Prabhas: ఇండియన్ సినిమాలోనే బిగ్గెస్ట్ డీల్ - ఆ మూడు సినిమాలకు ప్రభాస్ రెమ్యూనరేషన్ ఎంత?

Prabhas Hombale Films Deal: ప్రభాస్, హోంబలే ఫిల్మ్స్ తో కుదుర్చున్న ఎపిక్ డీల్ లో భాగంగా ఆయన మూడు సినిమాలకు రూ. 575 కోట్ల పారితోషికం తీసుకున్నట్టు టాక్ నడుస్తోంది.

Prabhas

Source : ABPLIVE AI

Prabhas Hombale Films: పాన్ ఇండియా హీరోగా ట్యాగ్ సంపాదించుకున్న తర్వాత అలాంటి హీరోతో సినిమాలు చేయడానికి ప్రతి నిర్మాణ సంస్థ ఉవ్విరూరుల్లుతుంది. ఎప్పుడెప్పుడు ఆ స్టార్ హీరోతో ఓ బిగ్గెస్ట్ సినిమాని తీస్తామా ? ఆ స్టార్ కున్న క్రేజ్ ను క్యాష్ చేసుకుందామా అని ఈగర్ గా వెయిట్ చేస్తారు. ఇలాంటి బిగ్ మార్కెట్ ఉన్న పెద్ద హీరోలతో సినిమా చేస్తే తమ మార్కెట్ కూడా పెరుగుతుంది అనేది నిర్మాతల ఆలోచన. మంచి క్రేజ్ ఉన్న ఇలాంటి పాన్ ఇండియా హీరోలపై పెట్టుబడి ఎక్కువగా పెడితే, అదే రేంజ్ లో కాసుల వర్షం కురిసే అవకాశం కూడా ఉంటుందని ఇప్పటికే యంగ్ రెబెల్ స్టార్ ప్రభాస్ ప్రూవ్ చేసిన సంగతి తెలిసిందే. అందుకే నిర్మాణ సంస్థ హోంబలే ఫిల్మ్స్ తాజాగా ప్రభాస్ తో ఒక ఎపిక్ డీల్ కుదుర్చుకుంది. అయితే ప్రభాస్ తో కలిసి ఈ నిర్మాణ సంస్థ చేస్తున్న సినిమాల కోసం ఆయన ఊహించని రేంజ్ లో రెమ్యూనరేషన్ ఛార్జ్ చేశారంటూ ఓ వార్త ప్రస్తుతం సోషల్ మీడియాలో వైరల్ అవుతుంది. 

శాండల్ వుడ్ అనగానే ముందుగా గుర్తొచ్చేది 'కేజిఎఫ్' మూవీ. డైరెక్టర్ ప్రశాంత్ నీల్ ఈ సినిమాతో యష్ ను మాత్రమే కాదు కన్నడ సినిమా సత్తాను ప్రూవ్ చేశారు. అందరూ దేశవ్యాప్తంగా కన్నడ చిత్ర పరిశ్రమ గురించి ఈ సినిమాతో మాట్లాడుకునేలా చేశారు. ఇక ఈ మూవీని నిర్మించిన సంస్థ హోంబలే ఫిలిమ్స్. 'కేజీఎఫ్'తో పాటు 'కేజీఎఫ్ 2' లాంటి సినిమాలను నిర్మించి భారీగా లాభాలను మూట కట్టుకున్న హోంబలే ఫిలిమ్స్ కు ఫేమ్ కూడా రావడం తెలిసిందే. ఈ నేపథ్యంలోనే హోంబలే ఫిలిమ్స్ కేవలం కన్నడలోనే కాకుండా ఇతర భాషల్లో కూడా సినిమాలను చేయడానికి ఆసక్తిని కనబరుస్తోంది. 

ఇప్పటికే ఈ మేరకు తమిళ, మలయాళ భాషల్లో కూడా సినిమాలు చేస్తోంది. అంతేకాదు ప్రభాస్ చేసిన 'సలార్' మూవీతో టాలీవుడ్ లో కూడా ఎంట్రీ ఇచ్చింది. ఇక ఇప్పుడు పాన్ ఇండియా రేంజ్ చిత్ర నిర్మాణ సంస్థగా ఆధిపత్యం చెలాయించాలి అన్నట్టుగా హోంబలే ఫిలిమ్స్ భారీ ప్లాన్ చేసినట్టుగా అనిపిస్తుంది. ఇప్పటికే ప్రభాస్ - హోంబలే ఫిలిమ్స్ కాంబినేషన్లో 'సలార్' విడుదల కాగా, 'సలార్ 2' మూవీ షూటింగ్ కూడా షురూ అయింది. అయితే ఇదే నిర్మాణ సంస్థలో ప్రభాస్ తో మరో రెండు సినిమాలను కూడా నిర్మించడానికి అగ్రిమెంట్ చేసుకుంది హోంబలే ఫిలిమ్స్. అందులో భాగంగా ప్రభాస్ తో 2026, 27, 28 సంవత్సరాల్లో వరుసగా సినిమాలు చేయబోతోంది. అయితే ఈ భారీ డీల్ లో భాగంగా ప్రభాస్ ఏకంగా రూ.575 కోట్ల పారితోషం తీసుకుంటున్నట్టుగా తెలుస్తోంది. ఒకవేళ ఇదే గనక నిజమైతే ఇండియన్ సినిమా హిస్టరీలోనే ఇది బిగ్గెస్ట్ డీల్ అని చెప్పొచ్చు. అంటే ప్రభాస్ దాదాపుగా ఒక్కో సినిమాకు రెండు వందల కోట్ల వరకు చార్జ్ చేస్తున్నట్టు లెక్క. అయితే ఈ వార్తపై ఎలాంటి అధికారిక సమాచారం లేదు.