Brahmastra Song Teaser: రణబీర్-అలియా న్యూ జర్నీ, 'బ్రహ్మాస్త' టీమ్ స్పెషల్ విషెస్ 

బాలీవుడ్ లో భారీ బడ్జెట్ తో తెరకెక్కిన సినిమా 'బ్రహ్మాస్త్ర'. ఈ సినిమాను రెండు భాగాలుగా విడుదల చేయనున్నారు. అయాన్ ముఖర్జీ దర్శకత్వం వహించిన ఈ సినిమాలో రియల్ లైఫ్ లవ్ బర్డ్స్ రణబీర్ కపూర్, అలియాభట్ జంటగా నటించారు. ఈ సినిమాను సెప్టెంబర్ 9న థియేటర్లలో విడుదల కానుంది. అయితే ప్రస్తుతం బీటౌన్ మొత్తం రణబీర్, అలియాభట్ ల పెళ్లి గురించే చర్చించుకుంటోంది. ఈ జంట ఏప్రిల్ 14న పెళ్లి బంధంతో ఒక్కటి కానుంది. కొందరు మాత్రం ఏప్రిల్ 15న పెళ్లి జరగబోతుందని అంటున్నారు. 

ఈ విషయంలో ఇంకా క్లారిటీ రావడం లేదు. ఈ జంట పెళ్లి చేసుకోబోతున్న నేపథ్యంలో 'బ్రహ్మాస్త్ర' టీమ్ స్పెషల్ గా విష్ చేసింది. ఈ సినిమా నుంచి ఓ స్పెషల్ వీడియోను రిలీజ్ చేస్తూ.. రణబీర్, అలియాలకు శుభాకాంక్షలు చెప్పారు. వారణాసిలో చిత్రీకరించిన 'కేసరియా' అనే మొదటి పాటకు సంబంధించిన చిన్న టీజర్ ను దర్శకుడు అయాన్ ముఖర్జీ విడుదల చేశారు. ఈ సాంగ్ విజువల్స్ అద్భుతంగా ఉన్నాయి. 

'రానున్న రోజుల్లో కొత్త ప్రయాణాన్ని ప్రారంభించేందుకు సిద్ధమవుతున్న మా ఈషా, శివల జీవితాల్లో ప్రేమ, అదృష్టం, వెలుగులు నిండాలని కోరుకుంటూ టీమ్ బ్రహ్మాస్త్ర నుంచి ఈ విషెస్' అంటూ వీడియోను పోస్ట్ చేసింది. అలానే దర్శకుడు అయాన్.. అలియా, రణబీర్ లతో తనకున్న బంధాన్ని గుర్తుచేసుకుంటూ ఇన్స్టాగ్రామ్ లో ఓ పోస్ట్ పెట్టాడు. ఫాక్స్ స్టార్ స్టూడియోస్, ధర్మ ప్రొడక్షన్స్, ప్రైమ్ ఫోకస్, స్టార్‌లైట్ పిక్చర్స్ సంయుక్తంగా నిర్మిస్తున్న ఈ సినిమాలో అమితాబ్ బచ్చన్, నాగార్జున అక్కినేని, మౌని రాయ్ తదితరులు కీలక పాత్రల్లో కనిపించనున్నారు.

Also Read: తెలంగాణలో 'కెజియఫ్ 2' టికెట్ రేట్స్ పెరిగాయ్, రోజుకు ఐదు షోలు

 

 

 

 

 

View this post on Instagram

 

 

 

 

 

 

 

 

 

 

 

A post shared by Ayan Mukerji (@ayan_mukerji)