Sivaji: మంగపతికి మెగాస్టార్ చిరంజీవి సత్కారం - లవ్ యూ అన్నయ్య అంటూ సెల్ఫీలు

Sivaji As Mangapathi: 'కోర్ట్' మూవీలో మంగపతిగా నటించి మెప్పించిన నటుడు శివాజీని మెగాస్టార్ చిరంజీవి సత్కరించారు. ఈ సందర్భంగా ఆయనతో శివాజీ సెల్ఫీలు దిగారు. లవ్ యూ అన్నయ్య అంటూ ఫోటోలు షేర్ చేశారు.

చిరంజీవితో శివాజీ సెల్ఫీలు

నటుడు శివాజీని మెగాస్టార్ చిరంజీవి సత్కరించారు. ఈ సందర్భంగా శివాజీ ఆయనతో సెల్ఫీలు దిగారు. కోర్ట్ మూవీ చూసిన మెగాస్టార్ శివాజీని తన నివాసానికి పిలిపించుకుని ప్రత్యేకంగా అభినందించారు.

కోర్ట్ మూవీలో మంగపతిగా శివాజీ నటన అద్భుతమంటూ చిరంజీవి ప్రశంసించారు. చాలా రోజుల తర్వాత చిరంజీవిని కలవగా శివాజీ సెల్ఫీలు దిగారు.

ఈ ఫోటోలను సోషల్ మీడియాలో షేర్ చేయగా వైరల్ అవుతున్నాయి. 'ఈ క్షణం నా హృదయంలో ఎప్పటికీ నిలిచిపోతుంది. నా ప్రియమైన అన్నయ్య ఈ మంగపతిని, కోర్ట్ టీంను అభినందించడం సంతోషంగా ఉంది. లవ్ యూ అన్నయ్యా' అని పేర్కొన్నారు.

కోర్ట్ మూవీలో శివాజీ విలన్ రోల్‌లో మంగపతిగా అదరగొట్టారు. ఆయన నటనకు ప్రశంసలు కురుస్తూనే ఉన్నాయి. నాని నిర్మాతగా వ్యవహరించగా.. ప్రియదర్శి ప్రధాన పాత్ర పోషించారు. హర్ష్ రోషన్, శ్రీదేవి జంటగా నటించారు. ఈ మూవీ బాక్సాఫీస్ వద్ద మంచి కలెక్షన్లు రాబడుతోంది.