. ఈ విజయ దశమికి 'ఫ్యామిలీ స్టార్' విడుదల తేదీ అనౌన్స్ చేసే ఛాన్స్ ఉంది. 

ప్రస్తుతానికి మహేష్ బాబు 'గుంటూరు కారం', ప్రభాస్ 'ప్రాజెక్ట్ కె', రవితేజ 'ఈగల్', తేజా సజ్జ 'హను - మాన్' కూడా సంక్రాంతి రేసులో ఉన్నాయి. ఇటీవల వెంకటేష్ 'సైంధవ్'ను కూడా సంక్రాంతికి విడుదల చేస్తున్నట్లు వెల్లడించారు. మరి, ఈ సినిమాల మధ్య పోటీ ఎలా ఉంటుందో? చివరికి ఏయే సినిమాలు వెనక్కి వెళతాయో? చూడాలి.  

అమెరికాలో VD13 Movie చిత్రీకరణ!
'దిల్' రాజు, దర్శకుడు పరశురామ్, చిత్ర బృందంలో కీలక సభ్యలు కొందరు కొన్ని రోజుల క్రితం అమెరికా వెళ్లారు. అక్కడ ఈ సినిమా కోసం కొన్ని లొకేషన్స్ రెక్కీ చేశారు. కథలో కీలక సన్నివేశాలను అక్కడ చిత్రీకరించడానికి ప్లాన్ చేశారు. త్వరలో యూనిట్ అంతా అమెరికా వెళ్లనున్నారు. అమెరికా షెడ్యూల్ మినహా షూటింగ్ అంతా కంప్లీట్ అయ్యిందట! 

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial