KKR vs PBKS, IPL 2022 LIVE: పంజాబ్‌ కింగ్స్‌ను కిల్‌ చేసిన రసెల్‌ - 8 సిక్సర్లతో వీర విహారం, కోల్‌కతాకు రెండో విజయం

pbks vs kkr live updates: ఐపీఎల్‌ 2022 ఎనిమిదో మ్యాచులో కోల్‌కతా నైట్‌రైడర్స్‌ (Kolkata Knightriders), పంజాబ్‌ కింగ్స్‌ (Punjab Kings) తలపడుతున్నాయి. మరి వీరిద్దరిలో ఎవరు బెస్ట్‌? ఎవరిది పై చేయి?

Background

IPL 2022, PBKS vs KKR: ఐపీఎల్‌ 2022 ఎనిమిదో మ్యాచులో కోల్‌కతా నైట్‌రైడర్స్‌ (Kolkata Knightriders), పంజాబ్‌ కింగ్స్‌ (Punjab Kings) తలపడుతున్నాయి. ఈ మ్యాచుకు వాంఖడే వేదిక. 206 టార్గెట్‌ను ఊడ్చేసిన పంజాబ్‌ జోరు మీదుంటే రెండో మ్యాచులో పరాజయంతో కోల్‌కతాలో పట్టుదల మరింత పెరిగింది. మరి వీరిద్దరిలో ఎవరు బెస్ట్‌? ఎవరిపై ఎవరిది పై చేయి? ప్లేయింగ్‌ ఎలెవన్‌లో ఎవరెవరు ఉండబోతున్నారు.

KKRదే పైచేయి

ఇండియన్‌ ప్రీమియర్‌ లీగులో (IPL) పంజాబ్‌ కింగ్స్‌పై కోల్‌కతా నైట్‌రైడర్స్‌కు (PBKS vs KKR) తిరుగులేని ఆధిపత్యం ఉంది. ఈ రెండు జట్లు ఇప్పటి వరకు 29 సార్లు తలపడగా కేకేఆర్‌ ఏకంగా 19 సార్లు గెలిచింది. పంజాబ్‌ 10 విజయాలకే పరిమితమైంది. రీసెంట్‌గా ఆడిన ఆఖరి ఐదింట్లోనూ 3-2తో కేకేఆర్‌దే పైచేయి. అయితే గతేడాది చెరో మ్యాచ్ గెలిచారు.

 హిట్టర్లదే రాజ్యం!

ప్రస్తుత సీజన్లో రెండు జట్లు బలంగా మారాయి. తమకు కావాల్సిన ఆటగాళ్లను ఎంపిక చేసుకున్నాయి. రెండు జట్లలోనూ కావాల్సినంత మంది హిట్టర్లు ఉన్నారు. బెంగళూరుపై 206 టార్గెట్‌ను ఛేదించిన పంజాబ్‌ మంచి జోష్‌లో ఉంది. పైగా ఆ జట్టులోకి ఇప్పుడు కాగిసో రబాడా వచ్చాడు. దాంతో డెత్‌, పవర్‌ప్లే బౌలింగ్‌ మరింత పటిష్ఠంగా మారనుంది. ఒడీన్‌ స్మిత్ వీరబాదుడు ఆకట్టుకుంది. ఇక కేకేఆర్‌ ఒక మ్యాచ్‌ గెలిచి ఒకటి ఓడింది. రెండో మ్యాచులో ముఖ్యంగా ఒకరకమైన నిర్లక్ష్యం కనిపించింది! పిచ్‌, కండీషన్స్‌ను పట్టించుకోకుండా తర్వాత వచ్చేవాళ్లు బలమైనవాళ్లేనని భావించి అనవసర షాట్లు ఆడి బొక్కబోర్లా పడ్డారు. 14 ఓవర్లకే 8 వికెట్లు పోగొట్టుకున్నారు. బహుశా ఈ మ్యాచులో మరింత జాగ్రత్తగా ఆడే అవకాశం ఉంది. వాంఖడేలో టాస్‌ గెలిచిన వారిదే దాదాపుగా గెలుపు కానుంది.

