Varun Tej: వరుణ్ తేజ్ కొత్త మూవీ ప్రారంభం - ఇండో కొరియన్ హారర్ కామెడీ ఫిల్మ్‌గా..

Varun Tej New Movie: టాలీవుడ్ యంగ్ హీరో వరుణ్ తేజ్ కొత్త మూవీ ప్రారంభమైంది. హైదరాబాద్‌లో సోమవారం ఈ సినిమా పూజా కార్యక్రమం నిర్వహించారు. డిఫరెంట్ కాన్సెప్ట్‌తో ఈ మూవీ తెరకెక్కనుంది.

వరుణ్ తేజ్ కొత్త మూవీ ప్రారంభం

టాలీవుడ్ యంగ్ హీరో వరుణ్ తేజ్ కొత్త మూవీ ప్రారంభమైంది. ఈ సినిమా పూజా కార్యక్రమం హైదరాబాద్‌లో జరిగింది. ఈ కార్యక్రమంలో మూవీ టీంతో పాటు దర్శకుడు క్రిష్, వరుణ్ సతీమణి లావణ్య త్రిపాఠి, సోదరి నిహారిక పాల్గొన్నారు.

'ఎక్స్ ప్రెస్ రాజా', వెంకటాద్రి ఎక్స్ ప్రెస్ చిత్రాల దర్శకుడు మేర్లపాక గాంధీ దర్శకత్వంలో వరుణ్ తేజ్ 15వ చిత్రంగా తెరకెక్కనుంది. యూవీ క్రియేషన్స్, ఫస్ట్ ఫ్రేమ్ ఎంటర్‌టైన్‌మెంట్స్ సంయుక్తంగా ఈ చిత్రాన్ని నిర్మిస్తున్నాయి.

ఈ సినిమాలో వరుణ్ తేజ్ సరసన హీరోయిన్ రికితా నాయక్ నటించనున్నారు. VT15 వర్కింగ్ టైటిల్‌తో ఈ మూవీ తెరకెక్కనుంది.

ఓ డిఫరెంట్ కాన్సెప్ట్‌తో మూవీ తెరకెక్కనుంది. ఇండో కొరియన్ హారర్ కామెడీ ఎంటర్‌టైనర్‌గా రాబోతోంది.