PBKS vs KKR Probable Teams

కోల్‌కతా నైట్‌రైడర్స్‌: వెంకటేశ్‌ అయ్యర్‌, అజింక్య రహానె, శ్రేయస్‌ అయ్యర్‌, నితీశ్‌ రాణా, సామ్‌ బిల్లింగ్స్‌, షెల్డన్‌ జాక్సన్‌, ఆండ్రీ రసెల్‌ / చామిక కరుణరత్నె /మహ్మద్ నబీ, సునిల్‌ నరైన్‌, టిమ్‌ సౌథీ, ఉమేశ్‌ యాదవ్‌, వరుణ్‌ చక్రవర్తి

పంజాబ్‌ కింగ్స్‌: శిఖర్‌ ధావన్‌, మయాంక్‌ అగర్వాల్‌, భానుక రాజపక్స, లియామ్‌ లివింగ్‌స్టోన్‌, రాజ్‌బావా, షారుఖ్‌ ఖాన్‌, ఓడీన్‌ స్మిత్‌, హర్‌ప్రీత్‌ బ్రార్‌, అర్షదీప్‌ సింగ్‌, కాగిసో రబాడా, రాహుల్‌ చాహర్‌

22:40 PM (IST)  •  01 Apr 2022

రసెల్‌ మజిల్‌.. సిక్సర్ల వరదతో కేకేఆర్‌కు రెండో గెలుపు

KKR vs PBKS, IPL 2022 LIVE: 15 ఓవర్లో వరుసగా రెండు బంతుల్ని ఆండ్రీ రసెల్‌ (70) వరుసగా రెండు సిక్సర్లు బాదేసి విజయం అందించాడు. బిల్లింగ్స్‌ (24) అతడికి అండగా నిలిచాడు. 14.3 ఓవర్లకే 138ని ఛేదించేశాడు.

22:37 PM (IST)  •  01 Apr 2022

14 ఓవర్లకు కోల్‌కతా 128-4

KKR vs PBKS, IPL 2022 LIVE: అర్షదీప్‌ 14 పరుగులు ఇచ్చాడు. ఈ ఓవర్లో రసెల్‌ (58) ఒక బౌండరీ, ఒక సిక్సర్‌ బాదేసి హాఫ్‌ సెంచరీ చేసుకున్నాడు. బిల్లింగ్స్‌ (23) అతడికి తోడుగా ఉన్నాడు.

22:31 PM (IST)  •  01 Apr 2022

13 ఓవర్లకు కోల్‌కతా 114-4

KKR vs PBKS, IPL 2022 LIVE: రాహుల్‌ చాహర్‌ 5 పరుగులు ఇచ్చాడు. బౌండరీలేమీ రాలేదు. రసెల్‌ (46), బిల్లింగ్స్‌ (22) నిలకడగా ఆడారు.

22:27 PM (IST)  •  01 Apr 2022

12 ఓవర్లకు కోల్‌కతా 109-4

KKR vs PBKS, IPL 2022 LIVE: ఒడీన్‌ స్మిత్‌కు రసెల్‌ (44) చుక్కలు చూపించాడు. మూడు సిక్సర్లు, ఒక బౌండరీ బాదేశాడు. ఆఖరి బంతికి బిల్లింగ్స్‌ (20) సిక్స్‌ కొట్టాడు. దాంతో మొత్తం 30 పరుగులు వచ్చాయి.

22:20 PM (IST)  •  01 Apr 2022

11 ఓవర్లకు కోల్‌కతా 79-4

KKR vs PBKS, IPL 2022 LIVE: రాహుల్‌ చాహర్‌ 6 పరుగులు ఇచ్చాడు. ఆండ్రీ రసెల్‌ (21), బిల్లింగ్స్‌ (14) నిలకడగా ఆడుతున్నారు.